Lekmenn ganga inn á völlinn! Þetta fer að byrja!

Tíu mínútur í leik! Það styttist óðfluga í þetta! Flottar aðstæður hér í kvöld. Hægur vindur, skýjað og 15 stiga hiti!

Dómarateymið Helgi Edvard Gunnarson mun dæma leikinn í kvöld. Þórarinn Einar Engilbertsson og Ram Krishna Gurung verða með flöggin.

Fylkir sigraði fyrri leik liðanna Fyrri leikur liðanna í Lengjudeildinni fór fram á wurth vellinum. Þar vann Fylkir sannfærandi 3-0 sigur. Mun Fram næla sér í sigur á heimavelli í kvöld eða mun Fylkir taka mikilvægt skref í átt að Bestu deildinni?

Nýr markvörður Mist Elíasdóttir hefur gengið til liðs við Fram fyrir síðustu leiki tímabilsins þar sem að báðir markmenn Fram, Elaina Carmen og Þóra Rún eru mieddar.Liðið fékk því undanþágu til þess að sækja markmann. Þetta kemur fram á Instagram síðu Fram.

Fylkir Fylkir er í harðri baráttu um að komast upp í Bestu deildina. Fylkir er fyrir leikinn í þriðja sætinu, og eru þremur stigum á eftir HK. Fylkir á hins vegar tvo leiki inni, og getur því náð þriggja stiga forskoti á HK, skyldu þær vinna báða þá leiki. Fylkir er á góðu róli í deildinni og er liðið án taps í síðustu fimm leikjum. Fylkir tók á móti Augnablik í síðustu umferð og vann stórsigur en leikurinn endaði 7-1

Fram Frammar eru nýliðar í deildinni, en þær sigruðu 2. Deild kvenna síðasta sumar. Fram var spáð falli af þjálfurum og fyrirliðum deildarinnar fyrir leiktíðina. En Fram mun halda leik áfram í Lengjudeildinni á næsta ári en liðið er nú orðið öruggt frá fallsæti. Fram tók á móti FHL í síðustu umferð og endaði leikurinn 1-1. Fram er fyrir leikinn með 18 stig og er liðið í 7. sæti

Heil og sæl! Gott kvöld og verið þið hjartanlega velkomin í þessa beinu textalýsingu á viðureign Fram og Fylkis. Leikurinn fer fram á Framvellinum og hefst hann kl 19:15.