Liðin ganga til vallar, ljósin slökkt og HK-lagið í botni. Nú styttist í að þetta hefjist!

Byrjunarliðin komin inn Ómar Ingi gerir tvær breytingar á liði sínu frá síðasta leik.
Þeir Tareq Shihab og Þorsteinn Aron Antonsson koma báðir inn í byrjunarlið HK í stað, Arnþórs Ara og Kristjáns Snæs sem eru báðir í leikbanni.



Rúnar Kristinsson, þjálfari Fram heldur liði sínu óbreyttu frá síðasta leik, þar sem Fram tapaði á dramatískan hátt gegn KA.

Jóhann Páll spáir í spilin Jóhann Páll Ástvaldsson, lífskúnstner og íþróttafréttamaður á Rúv, spáir Fram sigri í dag.

HK 1-2 Fram

,,Rúnar þráir að fara í efri hlutann og skilja KR eftir í neðri. Hann fékk aldrei útileikinn á KR vellinum og er ekkert svo viss um að hann vilji það. Magnús Þórðar og Fred töfra fram sigurinn í sameiningu."

Tveir leikmenn HK í leikbanni Arnþór Ari og Kristján Snær verða ekki með í leikmannahópi HK í dag, þeir eru báðir í leikbanni vegna uppsafnaðra spjalda.

Dæmir sinn fyrsta leik í Bestu deild karla Gunnar Freyr Róbertsson mun dæma sinn fyrsta leik í deildinni en hann er dómari leiksins í kvöld. Gunnar hefur dæmt virkilega vel í Lengjudeildinni í sumar.

Gylfi Már Sigurðsson og Eðvarð Eðvarðsson verða aðstoðardómarar leiksins og Elías Ingi Árnason fjórði dómari.

Staðan HK er í spennandi fallbaráttu, liðið stendur í 12. sæti deildarinnar með jafnmörg stig og Fylkir en lakari markatölu.
Úrslit leiks Vestra og Fylkis voru hagstæð HK en leiknum lauk með markalausu jafntefli.

Framarar eru í harðri baráttu við KA og Stjörnuna um sæti í efri helming deildarinnar fyrir tvískiptingu. Fram er tveimur stigum frá Stjörnunni sem sitja í 6. sæti.

Heimavöllur hlýjunnar heilsar! Gleðilegan fótboltasunnudag lesendur góðir og veriði velkomin í þráðbeina textalýsingu úr Kórnum, þar sem HK tekur á móti Fram í 21. umferð Bestu-deildar karla.