Styttist óðum í leik Liðin eru að ganga til vallar og Lengjudeildin 2023 er að fara af stað

Í beinni á Youtube

Viðtal við Vigfús Arnar, þjálfara Leiknis:

Dómarinn
Elías Ingi Árnason er dómari leiksins. Honum til aðstoðar eru Helgi Hrannar Briem og Rögnvaldur Þ Höskuldsson. Einar Örn Daníelsson er svo eftirlitsmaður KSÍ og tekur út þeirra störf sem og framkvæmd leiksins.

Þróttur
Heimamönnum í Þrótti sem komu upp úr annari deild er spá ellefta sæti.

Þróttur 11.sæti
Þróttarar komnir upp í Lengjudeildina og geta vel komið á óvart í sumar ef þeir ná að spila mikið upp á sína styrkleika, þeir eiga að gefa öllum liðum leik með öguðum varnarleik og vel útfærðum skyndisóknum.

Þjálfarinn
Ian Jeffs er á leið í sitt annað tímabil hjá Þrótti. Hann kom liðinu upp á fyrsta tímabili og núna er verkefnið að halda liðinu uppi í næst efstu deild. Jeffs, sem er fertugur Englendingur, er fyrrum aðstoðarþjálfari íslenska kvennalandsliðsins og var áður en hann tók við Þrótti aðstoðarmaður Helga Sigurðssonar hjá ÍBV. Hann hefur verið á Íslandi frá árinu 2003 þegar hann fyrst gekk í raðir ÍBV.



Styrkleikar: Gríðarlega skipulagt og vel þjálfað lið, eru sterkir varnarlega og leikmenn þekkja sín hlutverk vel, samstilltir og kraftmiklir. Þróttarar verða skipulagðir og skeinuhættir í sumar, eru mjög öflugir í skyndisóknum með eldfljóta leikmenn eins og Izaro Abella, Ernest Slupski, Ágúst Karel og fleiri. Einnig eru þeir að miklu leyti með svipaðan hóp og í fyrra, sterkur kjarni sem hefur spilað saman og náð árangri, þekkja hvorn annan vel.

Veikleikar: Ekki nógu sterkir í að stjórna leikjum með boltann, gætu lent í vandræðum sóknarlega ef lið leggjast aftar og loka svæðum fyrir þeirra eldfljótu menn til að ráðast í. Þeir eru líka ekki með mikla reynslu í liðinu í Lengjudeild, Úkraínumennirnir, Ernest og fleiri lykilmenn hafa ekki spilað þar áður.

Lykilmenn: Miðvörðurinn öflugi Kostiantyn Pikul, sóknarsinnaði miðjumaðurinn Kostiantyn Iaroshenko og fyrirliðinn Sam Hewson. Iaro og Hewson eru gífurlega reynslumiklir og eru mikil gæði í þeim, Hewson var hjá Manchester United í upphafi síns ferils og Iaro var hjá Shakhtar Donetsk.


Komnir
Ágúst Karel Magnússon frá Ægi
Jörgen Pettersen frá ÍR
Njörður Þórhallsson frá KV
Óskar Sigþórsson frá ÍH

Farnir
Alex Baker til Ástralíu
Franz Sigurjónsson á láni til KFS
Miroslav Pushkarov til Slóvakíu
Aron Fannar Hreinsson í ÍR (var á láni frá Fjölni)

Leiknir Breiðhyltingum sem féllu úr Bestu deildinni á síðastliðnu tímabili er spáð fjórða sæti af þjálfurum og fyrirliðum liða í deildinni.

4. Leiknir R.
Leiknisliðið er ótrúlega sterkt og spennandi, margir efnilegir og sprækir ungir strákar í bland við meiri reynslu, gott jafnvægi í hópnum sem getur fleytt liðinu langt.

Þjálfarinn Vigfús Arnar Jósepsson tók við í vetur þegar Siggi Höskulds söðlaði um og samdi við Val. Fúsi vill að liðið sitt spili boltanum með fram jörðinni og er Barcelona hans uppáhaldsfélag í Evrópuboltanum. Hann var aðalþjálfari Leiknis 2018, er uppalinn hjá félaginu og þekkir hvern krók og kima.


Styrkleikar: Heimavöllurinn er og á að vera eitt aðalsmerki Leiknis, það er aldrei auðvelt að labba inn á Ghetto Ground með Elvis Presley í græjunum. Það er gríðarlegt hjarta í félaginu, góður kjarni leikmanna uppalinn og með úrvalsdeildar reynslu.

Veikleikar: Varnarleikurinn er spurningamerki, hafa misst Bjarka Aðalsteinsson sem var algjör lykilmaður og leiðtogi. Gyrðir fór einnig en hann spilaði hlutverk í vörn liðsins í fyrra, Óttar Bjarni þurfti að hætta svo eftir stendur Binni Hlö sem þarf að stýra nýrri og reynsluminni varnarlínu en áður.

Lykilmenn
Brynjar Hlöðvers er reynslubolti og algjör lykilmaður í vörninni, Daníel Finns Matthíasson er kominn aftur heim og á að sjá um að skapa færi fyrir Omar Sowe sem verður í fremstu víglínu.



Komnir
Arnór Ingi Kristinsson frá Val á láni
Daníel Finns Matthíasson frá Stjörnunni (á láni)
Kaj Leo Í Bartalsstovu frá ÍA
Omar Sowe frá New York Red Bulls
Ólafur Flóki Stephensen frá Val (á láni)
Andi Hoti frá Aftureldingu (var á láni)
Patryk Hryniewicki frá KV (var á láni)

Farnir
Adam Örn Arnarson í Fram (var á láni)
Birgir Baldvinsson í KA (var á láni)
Bjarki Aðalsteinsson í Grindavík
Dagur Austmann Hilmarsson í Grindavík
Emil Berger til HB
Gyrðir Hrafn Guðbrandsson í FH
Kristófer Konráðsson í Grindavík (var á láni frá Stjörnunni)
Mikkel Dahl til HB
Mikkel Jakobsen í Vestra
Zean Dalügge til Lyngby (var á láni)

Góðan daginn og verið velkomin á AVIS völlinn á svæði Þróttar í Laugardalnum.

Hér í Þróttheimum tekur Þróttur á móti Leikni í 1. umferð Lengjudeildar karla klukkan 19:15.