Byrjunarliðin eru klár Keflavík gerir fjórar breytingar á liði sínu frá síðasta leik gegn Fram en inn koma Axel Ingi Jóhannesson, Magnús Þór Magnússon, Dagur Ingi Valsson og Edon Osmani fyrir Stefan Ljubicic, Gunnlaug Fannar Guðmundsson, Marley Blair og Jordan Smylie.

Stjörnumenn gera þá einnig breytingu á liði sínu frá síðasta leik gegn KR í bikarnum en inn kemur og Baldur Logi Guðlaugsson fyrir Ísak Andra Sigurgeirsson.

Dómarateymið Það verður Helgi Mikael Jónasson heldur utan um flautina í kvöld og honum til aðstoðar verða þeir Egill Guðvarður Guðlaugsson og Kristján Már Ólafs.
Ef eitthvað skyldi útaf bregað meðal dómara þá er Gunnar Freyr Róbertsson varadómari í dag.
Hjalti Þór Halldórsson er þá eftirlitsmaður.

Innbyrðis viðureignir Liðin hafa mæst 48 sinnum í keppnisleikjum á vegum KSÍ samkv. vef KSÍ.

Keflavík hefur 21 sinni(44%) hrósað sigri.
Stjarnan hefur 16 sinnum(33%) hrósað sigri.
Liðin hafa þá í 11 skipti(23%) gert jafntefli.

Spámaður umferðarinnar Guðjón Guðmundsson, Gaupi, er spámaður 11.umferðarinnar.

Keflavík 1 - 1 Stjarnan
Þetta er snúinn leikur. Bæði lið eru í basli. Keflvíkingar eru að mínu viti með slakasta liðið í deildinni til þessa. Þeir þurfa að vinna heimasigur ef þeir ætla ekki að lenda í bullandi basli í sumar. Stjarnan hefur ollið miklum vonbrigðum. Þeir eru með mikið af ungum strákum sem hafa verið að stíga upp og gert fína hluti. Nái ekki Stjarnan stigi eða sigri í Keflavík, þá held ég að þetta verði bullandi basl hjá Stjörnunni í allt sumar. Ég ætla að setja jafntefli á þennan leik.

Keflavík Keflavík hefur átt heldur þungt tímabil og eftir líflega byrjun á mótinu hefur svolítið hallað á ógæfuhliðina.
Keflvíkingum var spáð neðsta sætinu fyrir mót og eins og staðan er í dag eru því miður ágætis líkur á því að svo verði raunin ef þeir fara ekki að sækja stig.
Keflavík eru sem stendur 4 stigum frá öruggu sæti og því fer hvert stig að skipta máli í þeirra baráttu.

Keflavík sóttu sterk stig gegn Val og Breiðalik áður en þeir fengu svo skell gegn Fram í síðustu umferð en þar höfðu Frammarar betur með fjórum mörkum gegn engu.

Keflavík hefur skorað 6 mörk í 10 leikjum í Bestu deildinni til þessa og hafa þessi mörk deilst niður á:

Sami Kamel - 2 Mörk
Stefan Ljubicic - 1 Mark
Viktor Andri Hafþórsson - 1 Mark
Marley Blair - 1 Mark
Dagur Ingi Valsson - 1 Mark

Stjarnan Stjörnumenn hafa líklega valdið mestu vonbrigðum í sumar miðað við væntingar og sitja við fallsvæðið fyrir leikinn í dag.
Stjörnunni var spáð baráttu í efri hluta en eru þegar við nálgumst lok fyrri hluta tímabils stigi frá fallsæti.
Góðu fréttirnar eru þó þær að það er stutt í efri hlutann en HK situr í 6.sætinu aðeins þrem stigum frá.

Stjörnumenn áttu góða síðustu umferð en þeir fóru illa með KA á Samsungvellium og fóru með 4-0 sigur og vænta þess að fara tengja saman sigra og klifra upp töfluna.

Stjarnan hefur skorað 18 mörk í 10 leikjum í Bestu deildinni og hafa þessi mörk deilst niður á:

Ísak Andri Sigurgeirsson - 5 Mörk
Guðmundur Baldvin Nökkvason - 3 Mörk
Hilmar Árni Halldórsson - 2 Mörk
Emil Atlason - 2 Mörk
* Aðrir minna

Besta deildin Besta deildin hefur farið vel af stað og þegar fyrri umferðinni er við það að ljúka lítur staðan svona út:

1.Víkingur R - 28 stig
2.Valur - 23 stig
3.Breiðablik - 23 stig
4.FH - 17 stig
5.KA - 14 stig
6.HK - 13 stig
----------
7.Fram - 11 stig
8.Fylkir - 11 stig
9.KR - 11 stig
10.Stjarnan - 10 stig
11.ÍBV - 9 stig
12.Keflavík - 6 stig

Heil og sæl! Verið hjartanlega velkominn í þessa þráðbeinu textalýsingu frá leik Keflavíkur og Stjörnunnar í 11.umferð Bestu deildarinnar hér á HS Orku vellinum í Keflavík.