Fullt af leikmönnum FH fá hér treyju til afhendingar með fjölda leikja á bakinu sem þeir hafa spilað. Allir yfir 100 leikir. Þetta voru svo margir leikmenn að ég missti töluna.

Breyting hjá FH
Eggert Gunnþór fann fyrir einhverjum meiðslum í upphitun og kemur Björn Daníel í hans stað samkvæmt Vísi.is

Það eru 30 mín í leik og allt að verða vitlaust á pöllunum í Krikanum. Blikar koma! pic.twitter.com/8GzX17FGJT

— Blikar.is (@blikar_is) September 19, 2021

Byrjunarliðin eru komin inn
Ólafur Jóhannesson gerir eina breytingu vegna leikbanns sem Gunnar Nielsen en hann fékk rautt spjald í sigrinum á Stjörnunni. Atli Gunnar Guðmundsson kemur í markið.

Óskar Hrafn gerir enga breytingu á sínu liði. Afhverju að breyta þegar vel gengur?

Blikar ekki tapað í 7 leikjum í röð
Blikar eru búnir að vera á mikilli siglingu í undanförnum leikjum. 25 júlí töpuðu þeir fyrir Keflavík en hafa ekki litið um öxl síðan og hafa unnið 7 leiki í röð.

Ég spái gríðarlega skemmtilegum leik í dag. Aðstæður eru frábærar, gott veður, frábær völlur, góðir leikmenn. Get varla beðið.

Gunnar Nielsen í leikbanni

Gunnar Nielsen fékk rautt spjald í síðasta leik FH og er því í leikbanni í dag. Í hans stað kemur Atli Gunnar Guðmundsson

Spámaður umferðarinnar

Jón Þór Hauksson þjálfari Vestra sem kom liðinu sínu í fjögurra liða úrslit Mjólkurbikarsins með sigri á Valsmönnum um daginn er spámaður umferðarinnar á Fótbolti.net

FH 2 - 2 Breiðablik
Fjalar er alltaf að járna sinn mann í markinu sem kemur í stað Gunnars sem er í leikbanni. Ég spái því að Atli Gunnar verði maður leiksins.

Breiðablik 2010
Sá sem þetta ritar var fréttamaður á Stjörnuvellinum 2010 þegar Blikar urðu Íslandsmeistarar. Ef það sama gerist í dag að þá hlýt ég að fá boð í lokahófið.

En að öllu grínu slepptu að þá er ekki úr vegi að líta aðeins á Íslandsmeistaraliðið 2010. Það eru 4 leikmenn úr þessu liði sem spila með Blikum í dag. Finnur Orri Margeirsson, Elfar Freyr Helgason (er ekkert búinn að spila í sumar), Kristinn Steindórsson og Andri Rafn Yeoman.

Þessir leikmenn vilja pottþétt ásamt öðrum Blikum endurtaka leikinn í dag.

Óvissa í þjálfaramálum

Kóngurinn kom heim í FH í sumar. Eins og áður segir hefur gengið liðsins verið ágætt í síðustu leikjum og ljóst að Ólafur Jóhannesson er að setja mark sitt á liðið. En enn halda FH-ingar þétt að sér spilunum varðandi hvort Ólafur sem samdi eingöngu út tímabilið, muni halda áfram eftir að því líkur.

Í útvarpsþættinum Fótbolti.net í gær kom fram að hugsanlega væri verið að ræða það að breytingar yrðu á þjálfarateyminu á þann veg á Ólafur yrði áfram en að Sigurbjörn Hreiðarsson kæmi inn í þjálfarateymið en þeir þekkjast vel frá tíma sínum með Val.

Falla önnur úrslit með Blikum?
Ef Breiðablik vinnur í dag og Víkingar tapa gegn KR að þá eru Blikar orðnir Íslandsmeistarar. Jafnvel væri hægt að ganga svo langt að segja að jafntefli dugi Blikum því markatalan hjá þeim er miklu betri en Víkinga.

En þetta að sjálfsögðu miðast allt við það að KR sigri Víkinga.

Margt líkt í sögunni
Eins og fram kemur í fyrri færslu var keppnin hörð árið 2010 um titilinn. Þannig er eins farið í dag.

Breiðablik er búið að vera annað af bestu liðum sumarsins og margir segja þeir bestu. Að þeir spili skemmtilegasta fótboltann og virki óstöðvandi. Enda sitja þeir í efsta sæti deildarinnar eftir 20 leiki með 44 stig og 32 mörk í +.

Víkingar sitja í öðru sæti deildarinnar. Hitt liðið sem margir segja þeir bestu og að þeir spili skemmtilegasta fótboltann. Þeir eru með 42 stig og 14 mörk í +.

Keppnin er á milli þessara liða.

11 ár síðan

25 september árið 2010. Stjörnuvöllurinn í Garðabæ. Breiðablik þurfti einungis stig úr þeim leik til þess að tryggja sér sinn fyrsta (og eina, enn sem komið er) Íslandsmeistaratitil.

Þeir voru í harðri keppni við ÍBV og FH sem sátu í 2 og 3 sæti deildarinnar. ÍBV stigi á eftir þeim og FH tveimur stigum á eftir þeim. Keflavík vann ÍBV. FH vann Fram en Blikar gerðu jafntefli við Stjörnuna og fyrsti Íslandsmeistaratitill Breiðabliks í karlaknattspyrnu orðin staðreynd.

Erfitt sumar fyrir FH

FH-ingar hafa verið og eru stórveldi í Íslenskri knattspyrnu karla síðan 2004. 8 Íslandsmeistaratitlar og 2 Bikarmeistaratitlar.

Síðustu ár hafa þó ekki verið gjöful og síðasti titill kom 2016. Sumarið í ár hefur verið mikil vonbrigði og eftir 20 leiki situr liðið í 6 sæti deildarinnar og mun enda þar. Í síðustu 6 deildarleikjum liðsins hafa þeir þó ekki tapað í 5 leikjum og hafa fundið markaskónna. Tveir leikir hafa farið 5 - 0 og einn 4 - 0.

Það er eitthvað sem segir mér að þeir munu leggja allt í sölurnar í dag til þess að koma í veg fyrir að Blikar fagni ekki Íslandsmeistaratitli á þeirra heimavelli í dag, ef önnur úrslit falla með Blikum.

Jóhann Ingi dæmir

Jóhann Ingi Jónsson dæmir þennan stórleik í dag. Að minnsta kosti er þetta stórleikur fyrir Breiðablik.

AD 1 er Bryngeir Valdimarsson. AD 2 er Andri Vigfússon. Eyjólfur Ólafsson er eftirlitsmaður og Aðalbjörn Heiðar Þorsteinsson er varadómari.

Velkomin í Hafnarfjörðinn

Kl. 16:15 hefst leikur FH og Breiðabliks í 20 umferð Pepsi Max deildar karla.

Leikurinn átti upprunalega að fara fram kl. 14:00 en KSÍ ákvað að breyta tímasetningunni á leiknum til þess að leikur liðanna færi fram á sama tíma og leikur KR og Víkinga.