Liðin eru farin inn í búningsklefa og það styttist óðfluga í leikinn.

Rúmlega 20 mínútur í leik. Sólin skín ég trúi ekki öðru en að það eigi eftir að bætast ríflega í áhorfendafjöldann. Hann er ekki mikill í þessum töluðu orðum.

Hamborgarinn var étinn á tæplega fimm mínútum. Ég hef fengið betri borgara ég ætla bara að vera hreinskilinn. Sósan var góð, brauðið þurrt og þessi hamborgari hefur líklega staðið lengur en ég hefði gert ráð fyrir.

Drykkurinn var Ölgerðinni hinsvegar kaldur og rennur vel niður.

Jæja... það er búið að kveikja á tónlistinni og fyrsta lagið bassa mikið lag með DJ Muscleboy. Það er verið að ögra mannskapnum.

Það er allt að gerast her. Það er verið að koma með hátalara í stúkuna og Eyjamenn ætla að vera gestrisnir og bjóða leikmönnum og áhorfendum sem mættir eru upp á einhversskonar tónlist þegar búið verður að tengja hátalarana. Gleðiefni fyrir marga en þó ekki ákveðna aðila sem eru að glíma við hausverk.

Í fréttum er þetta helst.

Tólf ein­stak­ling­ar voru kærðir fyr­ir fíkni­efna­brot síðastliðinn sól­ar­hring í Vest­manna­eyj­um og var hald lagt á nokk­urt magn fíkni­efna í einu til­felli. Önnur mál voru þó minni­hátt­ar. Annars gekk fyrsta nótt Þjóðhátíðar nokkuð vel.

Joey Gibbs er mættur aftur til Íslands og er kominn á varamannabekkinn hjá Keflvíkingum.

Hermann Hreiðarsson ætlar ekki að breyta neinu og teflir fram sama liði og rúllaði yfir Leikni í síðustu umferð.

Eina breyting gestanna er markvarðarbreytingin þar sem eins og fyrr segir, tekur Sindri Kristinn út leikbann í dag.

Það blæs aðeins hér í Eyjum en það er heiðskýrt og sólin skín.

Sindri Kristinn Ólafsson er mættur á Eyjuna fögru en hann tekur út leikbann í leiknum í dag.

Ég ætla leiðrétta mig bara strax, það blæs ekkert aðeins... það blæs töluvert.

Hæhæ Þjóhátíð

Ég er mættur til starfa.

Hvernig fer Þjóðhátíðarleikurinn?
Við settum þessa spurningu í hendur lesenda með skoðanakönnun á forsíðu. Tæplega 55% spá ÍBV sigri, um 14% spá jafntefli og tæplega 32% spá sigri Keflavíkur.
Samtals: 2120 svör

Aron Elí Sævarsson fyrirliði Aftureldingar spáir í 15. umferð Bestu deildarinnar fyrir Fótbolta.net.

ÍBV 3 - 2 Keflavík
Hér fáum við þjóðhátíðarfólk góða skemmtun og Eiður Aron með winner úr víti undir lokin.
Aron Elí Sævarsson.

Þorvaldur Árnason dæmir leikinn í dag og nýtur aðstoðar Eysteins Hrafnkelssonar og Antoníusar Bjarka Halldórssonar á línunum. Guðmundur Páll Friðbertsson er skiltadómari og KSÍ sendi Halldór Breiðfjörð Jóhannsson til að sinna eftirliti með umgjörð og frammistöðu dómarateymisins.
Þorvaldur Árnason dæmir leikinn.

Það var mismikið að gera hjá þessum liðum í félagaskiptaglugganum sem var lokað í vikunni sem er að líða.

Hjá ÍBV voru gerðar nokkrar breytingar. Miðjumaðurinn Kundai Benyu fékk leikheimild með ÍBV í lok júní en hefur reyndar aðeins spilað einn leik síðan, vegna meiðsla.

Á gluggadeginum fór markvörðurinn Halldór Páll Geirsson til KFS en hann missti stöðu sína í marki ÍBV til Guðjóns Orra Sigurjónssonar fyrr í sumar. Þá bárust þau stóru tíðindi rétt fyrir gluggalok að Guðjón Pétur Lýðsson, sem hefur að mestu vermt varamannabekkinn í sumar, væri farinn til Grindavíkur.

Keflvíkingar létu félagaskiptamarkaðinn vera þetta sumarið en misstu Ivan Kaliuzhnyi sem fór í indversku Ofurdeildina.

Guðjón Pétur fór til Grindavíkur frá ÍBV

ÍBV hefur verið á miklu skriði síðustu vikurnar og vann síðustu tvo leiki gegn Val og Leikni auk þess sem þeir gerðu markalaust jafntefli heima gegn Breiðabliki í byrjun júlí.

Gestirnir í Keflavík hafa tapað síðustu tveimur leikjum gegn KA og Breiðabliki en unnu Val sannfærandi 0 - 3 11. júlí síðastliðinn.

Góðan daginn og verið velkomin í beina textalýsingu frá Þjóðhátíðarleiknum 2022.

Í þetta sinn mætast ÍBV og Keflavík á Hásteinsvelli klukkan 14:00 en leikurinn er í 15. umferð Bestu-deildar karla.