Leiknir R.
0
0
FH
0-0 Steven Lennon '48 , misnotað víti
0-0 Björn Daníel Sverrisson '96 , misnotað víti
04.09.2022  -  14:00
Domusnovavöllurinn
Besta-deild karla - 20. umferð
Dómari: Vilhjálmur Alvar Þórarinsson
Áhorfendur: 525.
Maður leiksins: Viktor Freyr Sigurðsson - Leiknir
Byrjunarlið:
1. Viktor Freyr Sigurðsson (m)
4. Bjarki Aðalsteinsson (f)
5. Daði Bærings Halldórsson (f)
9. Róbert Hauksson ('57)
10. Kristófer Konráðsson ('75)
11. Brynjar Hlöðvers ('57)
15. Birgir Baldvinsson
17. Gyrðir Hrafn Guðbrandsson
18. Emil Berger
20. Hjalti Sigurðsson
28. Zean Dalügge

Varamenn:
3. Ósvald Jarl Traustason
7. Adam Örn Arnarson ('57)
24. Loftur Páll Eiríksson
30. Davíð Júlían Jónsson
45. Róbert Quental Árnason ('75)
80. Mikkel Jakobsen ('57)

Liðsstjórn:
Vigfús Arnar Jósepsson (Þ)
Sigurður Heiðar Höskuldsson (Þ)
Óttar Bjarni Guðmundsson
Valur Gunnarsson
Gísli Friðrik Hauksson
Davíð Örn Aðalsteinsson
Halldór Geir Heiðarsson
Atli Jónasson

Gul spjöld:
Birgir Baldvinsson ('30)
Daði Bærings Halldórsson ('37)
Zean Dalügge ('67)
Róbert Quental Árnason ('77)
Halldór Geir Heiðarsson ('90)
Bjarki Aðalsteinsson ('92)

Rauð spjöld:
Leik lokið!
VILHJÁLMUR FLAUTAR LEIKINN AF, FH FÆR EKKI AÐ TAKA HORNSPYRNUNA!

Viðtöl og skýrsla á leiðinni.
96. mín Misnotað víti!
Björn Daníel Sverrisson (FH)
VIKTOR FREYR VER!

Björn setur boltannm fast niður í hægra hornið og Viktor Freyr ver þetta stórkostlega!
95. mín
FH ER AÐ FÁ VÍTASPYRNU!!!

Uppúr hornspyrnunni virðist Óla vera hrint, eftir smá umhugsun bendir Villi á punktinn og allt tryllist hérna.

Björn Daníel ætlar á punktinn en Villi er að róa mannskapinn hérna.
94. mín
Kiddi Freyr í frábæru skotifæri og hamrar á markið en Gyrðir skallar boltann rétt yfir og Viktor Freyr var farinn af stað.
92. mín Gult spjald: Bjarki Aðalsteinsson (Leiknir R.)
Brýtur á Mána á miðjum vellinum og potar boltanum svo í burtu.
90. mín
Fimm mínútum bætt við!

Fáum við sigurmark?
90. mín
OLIVER HEIÐARSSON!

Máni gerir fáránlega vel og kemur Oliver í gegn hægra megin sem er í góðri stöðu og með þrjá kosti með sér en tekur skotið og Viktor ver.

Eiður Smári vel pirraður á bekknum.
90. mín Gult spjald: Halldór Geir Heiðarsson (Leiknir R.)
Donni eitthvað að æsa sig.
89. mín
Róbert með fyrirgjöf í varnarmann sem hrekkur til Adams sem hamrar boltann í teiginn en FH-ingar fyrir öllu.
88. mín
Leiknismenn talsvert líklegri til þess að setja sigurmarkið hérna.

Fá hornspyrnu núna sem Emil Berger tekur og Óli Gumm skallar frá.
86. mín
Enn ein hornspyrna Leiknismanna.

Berger sendir fyrir, Zean nær skallanum og boltinn af Gumma Kri og í horn hinumegin.
83. mín
Mikkel að kljást við Óla Gumm úti hægra megin og sækir hornspyrnu.

Berger með boltann fyrir og endar hann hjá Birgi sem reynir annað skot en í varnarmann.
81. mín
Leiknismenn með góða sóknarlotu, Birgir Baldvins tekur svo sleggju af 25 metrunum sem Atli Gunnar ver með smá herkjum og Zean er hársbreidd frá því að koma boltanum inn.
79. mín
Leiknismenn fá horn sem fellur fyrir fætur Adams fyrir utan teig sem tekur skotið og af varnarmanni í horn hinumegin.

