Stadionul Steaua
HM 2022 - karla - Landslið
Aðstæður: Hljóðlátt
Dómari: Sergei Karasev (Rússland)
Áhorfendur: Engir (covid)
Rosalegt skot með hægri sem fer í innanverða fjærstöngina og snýst þaðan aftur fyrir.
Ianis Hagi með hörkuskot. Staðan enn 0-0 og skammt eftir. pic.twitter.com/JQ4Cgs7MB6
— RÚV Ãþróttir (@ruvithrottir) November 11, 2021
Rúmenar fá svo aðra hornspyrnu sem Elías grípur virkilega vel inn í.
Nei ég meina þessi sending hjá Guðmundi Þórarins verðskuldar smá ást og virðingu 😠pic.twitter.com/jEYDjFuHRi
— Albert Ingason. (@Snjalli) November 11, 2021
Guðjohnsen skipting fljótlega og við stelum þremur punktum. Bestu 60 mÃÂnúturnar undir stjórn Arnars àkeppnisleik.
— Hörður S Jónsson (@hoddi23) November 11, 2021
Það kom ekkert upp úr því.
Skömmu síðar fær Alibec flott færi, skýtur og Elías ver.
Ísak reynir að finna Birki en úr verður önnur hornspyrna. Flott spil hjá íslenska liðinu!
Besti hálfleikur undir stjórn Arnars vörninn nokkuð solid og ElÃas mjög öruggur à öllum aðgerðum okkar nr 1 næstu 15💪áfram gakk #fotboltinet
— Thorir Aronsson (@Thungur_79) November 11, 2021
Stöðvar Marin sem ætlaði að keyra upp völlinn.
Langt innkast og boltinn fellur fyrir Birki. Tosca hendir sér fyrir og bjargar sennilega marki.
Langt innkast sem berst á Albert í teignum, hann hótar skoti og á svo skot sem fer af varnarmanni og í horn.
Albert hársbreidd frá þvà að koma Ãslandi à 1-0. pic.twitter.com/HlcyGgCcfo
— RÚV Ãþróttir (@ruvithrottir) November 11, 2021
Boltinn dó nánast inn á teignum og Íslendingar heppnir að Rúmenar voru ekki fyrri til á lausan bolta. Hættan líður hjá þegar Daníel Leó hendir sér fyrir skot í teignum.
Sveinn Aron fær hönd í bakið og fellur við en fær ekki aukaspyrnu.
Sóknin rennur út í sandinn.
Tosca fær boltann í sig á marklínunni nánast og boltinn skrúfast yfir íslenska markið. Þarna var hætta!
Þarna skall hurð nærri hælum! pic.twitter.com/qICbrheVO8
— RÚV Ãþróttir (@ruvithrottir) November 11, 2021
Stefán Teitur hreinsar í aðra hornspyrnu.
Ari Freyr heldur um innanvert lærið á sér og þarf aðhlynningu.
Ari Freyr Skúlason meiðist á nára.
— RÚV Ãþróttir (@ruvithrottir) November 11, 2021
Guðmundur Þórarinsson kemur inn à hans stað. pic.twitter.com/SErEULECqt
Sveinn Aron er fyrstur í boltann og flikkar honum áfram. Brynjar er aleinn inn á teignum en setur boltann yfir!
Dauðafæri! Staðan ennþá markalaus eftir rúman 10 mÃnútna leik. pic.twitter.com/mydu8ex3x8
— RÚV Ãþróttir (@ruvithrottir) November 11, 2021
HvÃtar stuttbuxur og gul treyja. Má þetta bara? Það er eins og Rúmenar séu að spila à brókinni
— Orri Freyr Rúnarsson (@OrriFreyr) November 11, 2021
Stefán Teitur tekur mjög langt innkast og Brynjar Ingi kemst í boltann. Brynjar skallar framhjá, engin hætta.
Fjórar breytingar eru á liðinu frá því það lagði Ísland 0-2 í september. Dennis Man, sem skoraði annað af mörkum liðsins, tekur sér sæti á bekknum ásamt Dragos Nedelcu. Þeir Camora og Sorescu eru ekki í hópnum að þessu sinni.
Inn í liðið koma þeir Ianis Hagi, Alin Tosca, Rasvan Marin og Florin Tanase. Hinn fimmtán ára gamli Enes Sali er ekki í leikmannahópi Rúmena.
