Liðin ganga hér saman út á völlinn. Engin handabönd hinsvegar. Liðin í sínum aðalbúningum. Þórsarar í hvítum treyjum og sokkum og rauðum buxum. Framarar í bláum treyjum og sokkum og hvítum buxum.

Byrjunarliðin eru klár

Þór vann Gróttu 4-2 hér á heimavelli í síðustu umferð. Orri Freyr þjálfari liðsins gerir tvær breytingar í kvöld frá þeim leik. Orri Sigurjónsson og nýjasti framherji liðsins, Dominique Malongan koma inn í liðið. Jóhann Helgi Hannesson og Vignir Snær Stefánsson setjast á bekkinn.

Fram gerir þrjár breytingar á sínu liði frá 1-1 jafntefli gegn ÍBV í síðustu umferð. Hlynur Atli Magnússon fyrrum leikmaður Þórs kemur inn í liðið og ber fyrirliðabandið, Alexander Már Þorláksson og Guðmundur Magnússon koma einnig inn. Þórir Guðjónsson sest á bekkinn en Tryggvi Snær Geirsson og Gunnar Gunnarsson eru ekki í hóp.

Liðin mættust í fyrri umferðinni á Framvellinum þann 21. maí og Frammarar sigruðu þann leik nokkuð örugglega 4-1 þar sem Þór minnkaði muninn á 94. mínútu með marki frá Bjarna Guðjóni Brynjólfssyni. Indriði Áki Þorláksson skoraði tvö fyrir Fram og Kyle McLagan og Fred með sitt markið hvor.

Fram er langbesta lið deildarinnar en þeir eru á toppnum með 10 sigra og tvö jafntefli. Sex stigum á undan ÍBV sem eru í öðru sæti og eiga leik til góða á þá. Fram og ÍBV mættust í síðustu umferð og skyldu jöfn 1-1.

Heimamenn hafa verið á fínu skriði í síðustu leikjum og meðal annars spilað tvo af síðustu þremur leikjum sínum hér á heimavelli og markatalan í þeim leikjum 9-3. Sigrar gegn Þrótti 5-1 og Gróttu 4-2 í síðustu umferð.

Liðið situr í 6. sæti deildarinnar með 19 stig eftir 13 leiki.

Góða kvöldið og verið velkomin í beina textalýsingu á leik Þórs og Fram í Lengjudeild karla.

Leikurinn er liður í 14. umferð. Hann fer fram á SaltPay vellinum á Akureyri og hefst kl 18:00.