Leikmenn ganga inn við nýja Fylkislagið með Bent og Slæma: Við erum Árbær. Hvet lesendur til að setja það á heima í hæsta styrk til að fá fulla upplifun af leiknum.

Miðað við upphitun Fylkismanna byrjar Torfi Tímoteus í vinstri bakverði. Ragnar Bragi hægra megin og Orri og Ásgeir miðverðir sem fyrr. Ekki nema ætlunin hafi verið að blekkja KR-inga. Sjáum hvað setur.

Já komið sæl og blessuð og velkomin í textalýsinguna. Liðin eru að hita upp. Alvöru veður, venju samkvæmt. Einhvern veginn finnst manni alltaf gott veður á Fylkisvelli.

Aron Snær Friðriksson byrjar í marki Fylkis í kvöld!

Byrjunarliðin eru klár og má sjá þau hér til hliðana.

Atli Sveinn Þórarinsson og Ólafur Ingi Stígsson gera 3 breytingar frá jafnteflinu gegn HK í síðustu umferð. Aron Snær Friðriksson kemur inn á markið í staðin fyrir Ólaf Kristófer Helgason. Unnar Steinn Ingvarsson kemur einnig inn í liðið en hann var í leikbanni í síðasta leik þá kemur Jordan Brown einnig inn í liðið. Á bekkinn setjast Þórður Gunnar Hafþórsson og Orri Hrafn Kjartansson.

Rúnar Kristinsson gerir engar breytingar frá tapinu gegn KA.

300 ÁHORFENDUR LEYFÐIR Á Würth völlinn í kvöld

Stjórnvöld tilkynntu afléttingu á samkomutakmörkunum vegna Covid-19 faraldursins í lok síðustu viku og komast fleiri að eftir þær afléttingar. 300 áhorfendur fá að mæta á völlinn og verður þeim skipt niður í tvö hólf.

Miðasala á leikinn fer fram hér

Kjartan Henry í KR (Staðfest)

Penninn var á lofti á Meistaravöllum fyrr í dag en Kjartan Henry Finnbogason skrifaði undir þriggja ára samning við KR í dag. Hann er að sitja af sér sóttkví og verður ekki með KR-liðinu í kvöld en ætti að vera klár í slaginn þegar Reykjavíkurstórveldin KR og Valur mætast á Meistaravöllum á Mánudaginn næstkomandi.

Hver byrjar í marki Fylkis?

Mikið hefur verið rætt eftir jafnteflið gegn HK hver ætti eiginlega að vera í markinu hjá Fylki þar sem Ólafur Kristófer Helgason, fæddur 2002 hefur alls ekki litið vel út í fyrstu tveimur leikjunum og margir eru farnir að kalla eftir því að Aron Snær fari aftur í markið.

Egill Arnar Sigurþórsson heldur utan um flautuna hér í kvöld og honum til aðstoðar verða þeir Egill Guðvarður Guðlaugsson og Eysteinn Hrafnkelsson. Varadómari er Einar Örn Daníelsson og eftirlitsmaður KSÍ er Gunnar Freyr Róbertsson.

KR byrjuðu mótið frábærlega með virkilega flottri frammistöðu gegn Breiðablik þar sem KR-ingar unnu sannfærandi sigur á Kópavogsvelli, þar endurðu leikar 0-2 fyrir KR.

Eftir þann sigur var þeim skellt aftur niður á jörðina þegar Arnar Grétarsson og hans lærisveinar í KA mættu í Frostaskjólið og unnu sannfærandi 1-3 sigur.

Fylkismenn hafa alls ekki byrjað mótið af miklum krafti en liðið tapaði fyrsta leik gegn FH á heimavelli og gerðu klaufalegt 2-2 jafntefli gegn HK í Kórnum.

Það hefur hins vegar verið mikill hiti í þessum leikjum milli Fylkis og KR, í fyrri leik liðanna 2020 fékk Ólafur Ingi Skúlason að líta rauða spjaldið og í seinni leiknum fengu báðir Ragnar Bragi fyrirliði Fylkismanna og Beitir Ólafsson rautt spjald eftir mikla dramatík í 1-2 sigri Fylkis.

Þegar þessi lið mættust í fyrra á Wurth vellinum völtuðu KR yfir Fylkismenn 3-0 með mörkum frá Pablo Punyed, Óskari Erni Haukssyni og Tobias Thomsen.

Dömur mínar og herrar verið hjartanlega velkomin í þráðbeina textalýsingu frá Lautinni í Árbænum þar sem Fylkismenn fá KR í heimsókn.