Þetta er að byrja! Besta stefið ómar í tækjunum og liðin ganga til vallar. Leikurinn fer að fara að hefjast!

Byrjunarliðin Þróttarar halda sig við sama lið og vann 2-1 sigur á Selfossi. Einnig gera Stjörnukonur engar breytingar á liði sínu sem vann öflugan 1-0 sigur gegn ÍBV.

Þróttarar í possesion á meðan Stjörnukonur æfa skotin

Tuttugu mínútur í leik, liðin eru að hita upp og gera sig til fyrir baráttuna.

Dómaratríóið Arnar Ingi Ingvarsson sér um flaututónleikana í kvöld en aðstoðarmenn hans eru Þórður Arnar Árnason og Guðmundur Valgeirsson. Þetta verður fyrsti leikur Arnars Inga í efstu deild sem aðaldómari á þessu tímabili en hann hefur m.a. dæmt 5 leiki í karlaboltanum á þessu tímabili.

Stál í stál? Spámaður 3. umferðar Bestu deildar kvenna er Óskar Smári Haraldsson, þjálfari kvennaliðs Fram. Óskar spáir því að leikar munu enda í 1-1 jafntefli þar sem Gunnhildur Yrsa mun koma Stjörnunni yfir en Katla Tryggvadótir jafnar síðan fyrir Þróttara eftir einstaklingsframtak.

Óskar hafði þetta að segja um leikinn:

Þróttur 1-1 Stjarnan
„Stórleikur umferðarinnar. Tvö af þremur bestu liðum deildarinnar að spila og þetta verður taktísk skák á milli tveggja sterkustu þjálfara deildarinnar - Nik Chamberlain og Kristjáns Guðmundssonar. Þetta verður lokaður leikur en Gunnhildur Yrsa mun koma Stjörnukonum yfir snemma í seinni hálfleik eftir frábæran undirbúning Sædísar og Anítu Ýrar. Besti leikmaður Bestu deildarinnar - Katla Tryggvadóttir - mun jafna undir lok leiks eftir frábært einstaklingsframtak.“

Stjörnukonur þurfa sigur! Stjarnan byrjuðu tímabilið illa með 1-0 tapi gegn Þór/KA en unnu seinasta leik 1-0 gegn ÍBV. Fyrstu tveir leikir Stjörnunnar hafa báðir farið fram í Garðabænum og er þetta því fyrsti útileikur tímabilsins hjá Stjörnunni. Gunnhildur Yrsa hefur skorað eina mark Stjörnunnar í upphafi móts en mikið hefur verið rætt og ritað um sóknarleik Stjörnunnar sem hefur verið mjög dapur í byrjun þessa tímabils.

Sérfræðingar Fótbolta.net spá Stjörnunni í 1. sæti í sumar en Stjarnan unnu Lengjubikarinn eftir vítaspyrnukeppni gegn Val. Ég er mjög spenntur að sjá hvernig Stjörnukonur koma inn í þennan leik. Þær þurfa nauðsynlega sigur ef þær ætla að byrja tímabilið vel sem er mikilvægt ef maður ætlar að vera meistari.

Þróttarar byrja vel! Þróttarar hafa byrjað frekar vel en þær eru með tvo sigra í tveim leikjum eftir sigra á móti FH og núna seinast gegn Selfossi. Þær geta hoppað í 1. sætið ef þær vinna í dag. En ef Valskonur sigra í kvöld gegn Selfossi þurfa Þróttarar að vinna jafnstóran sigur eða stærri sigur til þess að komast á toppinn. Katla Tryggvadóttir og Freyja Karín Þorvarðardóttir hafa verið sjóðandiheitar í upphafi móts. Þær hafa báðar skorað tvö mörk í tveim leikjum og það verður áhugavert að sjá hvort þær haldi þessari markaskorun áfram í dag.

Þrótturum var spáð í 4. sæti af sérfræðingum Fótbolta.net en þær hafa einmitt unnið sína fyrstu tvo leiki á tímabilinu. Það verður áhugavert að sjá hvernig Þróttarar takast á við Stjörnuna sem er spáð í fyrsta sæti í sumar.

Heil og sæl! Heil og sæl lesendur góðir og verið hjartanlega velkomin í þráðbeina textalýsingu frá AVIS vellinum! Stórleikur umferðarinnar fer hér fram þar sem Þróttarar bjóða Stjörnukonum í heimsókn!