Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
Í BEINNI
Úrslitaleikur Lengjubikars kvenna
Valur
83' 2
1
Breiðablik
Ítalía
1
1
Ísland
Valentina Giacinti '1 1-0
1-1 Karólína Lea Vilhjálmsdóttir '40
13.04.2021  -  14:00
Coverciano, Flórens
Vináttulandsleikur
Dómari: Sabina Bolic (Kró)
Byrjunarlið:
1. Laura Giuliani (m)
2. Valentina Bergamaschi
3. Sara Gama ('58)
6. Manuela Giugliano
8. Martina Rosucci ('66)
10. Cristiana Girelli
13. Elisa Bartoli ('79)
15. Annamaria Serturini
19. Valentina Giacinti
21. Valentina Cernoia ('58)
23. Cecilia Salvai

Varamenn:
22. Francesca Durante (m)
4. Aurora Galli
5. Elena Linari ('58)
7. Gloria Marinelli ('58)
11. Beatrice Merlo
14. Agnese Bonfantini ('79)
16. Lucia Di Guglielmo
18. Arianna Caruso ('66)
23. Sofia Cantore
24. Melissa Bellucci

Liðsstjórn:
Milena Bertolini (Þ)

Gul spjöld:

Rauð spjöld:
Leik lokið!
Jafntefli niðurstaðan. Íslenska liðið átti flotta kafla í leiknum og margt jákvætt hægt að taka úr þessu. Íslenska liðið byrjaði leikinn brösuglega en náði svo að finna betri takt.
94. mín
Langt innkast frá Sveindísi. Síðasti séns.

Enginn íslenskur leikmaður nær til boltans og þá er ljóst að þessi leikur endar með jafntefli.
93. mín
Sveindís með skot en beint á Guiliani. Fjör í uppbótartímanum.
93. mín
Sveindís í baráttunni í teignum eftir hornið en ítalska liðið vinnur boltann.
92. mín
ELÍN METTA!!! Góð skottilraun sem Guilani ver vel í horn. Elín lét vaða fyrir utan teiginn. Flott tilraun.
91. mín
Leikurinn er kominn í uppbótartíma. Uppbótartíminn að minnsta kosti 4 mínútur.
89. mín
Giacinti reynir fyrirgjöf en boltinn af varnarmanni og í hornspyrnu. Alexandra nær að koma boltanum frá.
86. mín


Hér má sjá íslenska liðið fagna jöfnunarmarkinu í fyrri hálfleik.
84. mín
Inn:Karitas Tómasdóttir (Ísland) Út:Andrea Rán Snæfeld Hauksdóttir (Ísland)
84. mín
Caruso með skalla yfir eftir hornspyrnu. Heimakonur virðast líklegri til að ná sigurmarki.
82. mín
Elena Linari ein við fjærstöngina í dauðafæri en skýtur framhjá! Þarna skall hurðin...
79. mín
Inn:Agnese Bonfantini (Ítalía) Út:Elisa Bartoli (Ítalía)
78. mín
Valentina Giacinti með skot yfir, tók vel á móti boltanum en skotið var dapurt.
76. mín
Inn:Elín Metta Jensen (Ísland) Út:Berglind Björg Þorvaldsdóttir (Ísland)
76. mín
Sveindís með skot langt framhjá. Gerði vel í undirbúningnum en þegar kom að því að reka smiðshöggið þá fór illa.
72. mín
Ítalía í hættulegri sókn, Serturini með góðan sprett en finnur sem betur fer ekki samherja.
70. mín
Inn:Agla María Albertsdóttir (Ísland) Út:Hallbera Guðný Gísladóttir (Ísland)
70. mín
Inn:Áslaug Munda Gunnlaugsdóttir (Ísland) Út:Karólína Lea Vilhjálmsdóttir (Ísland)
66. mín
Inn: Arianna Caruso (Ítalía) Út:Martina Rosucci (Ítalía)
66. mín
Aukaspyrna inn í teig Ítalíu. Laura Giuliani, markvörður Juventus, grípur boltann.
65. mín
Hallbera með hornspyrnuna og Sveindís reynir að skalla boltann á markið en hittir hann ekki.
64. mín
Gunnhildur Yrsa vinnusöm. Grjóthörð að vanda og vinnur svo aukaspyrnu. Upp úr henni vinnur hún svo hornspyrnu.
61. mín
Hættuleg sókn Íslands en vantar herslumuninn. Sending Sveindísar ekki nægilega nákvæm. Ítalska liðið geysist svo upp en Sandra handsamar fyrirgjöf af öryggi.