Emil Berger tekur spyrnuna beint á kollinn á Kidda Frey.
77. mín
Langur inn á teig frá Birni, FH vinnur fyrsat boltann sem fellur svo fyrir Lennon sem tekur við honum og skýtur en boltinn af varnarmanni og í horn.

Björn Daníel tekur hornið líka, boltinn í þvögu og þaðan til Kidda sem tekur skotið, svo reynir Lennon bakfallsspyrnu og boltinn í hönd Leiknismanns en Villi flautar aukaspyrnu fyrir Leikni við litla hrifningu Venna og Eiðs Smára.
77. mín Gult spjald: Róbert Quental Árnason (Leiknir R.)
Brot á Kidda Frey á miðjum vellinum.
75. mín Gult spjald: Ástbjörn Þórðarson (FH)
75. mín
Inn:Róbert Quental Árnason (Leiknir R.) Út:Kristófer Konráðsson (Leiknir R.)
74. mín
Vuk snuddar boltann utanfótar í gegnum vörn Leiknismanna í hlaup hjá Oliver sem er hársbreidd frá því að komast í boltann á undan Viktori en markvörðurinn gerði hrikalega vel í að bjarga þessu!

Vuk heimtaði víti en Villi getur ekki gefið tvö...
73. mín
Mikkel og Hjalti Sig leika skemmtilega saman inn á teiginn og Mikkel nær laumuskoti sem lekur rétt framhjá!
71. mín
Gummi kemur aftur inn vel vafinn.
70. mín
Gummi Kri þarf að fara útfyrir völlinn, úmbuðirnar héldu ekki frá höfuðhögginu áðan.

Gestirnir manni færri um stund.
69. mín
Leiknismenn spila sig vel upp hægra megin og boltinn svo tíaður út á Hjalta sem er lengi að koma sér í skotið, sem fer í varnarmann og í horn.

Spyrnan send út á Jakobsen sem tekur lélega fyrirgjöf og FH-ingar hreinsa.
67. mín Gult spjald: Zean Dalügge (Leiknir R.)
Brot á miðjum vellinum.
66. mín
Inn:Vuk Oskar Dimitrijevic (FH) Út:Úlfur Ágúst Björnsson (FH)
Lennon færir sig fram og Vuk á kantinn.
66. mín
Inn:Kristinn Freyr Sigurðsson (FH) Út:Matthías Vilhjálmsson (FH)
65. mín
Adam Örn fær boltann hægra megin og reynir fyrirgjöf, fær boltann aftur og leggur boltann út á Berger sem hamrar yfir.
61. mín
Gummi Kri með geggjaðan bolta upp í hægra hornið fyrir Oliver sem smellir boltanum fyrir og Gyrðir tæklar boltann næstum upp í skeytinn, en í horn fór hann!

Björn Daníel með spyrnuna sem Viktor kýlir frá.
59. mín
Mikkel fær boltann við teiginn og reynir að smyrja hann í fjær en yfir fór boltinn.
58. mín
Leikurinn er farinn af stað aftur.

Leiknismenn gerðu taktíska breytingu og eru komnir í fjögurra manna varnarlínu.
57. mín
Inn:Mikkel Jakobsen (Leiknir R.) Út:Brynjar Hlöðvers (Leiknir R.)
57. mín
Inn:Adam Örn Arnarson (Leiknir R.) Út:Róbert Hauksson (Leiknir R.)
54. mín Gult spjald: Guðmundur Kristjánsson (FH)
Gummi Kri og Róbert Hauks skalla saman í einvígi á miðjunni, Leiknismenn halda boltanum og bruna upp, Villi beitir hagnað en FH-ingar tryllast og vilja að leikurinn sé stoppaður vegna höfuðmeiðsla en Leiknismenn halda sókninni áfram og boltinn sendur fyrir en Atli Gunnar handsamar boltann, þá stoppar Vilhjálmur Alvar leikinn og spjaldar Gumma Kri þegar búið er að hlúa að honum og Róberti.
53. mín
Lennon með skot sem fer framhjá.
52. mín
Björn Daníel með þessa spyrnu sem Viktor slær í innkast.
52. mín
Lennon reynir fyrorgjöf en Gyrðir setur boltann í horn.

Davíð sendir boltann fyrir og Viktor slær í horn hinumegin frá.
48. mín Misnotað víti!
Steven Lennon (FH)
LENNON SMELLIR BOLTANUM Í SLÁNNA!