Rúmenar stilla upp í 4-3-3:
Byrjunarlið Íslands í leiknum gegn Rúmeníu í kvöld hefur verið opinberað. Það sem vekur mesta athygli er að Sveinn Aron Guðjohnsen byrjar. Frá síðasta leik, sigurleiknum gegn Liechtenstein eru þrjár breytingar.
Ari Freyr Skúlason, Sveinn Aron og Ísak Bergmann Jóhannesson koma inn í liðið. Þeir Guðmundur Þórarinsson og Þórir Jóhann Helgason taka sér sæti á bekknum en Viðar Örn Kjartansson er ekki með vegna meiðsla.
Ein breyting er á liðinu frá líklegu byrjunarliði Fótbolta.net. Sveinn Aron kemur inn fyrir bróður sinn Andra Lucas.
Köstuðu sjálfir frá sér fyrri leiknum
Hvernig líturu til baka á leikinn gegn Rúmeníu sem tapaði 0-2 á Laugardalsvelli í september?
Dennis Man kom Rúmeníu yfir snemma í seinni hálfleik og Nicolae Stanciu bætti við seinna markinu seint í leiknum.
,,Okkur fannst við sjálfir kasta leiknum frá okkur í september. Þeir voru kannski aðeins varnarsinnaðri en þeir höfðu verið fram að því. Þeir skoruðu seinna markið á 84. mínútu, úr skyndisókn, og fyrra markið kom einhvern veginn upp úr innkasti.Við vorum ekki alveg nógu þroskaðir í okkar varnarleik í þeim leik. Það er það sem við tölum um núna, og höfum talað um undanfarna mánuði, sem er líka eðlilegt með liðið á þeim stað sem það er núna.
,,Við nýtum ekki alveg nógu vel þau færi sem við fáum, og fáum aðeins of mörg mörk á okkur miðað við færin sem við fáum á okkur. Þannig lít ég til baka á leikinn við Rúmeníu í haust. Við áttum meira skilið en hentum því frá okkur."
Fyrsta skipti ekki rosalega margar breytingar á hópnum
Eru einhverjar forsendur fyrir því að liðið spili betur en það gerði í haust?
,,Við horfum á þetta út frá þeirri þróun og því sem við erum að reyna fá út úr liðinu. Við tókum fjögur stig út úr síðasta glugga. Í september hefðum við að sjálfsögðu viljað taka fleiri stig en bara eitt. Við hefðum vilja taka fleiri stig í síðasta glugga þótt þau hafi verið fjögur, við vildum fá sex."
,,Forsendurnar fyrir því að við getum spilað betur eru þær að við erum að halda áfram að vinna með liðið, vinna með leikmönnum og komast í fyrsta skipti á þann stað að það er ekkert rosalega mikið af breytingum á hópnum, bara þrír nýir sem koma inn núna - í júní/september/október voru þær tölur mikið hærri. Við lítum í það að við séum að ná utan um þann hóp sem við höfum verið að vinna með í haust."
Þegar þetta tengist fótboltanum þá eru allir sáttir
Þegar þið hafið verið að koma heim hefur umræðan verið mikið um annað en að spila fótbolta. Ertu feginn að spila þessa tvo leiki úti þar sem þú hefur góðan vinnuferð til þess að vinna með strákunum?
,,Jú, jú. Við viljum helst tala um fótboltann en staðan hefur verið aðeins önnur. Við höfum reynt að gera það eins vel og við gátum en að sjálfsögðu finnst okkur skemmtilegast að spila heima, fyrir framan okkar stuðningsmenn. Í október höfðum við ágætis vinnufrið. Þegar þetta tengist fótboltanum þá eru allir sáttir."
Úrslitin alltaf mikilvægust
Gott momentum (liðið á góðu skriði) núna, kannski í fyrsta sinn síðan þú tekur við. Ertu ánægður með þann stað sem liðið er á núna?
,,Ég hefði náttúrulega viljað vera með 3-4 stig í viðbót, þá hefðum við verið mjög sáttir og möguleikinn verið meiri á að ná 2. sætinu. Það var það sem við ætluðum okkur til að byrja með. Ég er sáttur með mjög mikið af því sem við höfum verið að ,,presentera" fyrir þessum hópi síðan í júní."
,,Það hafa verið miklar breytingar á hópnum en til þess að rýna í það sem þjálfari hvort maður sé á réttri leið, þá að sjálfsögðu þarf maður að horfa á úrslitin - þau eru alltaf mikilvægust. En við þurfum líka að kíkja á tölfræði, hvort sem það er fótboltaleg eða hlaupatölur. Það eru mjög mörg atriði sem við erum mjög ánægðir með en það eru líka mörg skref sem við eigum eftir að taka. Við höldum ótrauðir áfram og vonumst að sjálfsögðu eftir því að geta tekið næsta skref og staðið okkur enn betur en í síðasta glugga."
Alltaf planið hjá KSÍ að árið 2022 væri þróunarár
Síðasta verkefnið á þessu ári og svo kemur næsta ár með Þjóðadeild. Horfiru á þessa leiki og svo næsta ár sem tíma til að búa til lið sem getur farið að keppa um úrslit og efstu sætin í undankeppninni árið 2023?
,,Fyrsti hlutinn eru þessir tveir leikir og á meðan við eigum möguleika á því að t.d. vinna keppnisleiki í undankeppni HM þá förum við í þá leiki til að ná sem bestum úrslitum. Svo framarlega sem það eru möguleikar þá göngum við út frá því að við eigum séns. Við höfum alltaf talað um að þróunin á hópnum hefur komið fyrr og orðið stærri en við plönuðum."
,,Það var alltaf planið hjá KSÍ að árið 2022 væri þróunarár svo nýtt lið væri tilbúið fyrir undankeppni EM 2023. Þjóðadeildin er keppni og mikivæg keppni að mörgu leyti. Við fengum umspilsleiki fyrir EM út frá Þjóðadeildinni. Þetta eru keppnisleikir og keppnin var sett á laggirnar til að fækka æfingaleikjum. Árið 2022 er það ár sem við þurfum að taka þessi skref, margt gott sem við höfum verið að gera en ennþá margir hlutir sem við verðum að laga. Þetta þarf að gerast á næsta ári," sagði Arnar.
Ísak Bergmann Jóhannsson ræddi við fréttamenn á fundi á þriðjudag og var spurður út í verkefnið.
Markið sem þú skoraðirí síðasta landsleik. Fyrsta landsliðsmarkið og þú bættir metið hjá frænda, talaðir um að það hefði verið lúmskt markmið hjá þér. Hver eru markmiðin núna með landsliðinu?
,,Þau eru að koma mér inn í byrjunarliðið og vera fastamaður eins og hjá FCK líka. Núna er næsta skref að vera lykilmaður í báðum þessum liðum. Ég er klár í verkefnið og geri mér grein fyrir því að það verður erfitt. Ef það tekur eitt ár, tvö ár eða styttri tíma - það skiptir mig engu máli."
Ísak segist ekki vera með neitt hliðarmarkmið fyrir sig sjálfan tengt föður sínum eða frændum í landsliðinu. ,,Það er bara að taka einn leik í einu. Við erum ennþá í séns núna, getum gert góða hluti og erum með gott lið. Markmiðið er bara að koma mér inn í bæði FCK og landsliðið."
Síðasti gluggi var skref fram á við. Finnst þér ,,momentumið" vera að breytast í landsliðinu, finnst þér þið vera ná að snúa genginu við?
,,Já, algjörlega. Þetta er búin að vera risabrekka en maður lærir mest í þeim og vonandi er kominn betri taktur í þetta hjá okkur."
,,Þegar nýtt lið er í smíðum þarf að búa til ákveðna tengingu á milli manna og mér finnst hún vera að koma. Addi talar mjög oft um stór skref hjá leikmönnum og við erum að taka þau núna. Það mun kannski taka aðeins lengri tíma en þetta lið getur orðið mjög gott í framtíðinni."
Byggja aftur upp sigurhefð
Hversu mikilvægt er það fyrir ykkur núna að ná að tengja saman úrslit?
,,Það er mjög mikilvægt. Við höfum unnið Liechtenstein, en það er mjög slakt lið. Við þurfum og ætlum að taka næsta skref sem er að vinna góð lið. Við höfum spilað vel og líka spilað illa. Næsta skrefið er að vinna leiki til að byggja aftur upp þessa sigurhefð sem á að vera í íslenska landsliðinu."
Covid-staðan í Rúmeníu, engir áhorfendur á vellinum. Er þetta eitthvað sem þið finnið fyrir í ykkar umhverfi og umgjörð?
,,Það eru aðeins hertari reglur hér með grímur og svoleiðis. Við finnum í rauninni ekki mikið fyrir því. Það eru ekki margir á þessu hóteli og allt bara tipptopp," sagði Ísak
Albert Guðmundsson sat fyrir svörum á fréttamannafundi í vikunni. Hann var spurður út í breytt hlutverk í landsliðinu, allt í einu er hann orðinn einn af eldri og reyndari leikmönnum liðsins.
Hefur beðið eftir þessu augnabliki í nokkur ár
Þitt hlutverk í landsliðinu, ert allt í einu orðinn hluti af eldri helmingnum. Hvernig finnst þér þitt hlutverk hafa breyst á síðustu mánuðum?
,,Menn hafa dottið út vegna mismunandi ástæðna. Hvort sem það er ég eða einhver annar þá er tími fyrir okkur að stíga upp og taka við keflinu. Mér finnst ég hafa beðið eftir þessu augnabliki í nokkur ár. Það er undir mér komið að taka þetta kefli til að sýna að ég get hjálpað liðinu að ná í úrslit. Þú færð ekkert gefins í þessu og þarft að vinna í þessu sjálfur."
,,Hlutverkið utan vallar hefur í rauninni ekkert breyst. Ég reyni alltaf að gera mitt besta inn á vellinum og utan vallar fyrir hópnum. Ég geri allt sem ég get til að öllum líði vel í hópnum án þess að ég líti á sjálfan mig sem einhvern leiðtoga í hópnum."
Myndi stilla sjálfum sér upp fyrir aftan framherjann
Þín besta staða á vellinum, þú hefur mikið spilað á kantinum. Hvar finnst þér best að spila? Ertu ánægður úti á kantinum?
,,Ég er ánægður svo lengi sem við vinnum, klisjukennt. Ég held það sé ekkert leyndarmál að ef ég væri að stilla sjálfum mér upp þá væri ég fyrir aftan framherjann, fremstur á miðjunni. Mér finnst ég geta fengið mest út úr mínum hæfileikum þar. En ef Arnar og Eiður telja að liðið sé best sett saman með mig á kantinum þá er það ekkert vesen."
Veit að Albert vill spila fyrir miðju - Varnarvinnan mikilvægari en mörkin
Albert sagði að hann myndi treysta sér að spila sem annar af tveimur ,,áttum" sem Arnar og Eiður vilja nota í sínu leikkerfi.
Ætla ekki að leggja árar í bát núna
Ertu draumóramaður? Spáiru eitthvað í því að það er örlítill möguleiki á 2. sætinu í riðlinum?
,,Á meðan möguleikinn er til staðar þá munum við ekki gefast upp. Það er alveg sama á móti hverjum við spilum og hvað sé undir, við mætum alltaf til leiks með sama hugarfarið. Núna er pinkulítill séns og við ætlum ekki að fara leggja árar í bát núna."
Það eru engir áhorfendur, varstu hissa að heyra það? Hefur það einhver áhrif?
,,Nei, ég myndi ekki segja að það hafi einhver áhrif. Ég var kannski smá hissa þar sem ég var hérna í Rúmeníu fyrir rúmri viku og þá voru áhorfendur. Ástandið hefur aðeins breyst á þessu svæði."
Mörkin kærkomin
Þú skoraðir þín fyrstu mörk í mótsleik fyrir landsliðið í síðasta glugga. Hversu gott var það?
,,Það var kærkomið þrátt fyrir að þau hafi komið úr vítum. Það er alltaf gott að skora. Auðvitað var þetta Liechtenstein [með fullri virðingu] en það hjálpar mér alveg að fá mörk inn í minn leik."
Fer inn í leiki með ákveðið plan á vítapunktinum
Pæliru mikið í því hvernig þú tekur víti, aðhlaupið og slíkt?
