Liðin gera sér leið inná völlinn í sitthvoru lagi vegna Covid.

Gróttumenn leiða röðina og Þórsarar fylgja stuttu eftir.

Liðin eru mætt út á völl að hita.

Það er fínasta veður á Nesinu og fólk hægt og rólega farið að koma sér fyrir í stúkunni.

Byrjunarliðin eru klár og má sjá þau hér til hliðana.

Það vekur athygli að Hákon Rafn markmaður Gróttu byrjar á bekknum í dag og einnig Sigurvin Reynisson fyrirliði Gróttu. Alvaro Montejo er ekki í leikmannahópi Þórs í dag en hann er væntanlegur til landsins á morgun og verður klár í aðra umferð með Þór. Sigurður Marinó er einnig ekki í leikmannahópi Þórs vegna meiðsla. Orri Sigurjónsson er einnig utan hóps hjá Þórsurum í dag.

Gústi Gylfa hefur verið við stjórnvöld hjá Gróttu frá seinasta sumri eftir að hafa stýrt Breiðablik í 2 ár og Fjölni þar áður um árabil. Spurning er hvort fall Gróttu í fyrra muni hafa áhrif á þá fyrir sumarið en við fáum að sjá fyrstu svör við því í dag.

Orri Freyr Hjaltalín var ráðinn í starf þjálfara Þórs í nóvember síðastliðinn og skemmtilegt verður að sjá hvernig hann mun nálgast fyrsta deildarleikinn sinn í nýju starfi.

Glugginn hefur verið hljóðlátur hjá Gróttumönnum hingað til. Þeir fá inn þrjá leikmenn, uppalda sóknarmanninn hann Björn Axel Guðjónsson eða Baxel eins og hann er gjarnan kallaður frá KV eftir frábært tímabil þar. Síðan fá þeir Kára Sigfússon frá Fylki á 2 ára samning og fyrr í dag var tilkynnt að valsarinn bráðefnilegi Kári Daníel Alexandersson muni einnig spila með Gróttumönnum út sumarið.

Þeir missa hinsvegar lykilhlekki úr liðinu frá seinasta sumri. Axel Freyr Harðarsson, Óskar Jónsson, Ástbjörn Þórðarson, Karl Friðleifur Gunnarsson og Tobias Sommer eru allir búnir að yfirgefa blíðuna á nesinu á meðan markmaðurinn og fyrrum senterinn Hákon Rafn Valdimarsson spilar með Gróttu þar til hann gengur til liðs við Elfsborg í Svíþjóð í júlí og berst þar við annan efnilegan markvörð Tim Rönning um stöðuna þar en hann hefur verið flottur í marki Elfsborg seinustu ár.

Þórsarar missa einnig mikilvæga leikmenn en fá líka þrjá inn. Libian Abdulahi frá Hollandi, Petar Planic frá Maldaví og nú á dögunum styrktu þeir sig gríðarlega er þeir fengu markmanninn Daða Freyr Arnarsson á láni frá FH. Þorpið getur líka glatt sig yfir því að Alvaro Montejo framlengdi samning sinn nú fyrr um árið.

Þessi lið mættust seinast í Lengjudeildinni sumarið 2019 og fóru sunnanmenn með sigur af hólmi á Akureyri 3-2 en það var stál í stál í síðari leiknum á Vivaldi 1-1.

Vonandi verður nóg af mörkum og alvöru veisla hérna í kvöld.

Elías Ingi Árnason fær þann heiður að flauta leikinn á Estádio do Vivaldi í dag og honum til aðstoðar verða þeir Gunnar Helgason og Antoníus Bjarki Halldórsson.
Hvílíkt tríó!

Grótta féll niður í Lengjudeildina eftir ævintýralegt tímabil í þeirri stærstu á seinasta tímabili. Þórsarar bíða enn eftir að ná í sitt fyrsta tímabil í efstu deild síðan 2014.

Spárnar segja okkur að bæði þessi lið verði í kringum miðja deild og munu eiga erfitt með að setja einhverja alvöru pressu á toppliðin.

Spárnar eru samt bara spár og geta bæði þessi lið komið mikið á óvart í sumar svo við bíðum spennt að sjá hvaða veislu þessi leikur mun bjóða okkur uppá.

Góðan og gleðilegan dag og verið hjartanlega velkomin í beina textalýsingu frá Vivaldivellinum á Seltjarnarnesi. Hér í dag mætast Grótta og Þór í fyrstu umferð Lengjudeildar karla.

Boltin er farin að rúlla kæru lesendur!