Virðist vera að opnast aðeins...
58. mín
Inn:Gloria Marinelli (Ítalía) Út:Valentina Cernoia (Ítalía)
58. mín
Inn:Elena Linari (Ítalía) Út:Sara Gama (Ítalía)
57. mín
ÍTALSKA LIÐIÐ Í DAUÐAFÆRI! Kalla eftir því að fá vítaspyrnu en ekkert dæmt... Valentina Cernoia féll í teignum og náði ekki skoti á markið.
54. mín
Ísland fær sína fyrstu hornspyrnu. Hallbera sem tekur spyrnuna en ítalska liðið nær að koma boltanum úr teignum.
52. mín
Alexandra reynir stungusendingu ætlaða Berglindi en ítalskur leikmaður kemst fyrir. Ítalía svo upp í sóknina og Cernoia með skot framhjá.
50. mín
Hallbera með skot af löngu færi en hátt yfir.
49. mín
Manuela Giugliano með skot af löngu færi, langt framhjá. Engin hætta.
47. mín
Karólína með sendingu inn í teiginn en ratat ekki á íslenskan leikmann.
46. mín
Inn:Guðný Árnadóttir (Ísland) Út:Anna Björk Kristjánsdóttir (Ísland)
Ein skipting í hálfleik. Guðný spilar einmitt fyrir Napoli í ítölsku deildinni.
46. mín
Seinni hálfleikur er hafinn
45. mín
Við minnum á að hægt er að horfa á leikinn í beinni útsendingu á Stöð 2 Sport
45. mín
Hálfleikur
Króatíski dómarinn flautar til leikhlés.
45. mín
Sveindís í skallafæri en nær ekki að stýra boltanum á markið.
45. mín
Erum hér í uppbótartíma fyrri hálfleiksins. Tveimur mínútum bætt við.
44. mín
Karólína Lea þurfti aðhlynningu en heldur leik áfram.

Manuela Giugliano með skelfilega skottilraun fyrir Ítalíu. Fór ekki eðlilega langt framhjá!
40. mín MARK!
Karólína Lea Vilhjálmsdóttir (Ísland)
Stoðsending: Sveindís Jane Jónsdóttir
VEL GERT! KARÓLÍNA LEA!

Leikmaður Bayern Munchen jafnar hér með föstu skoti úr D-boganum! Sveindís Jane lagði boltann út á Karólínu sem skaut að marki, markvörður Ítalíu var í boltanum en réði ekki við þetta!

Staðan jöfn.
40. mín
Karólína Lea í fyrirgjafarstöðu en á slaka spyrnu fyrir. Ítalía hreinsar svo í innkast.
39. mín
Cristiana Girelli skallar langt framhjá íslenska markinu.
34. mín
Sveindís með hættulegt hlaup upp hægri kantinn og kom sér í afskaplega góða stöðu en varnarmaður ítalska liðsins komst inn í sendinguna frá henni.
29. mín
Manuela Giugliano með hornspyrnu sem vindurinn grípur og boltinn afturfyrir hinumegin.
27. mín
ÞÁ KOM ÍSLENSKT FÆRI! BERGLIND BJÖRG!

Og það var afskaplega gott. Sveindís renndi boltanum á Berglindi í teignum en hún með skot beint á Guiliani markvörð.

Þetta var hörkugott tækifæri.
26. mín
Sending fram á Sveindísi sem reynir að taka boltann með sér en missir hann frá sér. Íslenska liðið ekkert að skapa sér og hefur ekki átt marktilraun, allavega ekki síðan samband náðist við Ítalíu.
18. mín
Sveindís Jane krækir í aukaspyrnu á miðjum vellinum. Þarf aðhlynningu.
17. mín
Það er þokkalega vindasamt og það hefur áhrif á leikinn. Vindurinn í bakið á ítalska liðinu.
15. mín
Sveindís Jane með langt innkast inn í teiginn en Laura Guiliani markvörður hirðir boltann.
13. mín
Valentina Giacinti með skot yfir íslenska markið. Giacinti leikur fyrir AC Milan. Það var hún sem skoraði markið strax á upphafsmínútunni.
9. mín
Leikurinn er farinn á fleygiferð. Vegna tæknilegra örðugleika fór útsending á Stöð 2 Sport ekki í loftið á réttum tíma en ítalska liðið skoraði strax á upphafsmínútu leiksins!
1. mín MARK!
Valentina Giacinti (Ítalía)
Stoðsending: Valentina Bergamaschi
Fyrirgjöf frá hægri og Giacinti mætt við fjærstöngina og skorar!

1. mín
Leikur hafinn
Fyrir leik
Byrjunarlið Íslands er komið inn
Sandra Sigurðardóttir, Hafrún Rakel Halldórsdóttir, Anna Björk Kristjánsdóttir, Hallbera Guðný Gísladóttir, Andrea Rán Hauksdóttir, Sveindís Jane Jónsdóttir og Berglind Björg Þorvaldsdóttir koma allar inn í liðið frá því í 1-0 tapinu gegn Ítalíu á laugardaginn.

Gunnhildur Yrsa Jónsdóttir er fyrirliði í leiknum í dag.
Fyrir leik


Glódís Perla Viggósdóttir:
"Við erum búnar að vera að fara yfir ákveðnar nýjar áherslur sem þjálfarateymið er að koma með. Fókusinn er á að vilja vera með boltann og skapa okkar egin færi. Þó að við höfum ekki skapað meira þá vorum við rólegri og yfirvegaðari með boltann en við höfum verið áður. Ég var ánægð með að sjá það. Þetta var fyrsti leikur og það verður gaman að sjá næsta leik," sagði Glódís Perla á fréttamannafundi í gær.

Þorsteinn Halldórsson, nýr landsliðsþjálfari, hefur lagt mikla áherslu á að íslenska liðið haldi boltanum. Glódís er ánægð með það.

"Klárlega. Þetta er eitthvað sem er mjög mikilvægt fyrir okkur sem lið. Við höfum oft stjórnað leikjum með varnarleik en næsta skref er að geta gert bæði, stjórnað leikjum með og án bolta. Fótboltinn er að þróast þannig og við þurfum að fylgja þeirri þróun, Ég held að við séum með hóp í það núna."

Komin í eldri hópinn
Margir ungir leikmenn eru í hópnum að þessu sinni. "Við erum komnar með margar ungar inn. Ég finn það sérstaklega þegar ég er að detta inn í eldri hópinn, þá eru þær helvíti ungar sem eru að detta inn," sagði hin 25 ára gamla Glódís létt í bragði.

"Þær hafa margar spilað fyrir Steina og Breiðablik og þekkja hans áherslur og hvor aððra. Það er jákvætt fyrir landsliðið. Þá eru tengingarnar á vellinum náttúrulegar. Utan vallar er allaf gaman hjá okkur og þarf ekki að hafa áhyggjur af því," sagði Glódís en finnur hún fyrir aukinni ábyrgð núna? "Nei, ég hef alltaf fundið fyrir mikilli ábyrgð og viljað taka mikla ábyrgð. Ég finn ekkert meira. Ábyrgðin er alltaf til staðar."



Gott að spila með Cecilíu
Hin 17 ára gamla Cecilía Rán Rúnarsdóttir spilaði sinn annan landsleik á laugardaginn en hún stóð á milli stanganna þar. "Það er mjög gott að spila með Cecilíu. Hún talar mikið og er örugg í því sem hún er að gera. Hún stendur og fellur með sínum ákvörðunum sem er mjög mikilvægt. Það er mjög gaman að sjá hvernig hún er að koma inn í þetta," segir Glódís.
Fyrir leik


Þorsteinn Halldórsson, landsliðsþjálfari kvenna, segist geta tekið ýmislegt jákvætt úr fyrsta leiknum undir sinni stjórn. Ísland tapaði 1-0 gegn Ítalíu í fyrri vináttuleiknum á laugardag en Þorsteinn sá jákvæða punkta í leiknum.

"Jákvætt var að við héldum boltanum vel. Það voru leiðir sem við gátum farið en vorum ekki að nýta. Við hefðum getað opnað þær betur. Þetta er fyrsti leikur og það var ekki hægt að troða öllu inn. Það var jákvætt að við vorum óhræddar við að vera með boltann og stýra leiknum. Þegar við töpuðum houm vorum við þétt til baka og gáfum fá færi á okkur. Það voru jákvæðir punktar varnar og sóknarlega," sagði Þorsteinn á fréttamannafundi í gær.

