Fyrir leik
Byrjunarliðin eru komin!
Óskar Hrafn Þorvaldsson þjálfari Breiðabliks náði að hreyfa töluvert við hópnum í síðasta leik þar sem þeir unnu 3-0 sigur á Þrótti í Mjólkurbikarnum. Hann gerir því 7 breytingar þar sem Anton Ari kemur aftur í markið og Oliver Sigurjónsson, Damir Muminovic, Höskuldur Gunnlaugsson, Jason Daði Svanþórsson, Stefán Ingi Sigurðarsson og Andri Rafn Yeoman koma allir inn í byrjunarliðið á kostnað Brynjars Atla Bragason, Alex Freys Elísson, Ágúst Orra Þorsteinssonar, Klæmint Olsen, Ágústs Eðvalds Hlynssonar, Davíð Ingvarssonar og Oliver Stefánssonar.

Hallgrímur Jónasson þjálfari KA gat einnig hreyft aðeins við liði sínu í síðasta leik þar sem þeir unnu 3-1 sigur á HK í Mjólkurbikarnum. Hann gerir þó aðeins tvær breytingar á því liði en það er Daníel Hafsteinsson og markvörðurinn Steinþór Már Auðunsson sem koma inn í liðið á kostnað Harley Willard og Kristijan Jajalo.
Eyða Breyta

Fyrir leik
GPL10 spáir!
Breiðablik 3 - 2 KA
Gísli Eyjólfs skorar í öllum stórleikjum, Stefán Ingi bætir svo við og Höskuldur tekur eitt stykki víti í lok fyrri hálfleiks. Danni Hafsteins tekur trylling í hálfleik og fylgir því eftir með marki í byrjun seinni hálfleiks. Bjarni Aðalsteinsson skorar svo fljótlega með harðfylgi en Blikar ná að halda aftur af Ka mönnum og klára 3 stig.
Guðjón Pétur Lýðsson leikmaður Grindavíkur spáir í leikinn
Eyða Breyta

Fyrir leik
Síðustu 10 viðureignir
Þegar skoðað er síðustu 10 leiki þessara liða í deildarkeppni þá hafa Breiðablik unni 7 leiki, KA unnið 1 leik og liðin hafa gert 2 jafntefli. Markatalan er 23-7 Breiðablik í vil sem jafngerir 2,3 mörk fyrir Breiðablik á leik og 0,7 fyrir KA.

29.9.18 Breiðablik 4-0 KA
15.5.19 KA 0-1 Breiðablik
7.8.19 Breiðablik 4-0 KA
5.7.20 KA 2-2 Breiðablik
1.10.20 Breiðablik 1-1 KA
21.8.21 Breiðablik 2-0 KA
25.8.21 KA 0-2 Breiðablik
20.6.22 Breiðablik 4-1 KA
11.9.22 KA 2-1 Breiðablik
8.10.22 KA 1-2 Breiðablik
Eyða Breyta

Fyrir leik
KA menn ekki verið góðir í stórleikjunum
KA situr í 5. sæti deildarinnar eftir að hafa átt köflótta byrjun á mótinu. Þeir hafa unnið 3 leiki, gert 2 jafntefli og tapað 2 leikjum. Leikirnir sem þeir töpuðu var einmitt á móti Víking og Val og þeir voru sérstaklega ósannfærandi gegn Val þar sem þeir töpuðu 4-0.

Hinsvegar unnu KA sinn síðasta leik gegn HK 3-1 og sýndu mikla yfirburði sem gæti gefið þeim byr undir báða vængi. Hallgrímur Mar Steingrímsson hefur verið hættulegasti leikmaður KA manna sumarsins og ef KA ætlar að sigra hér verður hann að vera á sínum besta leik.
Eyða Breyta

Fyrir leik
Breiðablik á sigurgöngu
Eftir að hafa byrjað tímabilið brösulega þar sem þeir töpuðu 2 af fyrstu 3 leikjunum, þá hafa Blikarnir unnið 4 leiki í röð og sitja í 3. sæti. Blikarnir unnu sinn síðasta leik 3-0 gegn Þrótti í Mjólkurbikarnum. Þar gerður Viktor Karl Einarsson, Klæmint Olsen og Stefán Ingi Sigurðarson mörkin.

Stefán Ingi er einmitt markahæsti leikmaður deildarinnar til þessa með 6 mörk.
Eyða Breyta

Fyrir leik
Stórleikur umferðarinnar
Komiði sæl og verið velkomin í beina textalýsingu frá stórleik umferðarinnar en hér munu mætast ríkjandi Íslandsmeistarar Breiðabliks og liðið sem lenti í 2. sæti í fyrra KA.
Eyða Breyta