Gullið tækifæri til að skora hundraðasta markið í tvöhundruðasta leiknum í efstu deild en Lennon virðist bara ekki getað skorað...
47. mín
VILHJÁLMUR ALVAR ER AÐ DÆMA VÍTASPYRNU OG VIÐ FYRSTU SÝN ER ÉG ORÐLAUS!

Oliver sendir boltann fyrir markið á Lennon sem gerir tilraun en hittir boltann varla og fellur við, Villi flautar svo bara og bendir á punktinn.
46. mín
Daði setur seinni hálfleikinn af stað!
45. mín
Hálfleikur
Villi flautar af.

Alltilæ ekki gott fyrri hálfleikur, fáum vonandi aðeins meira púður í þetta í seinni.
45. mín
+1

ÚLFUR ÁGÚST!

Oliver fær boltann í gegn frá Birni, rennir boltanum út í teiginn á Úlf sem hamrar boltann rétt yfir markið.

Klaufi að koma FH ekki yfir þarna.
45. mín
Vá, Ástbjörn með geggjaða tilraun við teiginn sem stefnir upp í samskeytin fjær en Gyrðir fær boltann í bakið!

Leiknismenn bruna svo upp þar sem Zean fer illa með Eggert Gunnþór og kemur sér inn á teiginn en á slaka snertingu sem rennur beint til Atla Gunnars.
41. mín
Góð sóknarlota hjá FH sem endar með fyrirgjöf frá Oliver í Binna og í horn.

Björn Daníel tekur spyrnuna í stutta útfærslu og fær hann aftur, rosalega slök tilraun.
39. mín
Stuðningsmenn FH kölluðu áðan að Emil Berger "you fat bastard".

Hélt við værum komin lengra árið 2022 en að vera með fitufordóma við lýði.
38. mín
Lennon fær boltann við teiginn og lætur vaða en yfir fór boltinn!
37. mín Gult spjald: Daði Bærings Halldórsson (Leiknir R.)
Oliver kemst inn í lélega sendingu til baka á miðjum vellinum og potar honum í gegn og fer á ferðina, Daði klókur og togar hann niður, hárrétt gult.

Guddy heimtaði reyndar rautt en það var ekki fræðilegur.
32. mín
Úffff Eggert Gunnþór heppinn, Zean er að taka gott hlaup á bakvið vörn FH og Birgir smellir boltanum í svæðið en Zean fellur um Eggert og ekkert dæmt, fannst þetta pjúra brot á hættulegum stað og gult á Eggert, Siggi Höskulds gjörsamlega tapar sér yfir þessu og það réttilega, sjaldan séð önnur eins viðbrögð en Egill Arnar skilur tilfinningar og er ekkert að panta nein spjöld á bekkinn.

Stuttu seinna biður Siggi hann Egil svo afsökunar, frekar absúrd moment!
30. mín Gult spjald: Birgir Baldvinsson (Leiknir R.)
Ástbjörn er að bruna fram í skyndisókn og Birgir brýtur á honum og fær réttilega gult spjald.
29. mín
Leiknismenn fá enn eina hornspynuna, nú tekur Kristófer Konráðs og Binni Hlö nær fyrsta skallanum en FH-ingar koma honum svo frá.
25. mín
FÆRI!

Loksins smá rispa frá Leiknismönnum eftir kröftuga byrjun, Hjalti neglir boltann fyrir og Zean reynir að stýra honum á markið en yfir fer hann af stuttu færi, langbesta færi leiksins.
22. mín
FH-ingar fá aukaspyrnu úti hægra megin sem Björn Daníel sendir fyrir en Leiknismenn vinna fyrsta, annan og þriðja boltann!
20. mín
Nú fá FH-ingar horn, Davíð sendi boltann fyrir og Binni Hlö skallaði afturfyrir.

Björn Daníel með spyrnuna sem Óli Gumm flikkar afturfyrir sig en Leiknismenn koma hættunni frá.
18. mín
Leiknismenn fengu hornspyrnu sem Berger tók, FH-ingar komu boltanum útúr teignum og aftur á Berger sem setti boltann aftur fyrir og hætta skapaðist en FH-ingar björguðu.
16. mín
FH-ingar aðeins að vinna sig betur inn í leikinn og áttu nú góða sóknarlotu sem endar með skoti frá Davíð en Viktor ver.
9. mín
Úlfur Ágúst kassar boltann niður á Oliver sem fer framhjá Binna Hlö og tekur sprettinn upp hægri kantinn en Gyrðir kemur til bjargar.

