Fyrir leik
Byrjunarliðin:
Ásmundur Arnarsson, þjálfari Breiðabliks, gerir eina breytingu frá leiknum gegn Real Madrid í síðustu viku. Inn kemur Vigdís Lilja Kristjánsdóttir og Alexandra Soree sest á bekkinn. Vigdís er fædd árið 2005.

Fyrri leikur liðanna endaði með 2-0 sigri PSG á Kópavogsvelli í október.
Eyða Breyta

Fyrir leik


Blikar í leit að fyrsta markinu
"Þessi leikur leggst auðvitað mjög vel í okkur, þetta er lokaleikurinn í riðlakeppninni, búið að vera mikil og góð reynsla þó að við hefðum stundum viljað að úrslitin væru okkur hliðhollari. Eftir snjóbylsleikinn í síðustu viku hafa æfingar gengið vel, leikmannahópurinn er í fínu standi, allar heilar og klárar í slaginn. Það er spenningur og tilhlökkun að takast á við erfitt verkefni á morgun," sagði Ásmundur Arnarson, þjálfari Breiðabliks, á fréttamannafundi í gær.

"Það er innri markmið, eins og komið hefur fram, að við klárum ekki riðlakeppnina án þess að skora mark. Það verður helsta markmiðið okkar núna, þó að fá lið hafi skorað gegn PSG undanfarið þá ætlum við að gera það á morgun," bætti Ási við.

Ásta Eir Árnadóttir, fyrirliði Breiðabliks:
"Stemningin í hópnum er góð, undirbúningurinn er búinn að vera fínn. Við höfum skerpt á nokkrum hlutum frá því í síðasta leik. Úrslitin hafa ekki verið eins og við hefðum viljað en við neitum að enda þetta öðruvísi en að skora eitt mark og reyna stríða PSG."
Eyða Breyta

Fyrir leik
Leikurinn verður í beinni á Youtube:


Eyða Breyta

Fyrir leik


Velkomin í þessa beina lýsingu
Kvennalið Breiðabliks spilar síðasta leik sinn í riðlakeppni Meistaradeildar Evrópu í ár er liðið heimsækir Paris Saint-Germain í París klukkan 17:45.

Breiðablik hefur tapað fjórum leikjum og gert eitt jafntefli í riðlakeppninni til þessa en á enn eftir að skora í keppninni.

Paris Saint-Germain er langsterkasta liðið í riðlinum og ljóst að það gæti orðið erfitt verkefni að koma inn marki en Blikar áttu fína kafla í fyrri leiknum og voru nálægt því að skora á Kópavogsvelli.

Þetta verður síðasti leikur Blika í Meistaradeildinni á þessu ári en samt sem áður mikilvægir leikir í reynslubankann fyrir komandi ár.

Leikir dagsins:
17:45 Real Madrid-WFC Kharkiv (Estadio Alfredo di Stefano)
17:45 PSG-Breiðablik (Stade Jean Bouin)
Eyða Breyta