Þetta er að bresta á! Liðin mætt út á völlinn, búin að takast í hendur og henda í liðsmyndir. Sól og sumaryl og það er allt með okkur hérna í kvöld.

Ísak Snær Þorvaldsson, sem hefur verið magnaður í sumar, ekki með. Hann er að glíma við höfuðmeiðsli. Það er mikið áfall fyrir Blika.

Byrjunarliðin eru klár og má sjá hér til hliðar!

Breiðablik gera þrjár breytingar á sínu liði frá leiknum gegn Istanbul Basaksehir en inn í liðið koma Oliver Sigurjónsson, Viktor Örn Margeirsson og Davíð Ingvarsson.
Víkingar gera þá tvær breytingar á sínu liði frá einvígi sínu gegn Lech Poznan en inn koma Danijel Duric og Davíð Örn Atlason.

Fleirri álitsgjafar spáðu einnig fyrir um leikinn.

Kristján Óli Sigurðsson - Stuðningsmaður Breiðabliks

2-1 fyrir Blikum Gísli og Jason Daði með mörkin en Djuric klórar í bakkann.



Hörður Ágústsson - Stuðningsmaður Víkings

Það er ekkert grín að koma í Kópavoginn og sækja punkta en ef eitthvað lið kann að suffera eins og Arnar hefur oft sagt þá er það Víkingur. Vonandi verða nokkrir Víkingar orðnir hraustir eftir meiðsli undanfarið og við sjáum háklassa baráttu og fótbolta með sterkustu liðum sem þeir Grænu og Víkingarnir hafa upp á að bjóða. Spáin er einföld, leikurinn fer 2-1 fyrir Víking því það eru úrslitin sem deildin þarf (og andlega líf mitt líka). Blikar munu byrja leikinn af krafti og reyna að kaffæra Víkingana en ég held að Djuric skori fyrsta markið eftir skyndisókn og svo jafni Damir með skalla úr horni og svo setur Helgi Guðjóns eitt með skalla og fagnar með stúkunni. Eina orðið sem ég finn varðandi þennan leik er tilhlökkun. Besta deildin hefur heldur betur staðið undir nafni í sumar og mjög mörg lið sem eru bara helvíti sterk. Ég ætla líka bara rétt að vona að það verði uppselt í kvöld því leikurinn á það svo sannarlega skilið. Áfram #EuroVikes!



Sverrir Mar Smárason - Íþróttafréttamaður

Ég spái 2-1 sigri Víkinga sem er þó líka óskhyggja til þess að fá meiri spennu í deildina. Víkingar komast yfir og fá svo á sig jöfnunarmark áður en þeir skora dramatískt sigurmark í kringum 90. mínútu.



Álitsgjafar rýna í stórleikinn - Menn geta bara hvílt sig eftir mótið"

Ingólfur Sigurðsson er spámaður 17.umferðar Bestu deildar karla og spáir því að þessi leikur muni ekki valda vonbrigðum.

Breiðablik 3 - 2 Víkingur
Stórleikur umferðarinnar mun ekki valda vonbrigðum. Ég myndi alveg þiggja Víkingssigur upp á spennuna í deildinni, en ég sé ekki Blika tapa tveimur leikjum í röð. XG-ið verður hátt í þessum leik.

Dómari leiksins

Það er Jóhann Ingi Jónsson sem dæmir þennan leik og honum til aðstoðar verða þeir Gylfi Már Sigurðsson og Andri Vigfússon.
Aðalbjörn Heiðar Þorsteinsson er fjórði dómari og þá er Kristinn Jakobsson eftirlitsmaður.

Fyrri leikur liðana

Fyrri leikur liðana á tímabilinu fór fram 15.maí á Víkingsvelli þar sem 1850 manns voru samankominn til þess að bera liðin augum.
Þar voru Breiðablik sem höfðu betur með þremur mörkum gegn engu þar sem Ísak Snær Þorvaldsson, Jason Daði Svanþórsson og Kristinn Steindórsson skoruðu mörk Blika í seinni hálfleik.
Kristall Máni Ingason fékk þá rautt spjald í uppbótartíma fyrir að slá Davíð Ingvarsson.

Breiðablik

Staða: 1.sæti
Leikir: 16
Sigrar: 12
Jafntefli: 2
Töp: 2
Stig: 38 stig
Mörk skoruð: 43
Mörk fengin á sig: 20
Markatala: +23

Síðustu leikir:

Stjarnan 5-2 Breiðablik
Breiðablik 3-1 ÍA
FH 0-0 Breiðablik
Keflavík 2-3 Breiðablik
ÍBV 0-0 Breiðablik

Markahæstir:

Ísak Snær Þorvaldsson - 12 Mörk
Jason Daði Svanþórsson - 7 Mörk
Kristinn Steindórsson - 6 Mörk
Viktor Karl Einarsson - 4 Mörk
Höskuldur Gunnlaugsson - 4 Mörk
Dagur Dan Þórhallsson - 3 Mörk
Omar Sowe - 2 Mörk
Anton Logi Lúðvíksson - 2 Mörk
*Aðrir minna

Víkingur Reykjavík

Staða: 3.sæti
Leikir: 15
Sigrar: 9
Jafntefli: 3
Töp: 3
Stig: 30 stig
Skoruð mörk: 36
Mörk fengin á sig: 23
Markatala: +13

Síðustu leikir:

Fram 3-3 Víkingur R.
Stjarnan 2-2 Víkingur R.
FH 0-3 Víkingur R.
Víkingur R. 3-2 ÍA
KR 0-3 Víkingur R.

Markahæstu menn:

Nikolaj Hansen - 5 Mörk
Erlingur Agnarsson - 5 Mörk
*Kristall Máni Ingason - 4 Mörk
Helgi Guðjónsson - 4 Mörk
Logi Tómasson - 3 Mörk
Birnir Snær Ingason - 3 Mörk
Ari Sigurpálsson - 3 Mörk
Viktor Örlygur Andrason - 2 Mörk
*Aðrir minna

Breiðablik mættu Istanbul Basaksehir í síðasta leik sínum

Eftir heldur svekkjandi tap á heimavelli 1-3 í fyrri leik liðana þar sem Viktor Karl Einarsson skoraði mark Blika lá leið Blika til Tyrklands í gríðarlega krefjandi og erfitt verkefni.
Þrátt fyrir hetjulega baráttu var það ljóst að Blikar mættu ofjörlum sínum ytra og fóru heimamenn í Istanbul Basaksehir með 3-0 sigur og samanlagt 6-1 í einvíginu.

Víkingar mættu Lech Poznan í síðasta leik sínum

Eftir að hafa unnið frábæran 1-0 sigur á Víkingsvelli þar sem Ari Sigurpálsson var hetja liðsins var ferðinni heitið til Póllands fyrir seinni leik liðana.
Lech Poznan komst í 2-0 áður en Danijel Djuric minnkaði muninn á lokamínútum leiksins og um leið jafnaði einvígið í 2-2 og þurfti að grípa til framlengingar þar sem heimamenn í Póllandi reyndust sterkari og þrátt fyrir að Ingvar Jónsson hafi varið vítaspyrnu bættu við 2 mörkum og sigruðu leikinn 4-1 og einvígið 4-2 samanlagt.

Bæði lið hafa sýnt stórkostlegan fótbolta í sumar bæði hérlendis og erlendis en bæði þessi lið hafa gert góða hluti bæði í Bestu deildinni og þá einnig í Evrópukeppum en bæði þessi lið duttu út í 3.umferð Sambandsdeildarinnar eftir hetjulegar baráttur í Tyrklandi og Póllandi.

Þökk sé þessum liðum höfum við einmitt endurheimt 4. Evrópusætið sem verður keppt um næsta keppnistímabil og hafa lyft Íslenskum fótbolta á hærri stall.

Heil og sæl lesendur góðir og verið hjartanlega velkominn í þessa þráðbeinu textalýsingu frá stórleik Breiðabliks og Víkings R. þegar 17.umferð Bestu deildar karla klárast hér í kvöld.