,,Já, ég geri það. Ég tók vítin þegar ég var yngri, hjá Jong PSV, tek núna vítin hjá AZ og tók síðustu víti með landsliðinu. Ég pæli í því hvernig ég tek vítin mín og fer inn í hvern leik með ákveðið plan hvernig ég ætla að taka vítin."
Brynjar Ingi Bjarnason var til viðtals í gær og var hann spurður út í gengið með landsliðinu seinni hluta árs.
,,Ef við horfum aftur á leikina þá er smá pirrandi hvað stigasöfnunin hefur verið lítil miðað við frammistöðurnar. Þar spilar reynsla og þroski hjá liðinu inn í. Það kemur vonandi núna með tímanum, vonandi sem fyrst."
Match day. Some take it easy, some have a bit of fun. 🇷🇴⚽ï¸ÂÂ🇮🇸 tonight #fyririsland pic.twitter.com/M5mMEKsi3D
 Knattspyrnusambandið (@footballiceland) November 11, 2021
Ekki nema 10alvöru fotboltavellir með 10.000 áhorfendum eða fleiri byggðir à RúmenÃu á seinustu 11 árum. ÞrÃr 30.000 eða fleiri áhorfendur og við getum ekki drullast til að byggja einn alvöru völl #fotboltinet
— Magnus Bodvarsson (@MBodvarsson) November 11, 2021
Ef Birkir Bjarnason kemur við sögu í leiknum þá jafnar hann Rúnar Kristinsson sem landsleikjahæsti leikmaður Íslands. Birkir Már Sævarsson er í þriðja sæti og leikur sinn 103. landsleik ef hann kemur við sögu í dag. Birkir Már fagnar 37 ára afmæli sínu í dag.
Ísland mætir Rúmeníu í kvöld og Norður-Makedóníu á sunnudaginn. Báðir leikirnir á útivöllum.
Fótbolti.net spáir því að byrjunarlið Íslands verði ekki mikið breytt frá sigrinum gegn Liechtenstein. Ari Freyr Skúlason verði í vinstri bakverðinum og Ísak Bergman Jóhannesson, sem tók út bann gegn Liechtenstein, komi inn. Þá verður Andri Lucas Guðjohnsen fremsti maður liðsins þar sem Viðar Örn Kjartansson glímir við meiðsli og hefur yfirgefið hópinn.
Ísland og Rúmenía hafa mæst fjórum sinnum. Rúmenar hafa unnið þrjá leiki og Íslendingar einn og sá sigur kom í undanúrslitaleik umspils um sæti í úrslitakeppni EM síðasta haust, en sem kunnugt er tapaði íslenska liðið síðan fyrir Ungverjum í úrslitaleik um EM-sæti á lokamínútunum.
Rúmenar unnu fyrri viðureign liðanna í þeirri undankeppni sem nú stendur yfir, tveggja marka sigur á Laugardalsvelli í september. Hinar tvær viðureignir liðanna voru í undankeppni HM 1998 og þá unnu Rúmenar báða leikina með fjórum mörkum gegn engu. Rúmenska liðið komst í 16-liða úrslit í Heimsmeistarakeppninni í Frakklandi 1998 með fyrirliðann Gheorghe Hagi í fararbroddi.
Jú, komiði sælir lesendur góðir og veriði velkomnir í textalýsingu frá leik Rúmeníu og Íslands í undankeppni fyrir HM 2022.
Ísland þarf á sigri að halda til að eiga möguleika á sæti í umspili en liðið þarf einnig að treysta á jafntefli í leik Armena og Norður Makedóna.
Rússar sjá um dómgæsluna í kvöld og Sergei Karasev verður aðaldómari leiksins.
Karasev var dómari þegar Ísland og Ungverjaland gerðu 1-1 jafntefli á EM í Frakklandi 2016. Ísland fékk meðal annars vítaspyrnu í leiknum sem Gylfi Þór Sigurðsson skoraði úr.
Þá dæmdi hann Þjóðadeildarleik Íslands og Belgíu á Laugardalsvelli 2018. Romelu Lukaku skoraði tvívegis í 3-0 sigri Belga.
Aðaláhugamál Sergei eru þungarokkstónleikar en Slayer er uppáhalds hljómsveit hans. Hér fyrir neðan má heyra lag sem mun væntanlega óma í dómaraklefanum fyrir leik í kvöld.