Fyrir leik
Velkomin í beina textalýsingu frá Ólafsvíkurvelli frá leik heimamanna og Breiðabliks!
Eyða Breyta

Fyrir leik
Leikurinn hefur mikla þýðingu fyrir bæði lið.

Heimamenn standa í harðri fallbaráttu og þurfa nauðsynlega á stigi eða stigum að halda í því verkefni að spila áfram meðal þeirra bestu á næsta ári.

Gestirnir í Breiðablik eru í mikilli keppni við Stjörnumenn um þriðja sæti deildarinnar en það sæti tryggir þátttöku í UEFA keppninni á næsta ári. Eftir frábært gengi Blika í þeirri keppni nú í sumar er á hreinu að þá baráttu ætla Kópavogsbúar að vinna!
Eyða Breyta

Fyrir leik
Leikurinn í dag er sjötti leikur á milli liðanna í deildakeppni á vegum KSÍ.

Skemmst frá að segja hafa Blikar unnið alla fyrri leikina fimm og er samanlögð markatala 20-1 þeim í vil.

Svo óhætt er að segja að sagan í þessari viðureign sé með gestunum!
Eyða Breyta

Fyrir leik
Eins og áður bendi ég á helgik.bloggar.is fyrir þá sem vilja fá flotta upphitun Ólsarans Helga Bjargar þar sem hann pælir í viðureign dagsins.
Eyða Breyta

Fyrir leik
Blikar léku síðast á fimmtudagskvöldið á Akranesi en Víkingar voru síðast í eldlínunni fyrir réttri viku í Vestmannaeyjum.

Það verður fróðlegt að sjá hvort að leikjaálagið á þá grænu er farið að taka toll.

Leikurinn í dag er sá fimmtándi frá því þeir lögðu af stað í Evrópuævintýrið sitt 4.júlí.

En vissulega er breiddin í Kópavoginum töluverð!
Eyða Breyta

Fyrir leik
Einhverjar tengingar eru á milli félaganna sem hér að etja kappi.

Stærsta tengingin er klárlega í gegnum framherja Blikanna, Ellert Hreinsson.

Faðir hans er barnfæddur Ólsari og Ellert lék tvö tímabil með Víkingi í 1.deildinni, 2006 og 2007, alls 21 leik og skoraði 9 mörk.

Arnar Már Björgvinsson kom til Víkings á láni frá Breiðablik í vor og lék 4 leiki en hefur nú snúið aftur í Kópavoginn.

Svona utan vallar vill svo skemmtilega til að Damir, hafsent heimamanna, gæti lent í að svara fyrir leikinn í fjölskylduboðum, þjálfari Blika, Ólafur H. Kristjánsson er jú tengdafaðir hans!
Eyða Breyta

Fyrir leik
Dómaratríóið og eftirlitsmenn hafa nú lokið kíkkihringnum sínum í jakkafötunum.

Gunnar Jarl er með flautuna, honum til aðstoðar eru Smári Stefánsson og Óli Njáll Ingólfsson.

Eftirlitsmaður dagsins er Þórður Ingi Guðjónsson og hann tjáði blaðamanni nú rétt í þessu að umræðuefnið á vesturleiðinni hafi verið ótrúleg byrjun ákveðins alrauðs liðs í Englandi þetta haustið.

Við urðum sammála um það að það væri bara fínt að slíta ensku deildinni á mánudaginn!

Sjáum hvort það gerist, en tríóið virtist algerlega tlbúið í slaginn!
Eyða Breyta

Fyrir leik
Tvær breytingar á liði heimamanna frá leiknum í Eyjum.

Guðmundur Magnússon er ekki í hóp í dag og Tena fer á bekkinn.

Í þeirra stað koma inn í byrjunarliðið Kiko Insa og Guðmundur Steinn Hafsteinsson.
Eyða Breyta

Fyrir leik
Þrjár breytingar eru á Blikaliðinu frá leik þeirra á Skaganum.

Guðjón Pétur Lýðsson er ekki í hóp í dag og Gísli Páll og Nichlas Rohde setjast á bekkinn.

Í þeirra stað byrja Þórður Hreiðarsson, Olgeir Sigurgeirsson og Ellert Hreinsson.

Arnar Már Björgvinsson situr á bekknum fyrir Blika og gæti því mögulega leikið gegn liðinu sem að hann náði að leika 4 Pepsileiki fyrir.
Eyða Breyta

Fyrir leik
Guðmundur Magnússon meiddist á æfingu á fimmtudaginn og er því fjarri góðu gamni hér í dag.

Það eru þó ekki alvarleg meiðsl, verður væntanlega klár strax í næstu umferð.
Eyða Breyta

Fyrir leik
Guðjón Pétur meiddist í leiknum á skaganum og er á meðal liðsstjóranna hér í dag af þeim sökum.

Blikar reikna með að fá hann inn strax í næsta leik.
Eyða Breyta

Fyrir leik
Liðin eru komin út að hita. Það virkar frekar svalt fyrir þá sem eru vanir heitara loftslagi. Zato er í buxum, sem og Samuel og síðan Hornfirðingurinn Bjössi. Menn vanir steik!

En Kiko er auðvitað að naglast í stuttbuxunum.

Af Blikum er Troost í síðbuxum og einhverjir virðast hafa brotið upp á þær síðu og því komnir í kvartbuxurnar góðu!
Eyða Breyta

Fyrir leik
Ekki má svo gleyma fatafréttum af þjálfurunum.

Óli Kristjáns sneri við þegar inn á völl var komið, skildi forláta vesti við sig og gíraði sig í þjálfaraúlpuna, sem auðvitað fer stráknum vel.

Gummi Ben er frá Akureyri og hann er með húfu. Enda vitum við það að á Akureyri er alltaf gott veður, algerlega óháð veðri og það útskýrir húfuna hans Gumma!
Eyða Breyta

Fyrir leik
Spænski fáninn er að verða eitt vörumerkja stuðningsmanna Víkinga og hann er mættur á svæðið í fylgd eins dyggasta stuðningsmanns Víkinga, Odds Orra Brynjarssonar.
Eyða Breyta

Fyrir leik
Eitthvað týnist af áhorfendum á völlinn.

Töluverð eggjan er hér í gangi, hörðustu stuðningsmenn heimamanna eru nú á ákveðinn hátt að heimta fleiri með í grimman stuðning úr stúkunni í dag.

Hér áðan birtist rúta með Blikum, en hún virtist vera rétt um hálf, sem er þá ca. 30 manns.
Eyða Breyta

Fyrir leik
Ég leiðrétti hér með fatafærslu Óla K.

Hann er í vestinu INNANUNDIR þjálfaraúlpunni - hvað er það !?!?!?!?!?
Eyða Breyta

Fyrir leik
Allt að verða klár. Verið að negla mörkin niður og greinilega heyrist í flautu Gunnars að kalla leikmenn úr klefunum.

Eyða Breyta

Fyrir leik
Gunnar á Völlum mættur með Fannar sinn.

Nú er að fela allt matarkyns nálægt vellinum!
Eyða Breyta