Byrjunarliðin eru komin inn!

Frá undanúrslitaleikjunum er einungis ein breyting á hvoru liði Guðmundur Tyrfingsson tekur sér sæti á bekknum hjá ÍA og Hákon Ingi Jónsson kemur inn. Hjá Víkingi kemur Halldór Smári inn og Karl Friðleifur er á bekknum.

Hákon Ingi kemur inn á kantinn hjá ÍA en það er spurning hvort Víkingur sé í þriggja manna vörn, með Sölva í bakverðinum eða leysi hægri bakvörðinn á einhvern annan hátt.

Maðurinn með flautuna

Jóhann Ingi Jónsson verður dómari leiksins en Jóhann var valinn besti dómari sumarsins að mati Fótbolta.net

Málin voru rædd í útvarpsþættinum en Sverrir Mar Smárason, þáttastjórnandi Ástríðunnar, vonar að þeir Kári Árnason og Sölvi Geir Ottesen fari ekki að stýra ákvörðunum.

"Besti dómarinn dæmir bikarúrslitaleikinn, Jóhann Ingi," sagði Elvar Geir Magnússon og var Sverrir fljótur að koma með innskot í þá umræðu.

"Hann þarf að passa sig að leyfa Kára og Sölva ekki að stýra því sem hann ákveður. Þeir taka yfir leikina," sagði Sverrir áður en Tómas Þór Þórðarson svaraði á einfaldan hátt: Gangi honum vel með það."

Arnar Gunnlaugsson var auðvitað í viðtali líka við Fótbolta.net en þetta er eitt af því sem hann hafði að segja um leikinn.

"Þetta er draumaúrslitaleikur fyrir mig, fæddur og uppalinn Skagamaður og bæði lið áttu ævintýralegan endir á tímabilinu. Stuðningsmenn beggja liða búnir að vera frábærir"

"Núna skilur maður hvernig þessum stóru stjórum líður sem senda fimmtán leikmenn í landsliðsverkefni, örugglega nagandi á sér neglurnar hvernig leikmenn koma til baka. Allir eru heilir og 'ready to go'"

Jóhannes Karl þjálfari ÍA hefur mikið verið í umræðunni fyrir þessa frægu Tene ferð sína en þetta hafði hann að segja um hana í viðtali við Fótbolta.net á dögunum.

"Menn hafa skoðun á því, ég átti mjög góða daga á Tene og náði að hlaða batteríin. Ég var þar frá þriðjudegi til laugardags og það hafði engin áhrif á undirbúning liðsins fyrir leikinn. Það er þessi æfingavika sem skiptir gríðarlega miklu máli og við komum vel undirbúnir inn í leikinn og ætlum okkur að vinna."

Undanúrslit

ÍA unnu flottan sigur gegn Keflvíkingum 2-0 þar sem Gísli Laxdal skoraði bæði mörk Skagamanna.

Víkingar unnu öruggan sigur á Vestra þar sem Kristall Máni Ingason skoraði þrennu.

ÍA gegn Víkingum Úrlsitaleikur Mjólkurbikarsins (Staðfest)

8 liða úrslit

Skagamenn kíktu í heimsókn í Breiðholtið og unnu ÍR-inga 1-3 þar sem mörk ÍA skoruðu ÞÞÞ, Gísli Laxdal og Gummi Tyrfings.

Víkingar unnu seiglu sigur gegn Fylki í Árbænum þar sem Orri Sveinn varnarmaður Fylkis skoraði sjálfsmark í byrjun framlengingar og leikar enduðu með 0-1 sigri Víkinga.

16 liða úrslit

Skagamenn unnu öflugan 1-0 sigur gegn FH á heimavelli þar sem Ísak Þorvaldsson skoraði mark Skagamanna en Árni Marínó markmaður stal senunni með frábærum leik milli stangana.

Víkingar unnu einning öflugan sigur á KR 3-1 þar sem Viktor Örlygur, Erlingur Agnars og Nikolaj Hansen skoruðu mörk Víkinga.

32 liða úrslit

Bæði lið byrjuðu herferðina í átt að leiknum á Laugardalsvelli á 3-0 sigri

ÍA unnu lang lang lang besta lið Lengjudeildarinnar, Fram örugglega á heimavelli þar sem Morten Beck skoraði eitt og Steinar Þorsteinsson bætti svo við tveimur mörkum.

Víkingar unnu Sindra frá Hornafirði á heimavelli þar sem Adam Pálsson, Kwame Quee og Viktor Örlygur Andrason skoruðu mörk Víkinga

Það er bikarúrslitadagur dömur og herrar

Það er rosalegur leikur framundan í dag heldur betur, ÍA og Víkingur Reykjavík eru að fara mætast í úrslitaleik Mjólkurbikarsins!