Kórinn
fimmtudagur 25. ágúst 2022  kl. 19:15
Lengjudeild kvenna
Dómari: Soffía Ummarin Kristinsdóttir
Áhorfendur: 324
Maður leiksins: Hulda Ösp Ágústsdóttir
HK 1 - 2 Víkingur R.
1-0 Arna Sól Sævarsdóttir ('2)
1-1 Hafdís Bára Höskuldsdóttir ('28)
1-2 Christabel Oduro ('46)
Byrjunarlið:
1. Audrey Rose Baldwin (m)
3. Hildur Björk Búadóttir
5. Rakel Lóa Brynjarsdóttir
10. Isabella Eva Aradóttir (f)
11. Emma Sól Aradóttir ('67)
14. Arna Sól Sævarsdóttir
15. Magðalena Ólafsdóttir
25. Lára Einarsdóttir
26. Kristín Anítudóttir Mcmillan
27. Henríetta Ágústsdóttir ('23)
42. Gabriella Lindsay Coleman

Varamenn:
4. Andrea Elín Ólafsdóttir
6. Lára Hallgrímsdóttir
19. Amanda Mist Pálsdóttir
20. Katrín Rósa Egilsdóttir ('23)
22. Kristjana Ása Þórðardóttir
23. Sóley María Davíðsdóttir ('67)
33. Ragnhildur Sóley Jónasdóttir

Liðstjórn:
Ragnheiður Soffía Georgsdóttir
Birkir Örn Arnarsson
Guðni Þór Einarsson (Þ)
Lidija Stojkanovic (Þ)
Ragnheiður Lóa Stefánsdóttir

Gul spjöld:
Emma Sól Aradóttir ('44)

Rauð spjöld:
@MistRunarsdotti Mist Rúnarsdóttir
93. mín Leik lokið!
Leiknum er lokið!

Víkingar vinna 2-1 útisigur eftir að hafa lent undir snemma leiks. Þetta þýðir að FH-ingar eru komnar upp í Bestu-deildina og Tindastóll er í lykilstöðu til að fylgja þeim þangað.

Þegar tvær umferðir eru eftir af deildinni er staðan svona:

1. FH - 40 stig
2. Tindastóll - 37 stig
3. HK - 33 stig
3. Víkingur - 32 stig

Ég þakka annars fyrir samfylgdina og minni á viðtöl og skýrslu síðar í kvöld.
Eyða Breyta
91. mín
VÓÓÓ!

Gabriella kemst af stað og lætur vaða vinstra megin utan teigs. Þrumuskot hennar svífur rétt framhjá fjærstönginni!
Eyða Breyta
90. mín
Víkingar fá aukaspyrnu og reyna að kreista einhverjar sekúndur af klukkunni með því að spila stutt og senda Christabel upp í horn með boltann.
Eyða Breyta
89. mín
Nú eru HK-ingar ósáttar við að fá dæmda á sig aukaspyrnu. Ég sá ekki hvað gerðist þarna úti við hliðarlínu fjær en ungur HK-kórinn í stúkunni syngur "dómarann í sturtu". Það er í nægu að snúast fyrir dómaratríóið í kvöld enda mikið undir og hiti í mannskapnum, bæði innan og utanvallar.
Eyða Breyta
87. mín Gult spjald: Emma Steinsen Jónsdóttir (Víkingur R.)
Víkingar reyna að drepa leikinn niður við hvert tækifæri. Emma er búin að gefa sér góðan tíma í innköst og fer svo að reima þegar hún á að taka aukaspyrnu svo Soffía lyftir gulu spjaldi fyrir tafir.
Eyða Breyta
83. mín
HK-ingum gengur illa að skapa sér sénsa. Katrín Rósa var að fá boltann utarlega í teignum en viðstöðulaust skot hennar geigar.
Eyða Breyta
82. mín
Sigdís sem er nýkomin inná reynir skot utan teigs. Setur boltann yfir.
Eyða Breyta
82. mín Sigdís Eva Bárðardóttir (Víkingur R.) Brynhildur Vala Björnsdóttir (Víkingur R.)
Tvöföld skipting hjá Víkingum.
Eyða Breyta
82. mín Sigdís Eva Bárðardóttir (Víkingur R.) Hulda Ösp Ágústsdóttir (Víkingur R.)

Eyða Breyta
81. mín
Tara reynir langskot fyrir Víkinga. Kröftugt er það en aðeins framhjá.
Eyða Breyta
80. mín
Tindastóll er að vinna 2-0 fyrir norðan og er að öllum líkindum að fara í 37 stig.
Eyða Breyta
80. mín
Það er ljóst að ef að Víkingar vinna HK hér í kvöld þá eru FH-ingar á leið upp um deild.

FH er komið í 40 stig og hvorki HK né Víkingur getur náð þeim.
Eyða Breyta
74. mín
Bergdís og Tara græja aukaspyrnuna saman. Bergdís tekur stutt, Tara leggur boltann aftur til baka og Bergdís lætur vaða en skýtur yfir!
Eyða Breyta
73. mín
HK-ingar afar ósáttar hér þegar Víkingar fá aukaspyrnu rétt utan D-bogans. Christabel fékk mann í bakið og féll við, leikmönnum HK til lítillar ánægju.
Eyða Breyta
70. mín
Gabriella snýr laglega úti í vinstra horninu en reynir svo bjartsýnisskot í stað þess að setja boltann fyrir.

HK-ingar ekki á sínum besta degi gegn sprækum Víkingum.
Eyða Breyta
67. mín Sóley María Davíðsdóttir (HK) Emma Sól Aradóttir (HK)
Guðni og Lidija freista þess að fríska upp á leik síns liðs og færa til hjá sér. Unglingalandsliðskonan Sóley María fer í vinstri bakvörðinn. Rakel Lóa þann hægri og Hildur upp á vinstri kant.
Eyða Breyta
64. mín
Hættulegt!

Christabel kemst inná teig hægra megin. Hún gerir vel og bíður eftir aðstoð. Rennir boltanum svo fyrir markið á Bergdísi sem reynir skot. Mér sýnist það vera Kristín sem hendir sér fyrir skotið.

Bergdís nær boltanum aftur og reynir skot á ný. Liggjandi Kristín nær hinsvegar aftur að komast fyrir skotið!

Bergdís fær boltann enn eina ferðina en í þriðju tilraun skýtur hún í Christabel samherja sinn sem er dæmd rangstæð.

Þung sókn gestanna!
Eyða Breyta
58. mín
Það er hart tekist á og Soffía dómari hefur þurft að stoppa leikinn þónokkrum sinnum vegna meiðsla leikmanna. Hér er mikið í húfi og það sést langar leiðir!
Eyða Breyta
56. mín Ólöf Hildur Tómasdóttir (Víkingur R.) Hafdís Bára Höskuldsdóttir (Víkingur R.)

Eyða Breyta
55. mín
STÓRHÆTTA!

Vandræðagangur á Emmu sem missir langan bolta yfir sig og í hlaup hjá Gabriellu sem reynir að lyfta boltanum yfir Andreu í fyrsta!

Víkingar geta andað léttar því það er ekki næg mýkt í þessu hjá Gabriellu sem setur boltann yfir!
Eyða Breyta
53. mín
Christabel er of sein í tæklingu og brýtur á Hildi. HK fær aukaspyrnu vinstra megin. Magðalena setur hættulegan bolta inná teig og Rakel Lóa virðist verða fyrir bakhrindingu. Ekkert dæmt nema hvað að boltinn fer af varnarmanni og aftur fyrir og HK fær horn sem þær ná ekki að nýta sér.
Eyða Breyta
49. mín
Boltinn dettur fyrir Isabellu Evu utarlega í vítateig Víkings en Isabella fer vel undir boltann og þrumar honum hátt yfir!
Eyða Breyta
46. mín MARK! Christabel Oduro (Víkingur R.)
Takk fyrir túkall!

Þetta var ekki lengi að gerast. Kristín misreiknar einfaldan bolta fram völlinn og missir bæði boltann og Christabel aftur fyrir sig.

Gæðaleikmaður eins og Christabel þiggur að sjálfsögðu slíka gjöf og klárar örugglega framhjá Audrey.

Níunda mark Christabel í sumar og Víkingar eru komnar yfir!
Eyða Breyta
46. mín
Gabriella á fyrstu tilraun síðari hálfleiksins. Á máttlaust skot úr þröngu færi í teignum sem Andrea á ekki í neinum vandræðum með.
Eyða Breyta
46. mín Leikur hafinn
Þá hefjast leikar að nýju. Engar breytingar hafa verið gerðar á liðunum.
Eyða Breyta
45. mín Hálfleikur
Úrslitin liggja fyrir í fyrsta leik kvöldsins í Lengjudeildinni. Topplið FH styrkir stöðu sína þar. Hafnfirðingar fara í 40 stig eftir 4-0 útisigur í Grindavík. Sjóðheit Telma Hjaltalín skoraði þar þrennu og varnarjaxlinn Maggý Lárentsínusdóttir gerði fjórða markið.

Það er hálfleikur í hinum leikjum kvöldsins. Tindastóll leiðir 2-0 gegn Fjölni og það er jafnt í leik Fylkis og Augnabliks, 1-1.
Eyða Breyta
45. mín Hálfleikur
Það er kominn hálfleikur í Kórnum og staðan er 1-1.

Guðni, annar þjálfari HK, fylgir dómurunum áleiðis inn í klefa og liggur greinilega margt á hjarta.

HK-ingar fengu draumabyrjun og komust yfir strax í byrjun leiks. Víkingar voru svolítið skelkaðar strax á eftir en hafa unnið sig vel inn í leikinn og uppskáru sanngjarnt jöfnunarmark.

Nú er bara spurning hvað gerist hér í síðari hálfleik. "Do or die" fyrir bæði lið í toppbaráttunni.
Eyða Breyta
45. mín Gult spjald: John Henry Andrews (Víkingur R.)
Soffía dómari fær skilaboð í eyrun. Stoppar leikinn og skokkar að varamannabekk Víkings þar sem hún sýnir John Andrews gula spjaldið.
Eyða Breyta
44. mín Gult spjald: Emma Sól Aradóttir (HK)
Emma Sól fær pirringsspjald. Sparkar boltanum (laust) í mótherja eftir að dæmt var á hana.
Eyða Breyta
40. mín
Það er hiti í þessu og nú eru Víkingar að fá aukaspyrnu úti vinstra megin. Tara tekur spyrnuna og setur góðan bolta. Upp úr því hefst svokallaður darraðadans þar sem bæði Christabel og Unnbjörg eru nálægt því að na til boltans en HK-ingar verjast kröftuglega og koma boltanum frá!
Eyða Breyta
36. mín
Víkingar taka fimmtu hornspyrnu sína en enn eru þær ekki að ná að ógna almennilega úr þessum föstu leikatriðum.
Eyða Breyta
34. mín
Víkingar eru frískari og áræðnari. Mikill kraftur í fremstu fjórum hjá þeim og liðspressan góð.
Eyða Breyta
33. mín
Það er rosaleg barátta framundan á toppi Lengjudeildarinnar. FH-ingar leiða með 37 stig, þar á eftir kemur Tindastóll með 34. Þá HK með 33 og loks Víkingar í 4. sæti með 29 stig. Ef Víkingar ætla að halda drauminum um Bestu-deilar sæti lifandi þá verða þær að vinna hér í kvöld.
Eyða Breyta
30. mín
Þetta eru áhugaverðar mínútur og leikurinn er stál í stál úti á velli. Víkingar þó að komast ofar með liðið sitt.
Eyða Breyta
28. mín MARK! Hafdís Bára Höskuldsdóttir (Víkingur R.), Stoðsending: Hulda Ösp Ágústsdóttir
Alvöru afgreiðsla!

Víkingar jafna leikinn!

Hulda Ösp gerir vel og leggur boltann út á móti Hafdísi Báru sem hamrar boltann í netið!

Gullfallegt mark og staðan orðin jöfn!
Eyða Breyta
24. mín
Víkingar taka hornspyrnuna. Gömlu Völsungarnir tengja. Hulda Ösp setur boltann á kollinn á Dagbjörtu en hún skallar yfir!
Eyða Breyta
23. mín Katrín Rósa Egilsdóttir (HK) Henríetta Ágústsdóttir (HK)
Henríetta getur því miður ekki haldið áfram leik. Vont fyrir HK-inga að missa hana af miðsvæðinu svona snemma leiks. Katrín Rósa leysir hana af.
Eyða Breyta
23. mín
Hvað gerðist hér?

HK-ingar eru að undirbúa skiptingu og þá rýkur John Andrews, þjálfari Víkings, brjálaður að aðstoðardómara 1. Það hefur eitthvað gerst í teignum. Leikmaður Víkings liggur í teignum og liðsfélagar hennar standa yfir henni.

Ég var með augu á hliðarlínunni og sá ekki hvað gerðist þarna en þetta var sérkennilegt í meira lagi.
Eyða Breyta
22. mín
Víkingar keyra upp völlinn og sækja fjórðu hornspyrnuna sína. Áður en spyrnan er tekin er leikurinn hinsvegar stöðvaður. Henríetta situr eftir í teignum og mér sýnist sjúkraþjálfari HK gefa merki um að hún þurfi að fara af velli.

Eyða Breyta
21. mín
Hulda Ösp er lífleg á vinstri kantinum hjá Víkingum. Hún var að reyna skot utan af velli en setti boltann yfir!
Eyða Breyta
19. mín
Skemmtileg tilþrif hjá HK-ingum. Isabella stingur sér inná teig og tekur við krefjandi bolta. Reynir skot en færið er orðið þröngt og hún setur boltann beint á Andreu.

Isabella Eva er búin að eiga þrususumar og hefur notið sín sérstaklega vel eftir að hún var færð fremst á miðjuna. Þaðan hefur hún raðað inn mörkum.
Eyða Breyta
15. mín
Víkingar ná sér í tvær hornspyrnur með stuttu millibili en ná ekki að nýta þær nægilega vel til að skapa hættu.
Eyða Breyta
12. mín
Það er stemmning í Kórnum. Nóg af trommum og fullt af ungu og flottu stuðningsfólki sem lætur vel í sér heyra.

Það er auðvitað mikil saga á milli þessara liða sem léku lengi vel saman undir nafni HK/Víkings. Samstarfinu farsæla lauk eftir tímabilið 2019 og báðir klúbbar hafa farið í mikla uppbyggingu síðan. Í ár stilla bæði félög upp gríðarsterkum Lengjudeildarliðum og yngri flokka starfið blómstrar.
Eyða Breyta
10. mín
Víkingar fá aukaspyrnu úti hægra megin. Tara setur boltann fyrir og í áttina að Christabel en hún finnur ekki skotið.

HK-ingar vinna þá boltann og geysast í skyndisókn. Arna ber upp boltann vinstra megin og gerir vel í að gefa Rakel Lóu tíma til að bruna upp hægra megin. Arna spilar svo yfir og Rakel neglir að marki með hægri fæti! Því miður fyrir HK-inga svífur skotið yfir markið.
Eyða Breyta
8. mín
Lið Víkings:

Andrea

Unnbjörg - Emma - Dagbjört - Kiley

Tara - Brynhildur

Bergdís - Cristabel - Hulda Ösp

Hafdís Bára
Eyða Breyta
7. mín
Nú sækja Víkingar hornspyrnu. Spurning hvort þeim takist jafn vel til og HK-ingum áðan.

Tara setur hættulegan bolta inn á teig en það er dæmt á Víkinga.
Eyða Breyta
5. mín
Lið HK:

Audrey

Emma Sól - Lára - Kristín - Hildur

Henríetta - Magðalena

Rakel Lóa - Isabella - Arna Sól

Gabriella
Eyða Breyta
4. mín
Boltinn skoppar í grasinu og snýst upp í höndina á Unnbjörgu rétt fyrir utan D-bogann. Aukaspyrna dæmd.

Magðalena reynir skot úr spyrnunni en setur boltann beint á Andreu markvörð.
Eyða Breyta
3. mín
Þetta er áhugaverð byrjun. HK-ingar eru ekkert að grínast í þessari toppbaráttu.
Eyða Breyta
2. mín MARK! Arna Sól Sævarsdóttir (HK)
Þvílík byrjun hér!

HK-ingar láta hornspyrnuna telja!

Setja boltann á fjær þar sem Víkingar hafa gleymt að fylgjast með Örnu Sól sem þakkar pent fyrir sig og lyftir boltanum í fjærhornið!
Eyða Breyta
2. mín
Heimakonur byrja vel. Gabriella reynir skot úr teignum en skotið fer af varnarmanni og aftur fyrir. Fyrsta hornspyrnan staðreynd.
Eyða Breyta
1. mín Leikur hafinn
Hvítklæddir Víkingar hefja hér leik.
Eyða Breyta
Fyrir leik
Allt er orðið klár í Kórnum og byrjunarliðin má sjá hér til hliðar. Soffía Ummarin dómari er að fara yfir málin með fyrirliðunum Isabellu Evu og Dagbjörtu Ingvars og veislan fer alveg að hefjast!
Eyða Breyta
Fyrir leik
Heil og sæl!

Hér verður bein textalýsingu frá leik HK og Víkings í Lengjudeildinni.

Um er að ræða hörkuleik liðanna í 3. og 4. sæti deildarinnar.
Eyða Breyta
Byrjunarlið:
1. Andrea Fernandes Neves (m)
4. Brynhildur Vala Björnsdóttir ('82)
5. Emma Steinsen Jónsdóttir
9. Christabel Oduro
13. Kiley Norkus
14. Unnbjörg Jóna Ómarsdóttir
15. Dagbjört Ingvarsdóttir (f)
19. Tara Jónsdóttir
23. Hulda Ösp Ágústsdóttir ('82)
26. Bergdís Sveinsdóttir
27. Hafdís Bára Höskuldsdóttir ('56)

Varamenn:
12. Sigurborg K. Sveinbjörnsdóttir (m)
8. Arnhildur Ingvarsdóttir
17. Svanhildur Ylfa Dagbjartsdóttir
22. Nadía Atladóttir
24. Sigdís Eva Bárðardóttir ('82) ('82)
25. Ólöf Hildur Tómasdóttir ('56)

Liðstjórn:
John Henry Andrews (Þ)
Elísa Sól Oddgeirsdóttir
Freyja Friðþjófsdóttir
María Björg Marinósdóttir
Þorsteinn Magnússon
Ingibjörg Ásta Halldórsdóttir

Gul spjöld:
John Henry Andrews ('45)
Emma Steinsen Jónsdóttir ('87)

Rauð spjöld: