Ungir menn að spreyta sig Gaman að sjá í báðum byrjunarliðum að Fjölnismenn eru með tvo leikmenn fædda 2004, þá Júlíus Júlíusson, Daníel Ingvarsson svo Árna Stein sem er 2003. Hjá Blikum er Ágúst Orri (2005) að byrja, verður gaman að fylgjast með þessum strakum í dag.

Sæmilegi bekkurinn hjá Blikum Davíð Ingvarsson kemur inn í hóp Blika en hann fór i aðgerð á ökkla 1.mars. Damir, Viktor Karl, Patrik J, Jason Daði, Ágúst Eðvald

Þetta er alvöru bekkur.

Nýju mennirnir fá að spreyta sig Talandi um Tweet-ið hjá Óskari Hrafni þá verða tölurverðar breytingar frá liðinu sem byrjaði gegn Val. Alex Freyr, Oliver Stefáns, Kleiment Olsen, Eyþór Wöhler, Ágúst Orri og að ég held, Stefán Ingi eru allir að byrja sinn fyrsta alvöru leik fyrir Blika í dag. Verður mjög áhuagvert að fylgjast með hvernig samspil Blika verður í þessum leik.

Gamla góða Egilshöllin... Aðstæður dagsins eru í umdeildari kantinum. Þar sem að Extra-völlurinn er ekki klár á þessum tíma árs þá verður leikið í Egilshöllinni, það fyrsta sem menn hugsa líklega þegar þeir heyra "Egilshöllin" er krossbandslit og það er spurning hvort menn fara eitthvað varkárir inn í leikinn með það á bakvið eyrað, það er spurning.

Fjölnismenn líta vel út Ég hef heyrt frá ýmsum stöðum frá leikmönnum í Lengjudeildinni að Fjölnismenn líta virkilega vel út hef heyrt meira að segja orðið "Scary" þannig ég hlakka til að sjá hvernig Fjölnismenn mæta til leiks í dag.

Blikar fengu sjálfstrausts-sprautu á Hlíðarenda Eftir slysið, ef svo má kalla gegn HK í fyrstu umferð gerðu Blikar sér lítið fyrir og unnu góðan og mikilvægan 0-2 sigur gegn Völsurum þannig trúi ekki öðru en að Blikar komi bara fullir sjálfstrausts inn í þennan leik.

Fjölnismenn fengu notalegan drátt í 64-liða Fjölnismenn fengu ekkert sérstaklega erfiðan drátt í 64 liða úrslitum þar sem að þeir fengu lið Kríu frá Seltjarnarnesi, mótspyrnan var ekki mikil og enduðu leikar 0-10 fyrir Fjölnismenn, gaman að sjá að í þeim leik skoraði Árni Steinn Sigursteinsson 4 mörk, strákur sem er aðeins 20 ára gamall.

Svona verður lið Blika samkvæmt Óskari Hrafni Það kom líklega mörgum á óvart á mánudaginn þegar að Óskar Hrafn drap niður penna á Twitter, daginn eftir sigurinn 2-0 sigurinn á Val þar sem hann tilkynnti byrjunarliðið. Rosalegt tweet sem fékk mikil viðbrögð.

Byrjunarlið Breiðabliks gegn Fjölni í Mjólkurbikarnum 19. apríl
Brynjar Atli, Höskuldur, Viktor Örn, Oliver St., Alex Freyr, Oliver Si., Alexander Helgi, Ágúst Orri, Eyþór Aron, Klæmint, Stefán Ingi.

— OskarHrafn (@oskar_hrafn) April 17, 2023

Innanhúsleikur í Mjólkinni Dömur mínar og herrar veriði hjartanlega velkomin í þráðbeina textalýsingu frá Egilshöllinni þar sem að Fjölnismenn fá Breiðablik í heimsókn í 32-liða úrslitum Mjólkurbikarsins.

Þetta verður leikur.