Liðin ganga inn á völl með dómurum. Það eru því miður mjög fáir í stúkunni og ætla ég ekki að búast við fullri stúku á Seltjarnarnesinu en við vonum að sjá fleiri.

Byrjunarliðin eru komin inn

Í dag er fyrsti leikur Gróttu eftir brottför Hákonar Rafns svo Jón Ívan Rivine tekur ramman í stað hans, þá verður framherjinn Sölvi Björnsson varamarkmaður liðsins en hann var markmaður á sínum yngri árum í KR. Annars er ein önnur breyting frá sigrinum í Eyjum en þá kemur Axel Sigurðarson út og Ólíver Dagur Thorlacius fær sætið hans.

Michael Bakare nýji framherji Fjölnis kemur beint inn í byrjunarliðið á meðan Hallvarður Óskar Sigurðarson dettur á bekkinn. Jóhann Árni Gunnarsson er ekki með í kvöld og kemur þá Sigurpáll Melberg Pálsson inn fyrir hann.

Spáin

Ísak Snær Þorvaldsson leikmaður Norwich á láni hjá ÍA er spámaður Fótbolta.net fyrir 12. umferð Lengjudeildarinnar. Hann spáði því fyrir þessum leik og spáði hann því svona.

Grótta 1 - 1 Fjölnir
,,Verður ekki mikið af færum í þessum leik en Jóhann Árni setur hann beint úr aukaspyrnu."

Fjölnir hafa eins og áður kom fram ekki verið mikið í mörkunum þetta sumarið en þeir hafa nælt sér í sóknarmann að nafni Michael Bakare og er hann 34 ára enskur sóknarmaður sem spilaði seinast fyrir Hereford í National League North, deild sem Football Manager félagar mínir þekkja eflaust vel en deildin er sú 6. hæsta á Englandi. Þar skoraði hann 1 mark í 1 leik en hann skrifaði þar undir það sem bretinn kallar "short term deal".

Á dögunum var valið úrvalslið 1-11 umferðar í Lengjudeildinni og var aðeins einn leikmaður sem spilar þennan leik valinn og kemur ekkert á óvart að það sé hann Pétur Theodór Árnason.

Dómararnir

Dómari kvöldsins er hann Sigurður Hjörtur Þrastarson og með honum verða Bryngeir Valdimarsson og Bergur Daði Ágústsson. Eftirlitsmaður er hann Ingi Jónsson.

Fjölnir

Fjölnir eru í 5. sæti í deildinni eins og er en geta skotist upp í 3. sæti með sigri í kvöld. Fjölnir hafa átt erfitt uppdráttar upp á síðkastið og hafa aðeins fengið 4 stig úr seinustu 5 leikjum í deildinni. Fjölnir hafa skorað fæst mörk í deildinni hingað til með aðeins 13 mörk sem er jafn mikið og Pétur Theodór hefur skorað einn. Þeir unnu seinasta leik sinn gegn Selfoss 2-1 á heimavelli.

Grótta

Gróttumenn sitja í 8. sæti með 14 stig en Grótta unnu seinasta leik sinn 0-1 á útivelli gegn ÍBV eftir sigurmark frá Axel Sigurðarsyni. Grótta eru í augnablikinu með markahæsta leikmann deildarinnar, Pétur Theódór Árnason og er hann með 13 mörk í 11 leikjum á tímabilinu. Ruglaðar tölur!

Sögur hafa farið af því að Pétur sé á förum frá Gróttu en fyrr í dag komu fregnir af því að Kórdrengir ku hafa gert tilboð í hann en því hafi verið hafnað.

Nánar um þá frétt ef þið ýtið á myndina hér að neðan:

Provided by Fótbolti.net

Leikurinn hefst á slaginu 19:15 á þriðja fallegasta velli landsins, Vivaldivellinum á Seltjarnarnesi einnig þekktur af Vivaldi loyals sem Estádio do Vivaldi.

Tel sjálfur að Villa Park og Skallagrímsvöllur taki efstu sætin.

Gott og blessað veri það, velkomin í beina textalýsingu á stórleik Gróttu og Fjölnis í Lengjudeild karla!