"Auðvitað hefði maður viljað skora og búa til fleiri færi. Ég var ekki ósáttur við sóknarleikinn en við sáum hluti sem við hefðum getað gert betur. Þau áhersluatrði sem við vildum að kæmu fram komu fram að mörgu leyti. Við vorum sáttir með það."



Vilja halda bolta
Þorsteinn hefur lagt mikla áherslu á það að hann vilji sjá íslenska liðið halda boltanum vel.

"Við viljum spila svona. Við þurfum að þora að vera með hann. Við viljum ekki bara verjast. Við viljum vera þolinmóð með boltann og bíða eftir að tækifærin detti inn með ákveðnum hlaupum og hreyfingum. Ég vil að við spilum svona. Auðvitað geri ég mér grein fyrir því að þetta fer allt eftir andstæðingum."

"Ítalska liðið er gott og verður ennþá sterkara á morgun. Við gerum okkur grein fyrir því að við verðum minna með boltann í sumum leikjum. Við viljum reyna að vera með boltann, grípa sénsinn og skapa færi og skora mörk. Það skiptir máli að vera ekki bara að verjast. Við viljum vera með boltann og stýra leiknum."



4-5 breytingar
"Það eru allar heilar og það verða þónokkrar breytingar. Við verðum með 4-5 breytingar sýnist mér," sagði Þorsteinn aðspurður út í byrjunarliðið fyrir seinni leikinn en hann er mjög ánægður með að fá þessa leiki.

"Það skiptir öllu máli að slípa liðið til og fá verkefni sem hjálpar til við að undirbúa okkur fyrir leikina sem skipta máli og telja. Í síðasta glugga hjá karlaliðunum var ekki auðvelt að fá 2-3 daga til að undirbúa sig fyrir verkefni í riðlakeppninni. Þetta hjálpar okkur mikið vonandi mikið í haust."



Sara Björk Gunnarsdóttir er fjarri góðu gamni vegna meiðsla en aðrir leikmenn fá aukna ábyrgð á meðan. "Auðvitað er Sara Björk frábær leikmaður og mikilvæg fyrir liðið. Það er partur af þessu að leikmenn lenda í meiðslum og þá þurfum við að hafa leikmenn sem axla ábyrgð og stíga upp. Liðið þarf að funkera þannig að allir séu tilbúnir að taka ábyrgð, vera leiðtogara og þora að takast á við það að vera stórir karakterar í liðinu."
Fyrir leik
Góðan og gleðilegan daginn.

Hér verður bein textalýsing frá seinni vináttulandslek Ítalíu og Íslands en leikið er á æfingasvæði ítalska knattspyrnusambandsins í Flórens, Centro Tecnico Federale di Coverciano.

Leikurinn er sýndur beint á Stöð 2 Sport
Byrjunarlið:
1. Sandra Sigurðardóttir (m)
Gunnhildur Yrsa Jónsdóttir
4. Glódís Perla Viggósdóttir (f)
8. Alexandra Jóhannsdóttir
9. Berglind Björg Þorvaldsdóttir ('76)
10. Karólína Lea Vilhjálmsdóttir ('70)
11. Hallbera Guðný Gísladóttir ('70)
19. Anna Björk Kristjánsdóttir ('46)
21. Hafrún Rakel Halldórsdóttir
22. Andrea Rán Snæfeld Hauksdóttir ('84)
23. Sveindís Jane Jónsdóttir

Varamenn:
1. Cecilía Rán Rúnarsdóttir (m)
12. Telma Ívarsdóttir (m)
2. Berglind Rós Ágústsdóttir
3. Elísa Viðarsdóttir
7. Karitas Tómasdóttir ('84)
14. Hlín Eiríksdóttir
16. Elín Metta Jensen ('76)
17. Agla María Albertsdóttir ('70)
18. Guðrún Arnardóttir
19. Áslaug Munda Gunnlaugsdóttir ('70)
20. Guðný Árnadóttir ('46)

Liðsstjórn:
Þorsteinn Halldórsson (Þ)

Gul spjöld:

Rauð spjöld: