Byrjunarliðin eru komin inn!

Þeir Aron Kristófer Lárusson, Wout Drost og Sindri Snær Magnússon taka út leikbann hjá ÍA í leiknum, þeir byrjuðu allir síðasta leik. Arnþór Ingi Kristinsson fékk að líta rauða spjaldið í síðasta leik KR og er því ekki með í dag.

Í síðustu umferð tapaði ÍA 2-1 gegn Breiðabliki á útivelli. Jóhannes Karl Guðjónsson, þjálfari ÍA, snýr til baka á hliðarlínuna eftir eins leiks bann og gerir fjórar breytingar á sínu liði. Viktor Jónsson, Steinar Þorsteinsson, Alex Davey og Guðmundur Tyrfingsson koma inn í liðið. Brynjar Snær Pálsson sest á bekkinn.

Rúnar Kristinsson, þjálfari KR, gerir þrjár breytingar á sínu liði frá 0-1 útisigrinum gegn HK í síðustu umferð. Pálmi Rafn Pálmason snýr til baka eftir meiðsli og þá koma þeir Arnór Sveinn Aðalsteinsson og Óskar Örn Hauksson inn í liðið. Kristinn Jónsson er ekki í leikmannahópnum og Atli Sigurjónsson tekur sér sæti á bekknum.

Spámaðurinn

Framarinn Valtýr Björn Valtýsson er spámaður umferðarinnar hér á Fótbolta.net. Um leik ÍA og KR sagði hann.

ÍA 1 - 3 KR

Leikir þessara liða í sögunni hafa ávallt verið bráðfjörugir og mikið gengið á. Í fyrri leik liðanna í lok maí, sem KR vann 3-1, kláruðu þeir svart-hvítu leikinn á fyrsta korterinu. Ég held að það verði ekki uppi á tengingnum í þetta skipti. Þrír í banni hjá ÍA og einn hjá KR. Liðin eru að berjast á sitthvorum enda töflunnar, ÍA í neðsta sæti og þarf sigur og ekkert annað og KR í 5.sæti og þarf sigur í baráttunni um evrópusæti. Þvílíkur leikur þetta verður. Mig langar að setja jafntefli en held að piltar Rúnars hafi þetta 0-2 eða eigum kannski að segja 1-3 líkt og fyrri leikurinn.

Dómarar

Einar Ingi Jóhannsson heldur er með flautuna í leik kvöldsins. Honum til aðstoða eru Gunnar Helgason og Smári Stefánsson. Arnar Þór Stefánsson er varadómari og eftirlitsmaður KSÍ er Björn Guðbjörnsson.

Fyrri viðureignir

Hef lagt það í vana minn að skoða aðeins leiki liða innbyrðis frá aldamótum undanfarið. En þar sem þetta er þessi leikur skulum við skoða leiki liðana í efstu deild frá upphafi.

115 leikir eru skrásettir á milli liðana í efstu deild frá upphafi. Sá fyrsti á skrá fór fram mánudaginn 15. júní árið 1953.Þann dag lagði ÍA lið KR 4-0 á Melavellinum sáluga. Annars er tölfræði liðana yfir þessa 115 leiki merkilega jöfn.

ÍA 45 sigrar og 173 mörk skoruð.

KR 42 sigrar og 163 mörk skoruð.

28 leikjum hefur lokið með jafntefli.

ÍA

Tólfta og neðsta sætið með tólf stig fjórum stigum frá öruggu sæti er staða heimamanna fyrir leikinn. Með fimm leiki eftir þarf engan stærðfræðisnilling í að sjá að þótt liðið sé ekki fallið enn þarf liðið nauðsynlega að fara setja þrjú stig á töfluna. Staðan er vissulega þung en vinni liðið sigur á KR í kvöld á liðið innbyrðis viðureignir við nokkur af liðunum fyrir ofan sig eftir og hefur því örlög sín í eigin höndum fari vel hér í kvöld.

KR

Fimmta sætið með 29 stig er hlutskipti KR fyrir leik dagsins. Eflaust ekki staðan sem KR ætlaði sér að vera í á þessum tímapunkti í mótinu og sæti í Evrópu fjarlægt sem stendur. Möguleikin er þó til staðar að gestirnir laumi sér bakdyrameginn í baráttu um evrópusæti fari úrslit í leikjum liðanna fyrir ofan þá í þeirra hag. Til þess þurfa KRingar þó líklega að vinna alla sína leiki sem eftir eru og treysta á önnur úrslit líkt og áður sagði.

KRÍA

Ég er að slíta barnskónum þegar þessir leikir voru þeir allra mikilvægustu á leiktímabilinu. Úrslitaleikurinn 1996 er mér í fersku minni sem og aðrar hatrammar rimmur milli liðana á þessum árum. Sá tími er þó liðin að úrslit Íslandsmótsins því sem næst ráðist í leikjum liðana en rígurinn milli liðanna er enn til staðar fyrir því. Sennilega fátt sem pirrar bæjarbúa á Skaganum meira en að tapa fótboltaleikjum og þá sérstaklega gegn KR.

Komið þið sæl kæru lesendur og verið velkomin í beina textalýsingu Fótbolta.net frá leik ÍA og KR í Pepsi Max deild karla í knattspyrnu.