Álitlegt áhlaup gestanna og mjög vel framkvæmt hjá Úlfi.
8. mín
Fyrirgjafaflóð í gegnum vítateig FH-inga en engin marktækifæri verða til.
6. mín
Leiknismenn fá fyrstu hornspyrnu leiksins.

Berger smellir boltanum fyrir og Binni Hlö vinnur fyrsta boltann og Atli Gunnar handsamar boltann áður en Zean að mér sýndist kemur honum inn.
5. mín
Leiknismenn byrja ágætlega og eru með góðan stuðning úr stúkunni.

Fyrirgjöf frá hægri sem fer í klafs inná teignum og afturfyrir, Leiknismenn vilja horn en FH-ingar markspyrnu og markspyrna verður það.
1. mín
Lið Leiknis - 3-5-2:
Viktor
Bjarki, Gyrðir, Binni Hlö
Hjalti, Emil, Daðil, Kristófer, Birgir
Zean, Róbert
1. mín
Lið FH - 4-2-3-1:
Atli Gunnar
Ástbjörn, Eggert, Gummi, Óli Gumm
Matti Villa, Björn Daníel
Oliver, Davíð, Lennon
Úlfur Ágúst
1. mín
Leikur hafinn
Steven Lennon sparkarr sinn 200. A-deildar leik í gang.
Fyrir leik
Liðin ganga út til vallar undir ''The Ghetto'' með Elvis.

Bjarki fyrirliði Leiknismann vinnur hlutkestið og velur sér að byrja á að sækja í átt að Æsufellinu, það þýðir að FH-ingar byrja með boltann.
Fyrir leik
Liðin hafa lokið upphitun og eru komin inn til búningsklefa.

Það er aðeins af fólki að týnast á völlinn og Bjarnólfur er búinn að kveikja í grillinu.
Fyrir leik
Byrjunarliðin eru komin inn hér til hliðar, Viktor Freyr snýr aftur í mark heimamanna og Davíð Snær fær tækifærið í tíunni á kostnað Kidda Freys hjá FH eftir mjög góða innkomu gegn KA á fimmtudaginn.
Fyrir leik
Fyrri leik liðanna í Kaplakrika lauk með 1-1 jafntefli.

Staða liðanna í deildinni er þannig að FH er í 10. sæti með 15 stig og Leiknir er í 12. sæti með 13 stig.
Fyrir leik
Vilhjálmur Alvar fær það verðuga verkefni að flauta þennan leik.
Honum til aðstoðar verða Gylfi Már og Bergur Daði.
Egill Arnar er svo fjórði dómari.

Fyrir leik
Það er óhætt að segja að þessi leikur sé gríðarlega mikilvægur fyrir bæði lið, en að óvenjulegum sökum fyrir FH-inga þar sem þeir eru að berjast í bökkum við Leikni, ÍA og ÍBV á fallsvæðinu.
Fyrir leik
Góðan daginn kæru lesendur og verið velkomin í beina textalýsingu frá leik Leiknis og FH!
Byrjunarlið:
32. Atli Gunnar Guðmundsson (m)
2. Ástbjörn Þórðarson
4. Ólafur Guðmundsson
6. Eggert Gunnþór Jónsson
7. Steven Lennon
9. Matthías Vilhjálmsson (f) ('66)
10. Björn Daníel Sverrisson (f)
11. Davíð Snær Jóhannsson
16. Guðmundur Kristjánsson
22. Oliver Heiðarsson
33. Úlfur Ágúst Björnsson ('66)

Varamenn:
1. Gunnar Nielsen (m)
3. Haraldur Einar Ásgrímsson
8. Kristinn Freyr Sigurðsson ('66)
17. Baldur Logi Guðlaugsson
23. Máni Austmann Hilmarsson
29. Vuk Oskar Dimitrijevic ('66)

Liðsstjórn:
Eiður Smári Guðjohnsen (Þ)
Sigurvin Ólafsson (Þ)
Ólafur H Guðmundsson
Róbert Magnússon
Fjalar Þorgeirsson
Jóhann Ægir Arnarsson
Jóhann Emil Elíasson
Heiðar Máni Hermannsson

Gul spjöld:
Guðmundur Kristjánsson ('54)
Ástbjörn Þórðarson ('75)

Rauð spjöld: