Níu breytingar frá síðustu deildarleikjum Fjórir leikmenn taka út leikbann í dag, tveir úr hvoru liði. Tómas Bent Magnússon hefur fengið fjögur spjöld í sumar, Eiður Aron Sigurbjörnsson og Finnur Orri Margeirsson fengur rauð spjöld í síðustu umferð og Kjartan Henry Finnbogason var á föstudag úrskurðaður í eins leiks bann.

Hermann Hreiðarsson, þjálfari ÍBV, gerir fimm breytingar á sínu liði frá 4-0 tapinu gegn Stjörnunni í síðustu umferð. Halldór Jón snýr til baka úr banni, Guðjón Ernir, Nökvi Már og Hermann Þór koma inn eftir að hafa verið á bekknum í síðasta leik og Sigurður Arnar snýr til baka úr meiðslum. Sverrir Páll Hjaltested, Filip Valencic og Dwayne Atkinson taka sér sæti á bekknum. Arnar Breki Gunnarsson er þá á bekknum en hann hefur misst af upphafi mótsins vegna meiðsla. Alex Freyr Hilmarsson er fyrirliði ÍBV í fjarveru Eiðs Arons.

Heimir Guðjónsson, þjálfari FH, gerir fjórar breytingar frá tapinu gegn Víkingi. Eggert Gunnþór Jónsson og Kjartan Kári Halldórsson taka sér sæti á bekknum en Vuk Oskar Dimitrijevic er ekki í hópnum eins og Kjartan Henry sem tekur út leikbann. Inn koma Ástbjörn Þórðarson, Gyrðir Hrafn, Steven Lennon og Haraldur Einar. Ólafur Guðmundsson ber fyrirliðaband FH í leiknum.

Heimir býst við erfiðum leik

„Erfiður leikur í Eyjum. Þeir eru erfiðir heim að sækja eins og við höfum séð, þeir unnu Breiðablik. Við þurfum að vera klárir og standa á okkar." sagði Heimir Guðjónsson, þjálfari FH, þegar hann var spurður út í leikinn
.

Hemmi ósammála því að menn séu að missa hausinn

ÍBV hefur tapað þremur leikjum í röð. Í 4-0 tapi gegn Stjörnunni í síðustu umferð fékk Eiður Aron rautt eftir að hafa sparkað í Kjartan Má Kjartansson. Í viðtali fyrir viku síðan var Hermann Hreiðarsson þjálfari ÍBV spurður að því hvort menn væru að missa hausinn í mótlæti?

„Nei, það er langt frá því. Menn þurfa að vera aðeins klókari í þessu greinilega. Sumir komast upp með svona hluti, en við erum ekki að gera það. Við erum klaufar í þessum atriðum. Halldóri Jóni er hrint af einhverjum gæja sem kom þetta ekkert við. Viðbrögðin eru ekki góð. Sama með Eið, hann er að skýla boltanum, hann (Stjörnumaðurinn) hrindir honum þannig að hann er alveg við það að keyra utan í Guy í markinu. Þetta eru viðbrögð sem eru ekki góð. Við þurfum að vera klókari í þessu, vera meira kúl í þessum atvikum. En enginn að missa hausinn," sagði Hemmi.

Jón Ingason er meiddur. Er ÍBV að endurheimta Sigurð Arnar Magnússon úr meiðslum fyrir leikinn gegn FH?

„Það er ekki víst, en það styttist alltaf í hann," sagði Hemmi.

Leikmenn í banni Eiður Aron Sigurbjörnsson fyrirliði ÍBV fékk rautt spjald gegn Stjörnunni og tekur út bann gegn FH í dag. Liðsfélagi hans Tómas Bent Magnússon var einnig úrskurðaður í bann, vegna uppsafnaðra áminninga, en hann er auk þess á meiðslalistanum og hefði því ekki spilað.



FH verður án Finns Orra Margeirsson þar sem hann fékk rautt gegn Víkingi. Kjartan Henry Finnbogason er einnig í banni en aganefnd KSÍ tók hans mál sérstaklega fyrir og var hann dæmdur í eins leiks bann.

Guðjón Pétur spáir Guðjón Pétur Lýðsson spáði í leiki umferðarinnar fyrir Fótbolta.net.

ÍBV 2-2 FH
Þessi leikur fer 2-2 á fallegasta vallarstæði landsins. Þrátt fyrir að völlurinn sjálfur sé hræðilegur þá mun fegurðin í kring trufla FH ingana það mikið að þeir gleyma sér tvisvar og Alex Freyr laumar inn einu og svo kemur Breki Ómars inn og potar öðru. Eiður Aron er í banni og það kostar ÍBV í seinni hálfleiknum og FH skorar 2 mörk til að sækja stigið.
Guðjón Pétur í leik með ÍBV gegn FH.

Leikurinn er í 8. umferð Bestu-deildarinnar en fyrir hann skilja fjögur stig liðin í töflunni.

ÍBV er í 10. sætinu með 6 stig, hafa unnið tvo af sjö leikjum sínum, gegn Breiðabliki heima og Keflavík úti.

FH er í 6. sætinu með 10 stig, hafa unnið þrjá heimaleiki gegn Stjörnunni, KR og Keflavík og gert jafntefli á útivelli gegn Fram.

Dómarateymið Jóhann Ingi Jónsson dæmir leikinnn í dag og er með þá Kristján Má Ólafs og Antoníus Bjarka Halldórsson sér til aðstoðar á línunum. Gunnar Freyr Róbertsson er skiltadómari og KSÍ sendir Þórarinn Dúa Gunnarsson til að hafa eftirlit með umgjörð og frammistöðu dómara í dag.
Jóhann Ingi dæmir leikinn.

Leikdagur í Vestmannaeyjum Góðan daginn og verið velkomin í beina textalýsingu frá viðureign ÍBV og FH í Bestu-deild karla.

Leikurinn hefst klukkan 18:00 á Hásteinsvelli í Vestmannaeyjum.