Emírinn ser sjálfur mættur á völlinn. Hann mætir til leiks þremur mínútum í leik með risastórri bílalest. Aðeins öðruvísi menning en við eigum að venjast!

Það styttist í leikinn, svakaleg setningarathöfn í gangi núna það sem engu er til sparað. Meðal gesta á leiknum er Gianni Infantino, forseti FIFA. Leikvangurinn er alveg brjálæðislega flottur.

Athugið! Leikurinn sjálfur hefst klukkan 16:00 en áður hafði verið sagt að flautað yrði til leiks 15:00. Leikurinn verður 19 að staðartíma.

Þess má geta að það er notast við VAR í Katar. Saud Al Athba er aðaldómari leiksins.

"Hann hefur sýnt stöðugleika og verið góður fyrir lið sem hefur átt í vandræðum. Hann er leiðtogi í liði sem hefur neyðst til að spila á mörgum ungum leikmönnum upp á síðkastið. Hann skoraði sigurmarkið í undanúrslitunum og vonast til að endurtaka leikinn þegar Arabi freistar þess að vinna Amir-bikarinn í fyrsta sinn í 27 ár," segir Mitch Freeley, íþróttafréttamaður í Katar, um spilamennsku Arons Einars Gunnarssonar í upphafi nýs tímabils.

Al Sadd er álitið talsvert líklegra liðið til sigurs fyrir leikinn og vann liðið úrslitaleik gegn Al Arabi fyrr á árinu.

"Við erum á frábæru skriði og ég býst við góðri frammistöðu frá mínu liði. Allir halda að við séum líklegri en það er ekki satt. Þetta verður erfiður og flókinn leikur á morgun. Úrslitaleikur getur orðið allt öðruvísi en aðrir leikir, fullur af spennu," sagði Xavi, fyrrum leikmaður Barcelona og stjóri Al Sadd, á blaðamannafundi í gær.

Hvað segir Mitch Freeley, íþróttafréttamaður BEIn í Katar:

Þetta er risastór leikur fyrir Al Arabi, félagið hefur ekki unnið Amir-bikarinn síðan 1994. Þess utan er þetta opnunarleikur Al Rayyan vallarins og ofan á það er hann leikinn á þjóðhátíðardegi Katar. Þetta er einn stærsti leikur liðsins í áratug.

Þetta er gríðarlega stór leikur, mikilvægasta bikarkeppnin í landinu og hann er leikinn á nýjum leikvangi. Þá fá 20 þúsund áhorfendur að mæta á leikinn eftir að hafa verið skimaðir fyrir Covid-19. Þetta verður væntanlega eini alvöru risaleikurinn í Katar á árinu 2020,

Þetta verður erfiður leikur fyrir Arabi, gegn liði Al Sadd sem er á flugi í deildinni og með sjö stiga forystu á toppnum.

Þetta hefur verið erfitt fyrir Arabi í byrjun nýs tímabils, mikilvægir leikmenn hafa farið á meiðslalistann og slæm byrjun gerir það að verkum að liðið er við botninn. Það lítur þó út fyrir að Heimir sé hérna fyrir verkefnið og hugmyndafræðina, ég er viss um það eftir að hafa rætt við hann fyrr í vikunni. Það er hávær orðrómur um að hann gæti verið rekinn en ég persónulega sé það ekki gerast.

Santi Cazorla er einn albesti leikmaður deildarinnar en hann gekk í raðir Al Sadd fyrr á þessu ári. Hann fór illa með Al Arabi í úrslitaleik fyrr á þessu ári og þarf Heimir að finna svör gegn þessum fyrrum leikmanni Arsenal.

Heimir Hallgrímsson á fréttamannafundi fyrir leik:

"Við vitum að þessi leikur er mjög mikilvægur, mikilvægari en aðrir leikir. Þetta er leikur tilfinninga. Við höfum reynt að halda undirbúningi eins hefðbundnum og hægt er fyrir þennan úrslitaleik til að setja ekki pressu á leikmenn. Upplifunin verður öðruvísi að spila úrslitaleik því leikmenn eru ekki vanir því. Við verðum að trúa því að við getum unnið. Þetta snýst ekki bara um fótbolta heldur einnig um sálræna og hugræna þætti. Ég held að við þurfum að spila til sigurs. Við trúum á okkar hæfni til að sigra og við verðum að undirbúa okkur á þann veg, vonandi tekst okkur vel til."

Góðan og gleðilegan dag!

Al Arabi mætir klukkan 16:00 í dag liði Al Sadd í bikarúrslitaleik í Katar. Leikið er í Amir-bikarkeppninni, aðal bikarkeppni landsins, en liðin mættust í öðrum bikarúrslitaleik fyrr á árinu og þá vann Al Sadd.

Al Sadd er stýrt af Xavi Hernandez, fyrrum leikmanns Barcelona. Liðið er í toppsætinu í deildinni. Al Arabi er stýrt af Heimi Hallgrímssyni og liðið er í næstneðsta sæti deildarinnar. Freyr Alexandersson er kominn inn á þjálfarateymi Al Arabi og Bjarki Már Ólafsson er einnig í teyminu. Landsliðsfyrirliðinn Aron Einar Gunnarsson er leikmaður Al Arabi.

Við fylgjumst með í þráðbeinni textalýsingu!