Byrjunarliðin eru klár

Víkingar gera fimm breytingar á sínu liði frá jafnteflinu gegn KA en inn koma Erlingur Agnarsson, Helgi Guðjónsson, Halldór Smári Sigurðsson,Júlíus Magnússon og Karl Friðleifur Gunnarsson fyrir þá Kyle McLagan, Oliver Ekroth, Pablo Punyed, Arnór Borg Guðjohnsen og Birnir Snær Ingason.

KR gerir þá eina breytingu á sínu liði sem sigraði Breiðablik í síðustu umferð en inn kemur Pálmi Rafn Pálmason fyrir Aron Þórð Albertsson sem tekur út leikbann.

Miðverðir Víkings í banni
Miðverðir Víkings, Kyle McLagan og Oliver Ekroth, eru báðir í banni vegna uppsafnaðra áminninga. Hjá Vesturbæjarliðinu tekur Aron Þórður Albertsson út bann.

Dómari ársins með flautuna

Jóhann Ingi Jónsson heldur utan um flautuna í kvöld en hann var valinn dómari ársins 2022 af Fótbolta.net. Annað árið í röð hlýtur hann þessa viðurkenningu. Honum til aðstoðar í kvöld verða þeir Jóhann Gunnar Guðmundsson og Gylfi Már Sigurðsson.
Arnar Þór Stefánsson verður á skiltinu og til taks ef eitthvað skyldi koma uppá.

Gylfi Þór Orrason er svo eftirlitsdómarinn okkar í kvöld.

Kristall Máni Ingason efnilegastur

Uppgangur Kristals Mána Ingasonar hefur verið frábær og þessi tvítugi leikmaður skemmti áhorfendum Bestu deildarinnar með fótboltahæfileikum sínum áður en hann var seldur út til norska félagsins Rosenborg.

Efnilegastur 2022 - Tók skref baka til að taka heljarstökk áfram https://t.co/XvvbjPWC5j

— Fótbolti.net (@Fotboltinet) October 22, 2022

Víkingar eiga tvo fulltrúa í liði ársins

Um helgina opinberaði Fótbolti.net lið ársins í Bestu deild karla en þar eiga Víkingar tvo fulltrúa. Það eru vinsti bakvörðurinn Logi Tómasson og miðjumaðurinn og fyrirliði Víkigna Júlíus Magnússon.

Fyrri leikir liðana í sumar

Þessi lið mættust fyrst í sumar á KR velli 1.Júlí þar sem Víkingar höfðu betur með þremur mörkum gegn engu. Nikolaj Hansen, Pablo Punyed og Halldór Smári Sigurðsson skoruðu mörk Víkinga í þeim leik.

Liðin áttust svo við í 8-liða úrslitum Mjólkurbikarsins í fjörugum leik 18.Ágúst þar sem Víkingar höfðu betur 5-3.
Víkingar komust yfir með mörkum frá Erlingi Agnarssyni og Birni Snæ Ingasyni áður en Theodór Elmar Bjarnason kom KR á blað. Ari Sigurpálsson kom Víkingum svo í 3-1 en KR komu tilbaka og jöfnuðu með mörkum frá Atla Sigurjónssyni og Sigurði Bjart Hallssyni og stefndi allt í framlengingu þar til Helgi Guðjónsson og Sigurður Steinar Björnsson kláruðu leikinn fyrir Víkinga.

Liðin mættust svo í lokaumferð Bestu deildarinnar fyrir úrslitakeppni 17.September þar sem þau skildu jöfn 2-2.
Víkingar komust í 2-0 með mörkum frá Ara Sigurpálssyni og Erlingi Agnarssyni en KR sýndu karakter og komu sterkir tilbaka og náðu að jafnaði metinn með mörkum frá Ægi Jarl Jónassyni og Arnóri Svein Aðalsteinssyni.

Þessi leikur er síðasti leikurinn í 4.umferð úrslitakeppni Bestu deildarinnar og jafnframt sá næst síðasti á þessu tímabili.
Mótið er allt nema búið en það er svolítið síðan að ljóst var hvernig efri hluti úrslitakeppninnar hefði spilast.
Breiðablik eru Íslandsmeistarar, Víkingar og KA fara í evrópukeppni á næsta ári og KR, Valur og Stjarnan reka svo lestina.

Heil og sæl lesendur góðir og verið hjartanlega velkominn í þráðbeina textalýsingu frá Heimavelli hamingjunnar þar sem heimamenn í Víking taka á móti KR.