Rigning rigning rigning! Það hefur rignt hressilega hér á Akureyri í dag. Þetta verður eflaust skrautlegt allt saman. Útsýnið ekkert sérstakt hér í blaðamannastúkunni sökum rigningarinnar.

Byrjunarliðin - Björn Berg stýrir Stjörnunni Það eru tvær breytingar á liði KA sem tapaði gegn Fram í síðustu umferð. Daníel Hafsteinsson var rekinn af velli í þeim leik og tekur því út leikbann. Þá er Jakob Snær Árnason á bekknum í dag.

Harley Willard og Elfar Árni Aðalsteinsson koma inn í þeirra stað.

Björn Berg Bryde þjálfar Stjörnuna í fjarveru Jökuls Elísabetarsonar sem var að eignast barn. Það er tvær breytingar á liði Stjörnunnar sem sigraði KR í síðustu umferð.

Heiðar Ægisson er ekki með í dag og Henrik Máni B. Hilmarsson fær sér sæti á bekknum. Andri Adolphsson og Jóhann Árni Gunnarsson koma inn í liðið.

Tríóið Þorvaldur Árnason verður með flautuna hér í dag. Egill Guðvarður Guðlaugsson og Ragnar Þór Bender verða honum til aðstoðar. Arnar Ingi Ingvarsson er skiltadómari og Þóroddur Hjaltalín eftirlitsmaður KSÍ.

Stjarnan fékk KA í heimsókn þann 2. júní og valtaði yfir Norðanmenn 4-0. Emil Atlason er markahæstur í deildinni með 12 mörk en hann negldi síðasta naglann í kistu KA í fyrri leik liðanna.

Stjarnan Stjörnuliðið er hins vegar í góðum málum í 4. sæti deildarinnar með 31 stig. Liðið hefur ekki tapað í átta leikjum í röð en síðasti tapleikur liðsins kom gegn toppliði Víkings þann 24. júní.
Jökull verið að gera frábæra hluti

KA Það er búið að vera mikið álag á KA í sumar þar sem liðið komst langt í Evrópukeppni. Því ævintýri er nú lokið og ætla KA menn nú að komast í efri hluta töflunnar áður en 22 leikja mótinu lýkur.

Liðið er með 22 stig í 8. sæti en KR er í 6. sætinu með 28 stig en búið með einum leik meira.

Góðan daginn Verið velkomin í beina textalýsingu frá leik KA og Stjörnunnar í Bestu deildinni. Leikurinn fer fram á Greifavellinum á Akureyri.