Blaðamaður var samferða formanni KSÍ á svæðið, Guðni aðeins að kíkja eftir aðstæðum í þessum slag.

Þá koma liðin á völlinn, Leiknismenn eru í sínum hefðbundna búningi en Víkingar eru randalausir að mestu.

Hvítur bolur, buxur og sokkar. Það er þó rönd á bolnum, svört og rauð. Men sleppa ekki röndum, skiljanlega...

Nú þegar Covid hefur formlega verið blásið í fótboltafrí verður gaman að sjá hversu margir mæta á svæðið hér í kvöld.

Aðstæðurnar frábærar og vert að skora á fólk að hópast í stúkuna. Við fáum ekki alltaf svona fótboltakvöld á Íslandi.

Leiknismenn gera tvær breytingar frá síðasta deildarleik, tapinu gegn Keflavík. Bjarki Aðalsteinsson og Arnór Ingi Kristinsson hefja leik en Daníel Finns Matthíasson og Gyrðir Hrafn Guðbrandsson fara á bekkinn.

Kwame Quee kemur inn í lið Víkinga eftir landsliðstúrinn sinn og Halldór Sigurður Jón Þórðarson kemur líka nýr inn í fyrstu 11 hjá gestunum. Sölvi Ottesen sest á bekkinn og honum fylgir Helgi Guðjónsson á setuna.

Fólk farið að týnast í stúkuna...handviss um að Leiknisljónin mæta í kvöld, var kallað eftir þeim síðast og ég efa það ekki að þau verða klár.

Dómarateymið í kvöld er klárt.

Erlendur Eiríksson flautar, honum til aðstoðar í eyra og með flögg eru þeir Birkir Sigurðarson og Gunnar Helgason.

Fjórði dómarinn er Egill Arnar Sigurþórsson og eftirlitinu sinnir Eyjólfur Ólafsson.

Að venju er aðstoð þegin við lýsingar okkar.

Þeir sem vilja henda inn einhverjum fróðleiksmolum tengt leiknum fara á Twitter og skella þeim þar inn, setja taggið #fotboltinet við það og þá má vel vera að þau rati inn í lýsinguna.

Þrátt fyrir að félögin séu þetta nálægt landfræðilega þá er enginn leikmaður sem á forsögu með "hinu" félaginu.

Það eru engin leikbönn að hrjá þessi ágætu lið en nýjustu fréttir herma að Leiknismenn séu enn með þá Sólon Breka og Dag Austmann á meiðslalistanum.

Í dag eigast við tveir markahæstu menn deildarinnar.

Víkingurinn Nicolaj Hansen er á toppnum þar með 8 mörk en skammt þar undan er Sævar Atli Magnússon í Leikni með 6 mörk.

Ef við hins vegar förum yfir fyrri leiki þessara liða í efstu deild þá hafa þeir verið tveir, voru sumarið 2015.

Leiknismenn unnu þá leikinn í Breiðholtinu 2-0 og 1-1 jafntefli varð í Fossvoginum.

Víkingar eiga því enn eftir að vinna nágranna sína í efstudeildarslag...hins vegar hafa liðin leikið 12 leiki sín á milli í næstefstu deild og þar hafa Víkingar vinninginn. Unnið 5 leiki, Leiknir 3 og jafnteflin eru 4.

Leiknismenn hafa hins vegar lent í mótvindi að undanförnu eftir flotta byrjun í mótinu.

Þeir hafa nú tapað síðustu þrem leikjum í deild og fallið út úr Mjólkurbikarnum, að því loknu hafa Breiðhyltingarnir farið alla leið niður í 10.sætið fyrir leik kvöldsins.

Í síðustu umferð töpuðu Leiknismenn 0-1 í Keflavík.

Víkingar koma inn í þennan leik á blússandi siglingu og eru eina taplausa lið deildarinnar eftir fyrstu 9 leikina.

Þeir hafa þó gert þrjú jafntefli í síðustu fjórum leikjum, það síðasta í öðrum randaslag, 1-1 við KR.

Heimamenn sitja í þriðja sæti deildarinnar fyrir leik en með stigi eða stigum í dag fara þeir upp í 2.sætið.

Um er að ræða nágrannaslag í austurbænum enda stuttur skokktúr milli heimavalla félaganna um náttúruperluna Elliðaárdal eða hið þrælskipulagða Bakkahverfi.

Svo má ekki gleyma því að í grunninn er þetta slagur milli röndóttra liða, þessi tvö eru á meðal fjögurra Reykjavíkurliða sem ákváðu að hafa röndótta búninga. Hvað það er veit nú enginn, sér í lagi þar sem fá ef einhver önnur bæjarfélög eiga lið sem hafa röndóttan búning!

Góðan daginn og velkomin í beina textalýsingu frá leik Leiknismann og Víkinga í 10.umferð PepsiMax-deildarinnar.

Við tölum hér beint úr #beztaBreiðholti