Fyrir leik
Af blikar.is:

Saga FK Buducnost í Evrópuleikjum

FK Buducnost er sá Svartfjallalandsklúbbur sem er með flesta leiki og tímabil í Evrópukeppnum. Frumraun félagsins í Evrópukeppni var árið 1981 þegar félagið lék í Intertoto Cup og enduðu í fyrsta sæti. Á næstu áratugum lék Budunost í sömu keppni tvisvar og náði athyglisverðum sigri gegn Deportivo La Coruna árið 2006.

Eftir sjálfstæði Svartfjallalands varð FK Buducnost reglulegur þátttakandi í Evrópukeppnum og lék þrjú tímabil í undankeppni Meistaradeildarinnar.

2016/17 var sigursælasta Evróputímabil FK Buducnost. Eftir sigur Rabotnicki frá Makedóníu var FK Buducnost nærri því að slá út K.R.C. Genk en tapaði í vítaspyrnukeppni.

Stærsti sigur félagsins í Evrópukeppni var þegar FK Buducnost vann Valletta 0:5 18. júní 2005. Stærstu töp félagsins í Evrópukeppni komu í fyrra þegar liðið tapar 0:4 fyrir HJK Helsinki í undankeppni Meistaradeildarinnar og 4:0 fyrir HB í Færeyjum í Sambandsdeildinni.

Saga Blika í Evrópukeppnum

Leikurinn við FK Buducnost verður 24. Evrópuleikur Blikamanna frá upphafi.

Liðin sem Blikar hafa mætt í Evrópukeppnum eru:

U.E. Santa Coloma (2022), Aberdeen FC (2021), Racing Union (2021), Austria Wien (2021), Rosenborg (2020 og 2011), Vaduz (2019), Jelgava (2016), Aktobe (2013), Sturm Graz (2013), FC Santa Coloma (2013), Motherwell (2010).

Samtals 23 leikir í 10 löndum, 9 sigrar, 5 jafntefli og 9 töp.

Mesti árangur Breiðabliksmanna til þessa í Evrópukeppnum:

2021 Sambandsdeild UEFA - Undankeppni: 1.umf. Racing Uion. 2.umf. Austria Wien. 3.umf. Aberdeen FC

2013 Evrópudeild UEFA - Undankeppni: 1.umf. FC Santa Coloma. 2.umf. Sturm Graz. 3.umf. FC Aktobe

Blikaliðið tekur nú þátt í Evrópukeppni fjórða árið í röð.
Eyða Breyta

Fyrir leik
Byrjunarlið Blika
Óskar Hrafn Þorvaldsson, þjálfari Breiðabliks, gerir þrjár breytingar frá sigri Blika gegn Keflavík í Bestu deildinni á sunnudag. Omar Sowe, Kristinn Steindórsson og Mikkel Qvist taka sér á bekknum og inn í liðið koma þeir Jason Daði, Viktor Örn og Viktor Karl.

Á heimasíðu UEFA er Degi Dan stillt upp fyrir miðju í fremstu víglínu í leikkerfinu 4-3-3.
Eyða Breyta

Fyrir leik
Dómarar leiksins

Það verður Úkraínumaðurinn Denys Shurman sem dæmir leik kvöldsins og honum til aðstoða verða Þjóðverjarnir, Eduard Beitinger & Dominik Schaal. Fjórði dómari er einnig þýskur en það er enginn annar en Daniel Schlager.

Eyða Breyta

Fyrir leik
Norrköping umræðan

Óskar var í síðustu viku orðaður við þjálfarastarfið hjá sænska félaginu IFK Norrköping. Rikard Norling var látinn fara fyrir rúmri viku sem þjálfari sænska félagsins og hefur nýr þjálfari ekki verið ráðinn.

"Ég hef ekki fengið símtal frá Norrköping þannig það hefur ekki verið að trufla mig,"

Þyrfti stórt tilboð til að fá þig frá Breiðabliki?

"Já, ég myndi halda það. Ég hef ekkert spáð í það hvað þyrfti til eða ekki til. Það er einhvern veginn nóg núna að reyna halda sjó, erum að spila á þriggja daga fresti. Það er nóg að undirbúa hvern einasta leik, halda leikmönnum við efnið og reyna gera þetta eins vel og nokkur kostur er. Það fer allur tími í það. Ég hef bara ekki haft tíma eða nennu. Þetta er fjarlægt og algjör tímasóun að vera hugsa eitthvað um það,"
Eyða Breyta

Fyrir leik
Þurfa að taka andstæðinginn alvarlega

"Þeir eru klókir og þeim mun mikilvægara er fyrir okkur að byrja vel og ná frumkvæðinu strax. Ég held að þessir menn þurfi bara að gera það sem þarf til að ná úrslitum, ekkert ósvipað okkur, kannski með aðeins öðruvísi nálgun. Fyrst og síðast er þetta fínt fótboltalið, góðir leikmenn og margir hverjir þeirra hafa verið að spila með landsliði Svartfellinga. Þeir eru búnir að þétta raðirnar og eru auðvitað með þessa tvo kantmenn sem eru afburðagóðir og örugglega með efnilegri mönnum Svartfellinga í dag - miklar vonir bundnar við þá báða. Þetta eru gæjar sem við þurfum að taka mjög alvarlega."
Eyða Breyta

Fyrir leik
Þurfa að vinna heimaleikinn

"Nú ætla ég ekki að segja að ég sé hokinn af reynslu í Evrópuleikjum en reynsla síðasta árs kenndi manni það að ef þú ætlar að eiga möguleika á að komast áfram þá þarftu að vinna heimaleikinn. Það er ekkert annað en það sem kemur til greina hjá okkur en að vinna leikinn á morgun, ná frumkvæðinu strax og halda því. Við viljum stíga á bensíngjöfina og keyra yfir þá strax frá byrjun."
Eyða Breyta

Fyrir leik
Um andstæðinginn

"Þetta er eitt af tveimur bestu liðunum í Svartfjallalandi, þeir fóru í gegnum lið frá Kósóvó í fyrstu umferð, árangur þeirra í Evrópukeppnum undanfarin ár er upp og ofan en þeir eru reynslumiklir. Þeir hafa verið að taka inn mjög unga, sterka og öfluga leikmenn inn í liðið. Þeirra tveir hættulegustu menn eru fæddir 2003 og 2004 - kantmenn. Þetta er fínt fótboltalið en mér finnst að við eigum að geta unnið þá," sagði Óskar.

"Þetta er gott lið sem við berum virðingu. Við þurfum að eiga góðan leik til að eiga möguleika gegn þeim en möguleikarnir eru svo sannarlega til staðar."
Eyða Breyta

Fyrir leik
Sæbjörn Steinke lykilleikmaður Fótbolta.net fór á Kópavogsvöll í hádeginu í gær og ræddi við Óskar Hrafn þjálfara Blika um þennan leik og þetta verkefni sem er framundan gegn Svartfellingunum.

Ætla leyfa ykkur lesendum að sjá hvað Óskar hafði að segja.

Eyða Breyta

Fyrir leik
Dömur mínar og herrar verið velkomin í þráðbeina textalýsingu frá Kópavogsvelli þar sem að Breiðablik fá FK Buducnost í heimsókn í 2.umferð Sambandsdeildar Evrópu en leikurinn hefst 19:15.

Það er svo gaman að fá Evrópukvöld á Íslandi "under the lights"

Eyða Breyta