Halló Reykjavík! Liðin tvö sem mætast í bikarúrslitum á laugardaginn taka upphitun í Pepsi-deildinni í kvöld klukkan 19:15. Við fylgjumst að sjálfsögðu grannt með gangi mála í þessari textalýsingu!

Alls sjö leikmenn eru á hættusvæði og verða í banni í úrslitaleiknum ef þeir fá gult spjald í kvöld. Sóknarmennirnir Kjartan Henry Finnbogason og Gary Martin hjá KR eru á hættusvæði og einnig miðjumaðurinn Farid Zato og varnarmaðurinn Aron Bjarki Jósepsson. Hjá Keflavík eru markvörðurinn Jonas Sandqvist og miðjumennirnir Einar Orri Einarsson og Frans Elvarsson á hættusvæði.

KR er í fjórða sæti með 23 stig en Keflavík í því sjötta með 18 stig. Grétar Sigfinnur Sigurðarson leikur í kvöld sinn 300. leik fyrir mfl. KR. Hann er fjórði KR-ingurinn sem nær þessum áfanga. Grétar lék fyrst með KR í 4-2 sigri á Leikni 18. mars 1999. Hann hefur skorað 32 mörk í leikjunum 299.

Ilmandi rjómablíða hér á KR-vellinum og allt til alls. Dómararnir eru að skoða völlinn og fara yfir netin í mörkunum. Valdimar Pálsson sér um að dæma leikinn en hann hefur alls ekki átt gott sumar, vonandi verður hann samt í gírnum í kvöld.

Andri Karl, blaðamaður Morgunblaðsins, er mættur í fréttamannastúkuna sumarklæddur. Er í sumarfríi en stökk úr því til að tækla þennan leik. Menn gera allt til að vera viðstaddir þennan stórleik.

Fjórir leikmenn KR verða í banni í úrslitaleiknum ef þeir fá gult spjald í kvöld. Sóknarmennirnir Kjartan Henry Finnbogason og Gary Martin hjá KR eru á hættusvæði og einnig miðjumaðurinn Farid Zato og varnarmaðurinn Aron Bjarki Jósepsson. Þeir byrja allir á bekknum.

Keflavík byrjar með Árna Frey Ásgeirsson í markinu en Jonas Sandqvist markvörður og Haraldur Freyr Guðmundsson varnarmaður eru ekki í hóp. Þeir eru báðir á hættusvæði. Einar Orri Einarsson er einnig á hættusvæði en hann byrjar þó í kvöld.

Frans Elvarsson hjá Keflavík er náttúrulega líka á hættusvæði og er skilinn eftir utan hóps. Leiðinlegt þegar bikarinn er farinn að hafa þessi áhrif á deildina en svona er lífið.

Skemmtileg umræða um fótboltamenn í dag. ,,Þetta eru allt vatnsheilar í dag,\'\' segir Bjarni Fel og fræðir menn um að heilastarfssemi leikmanna eins og Neymar sé í lágmarki meðan hann spilar fótbolta.

Bóas, brjálaði stuðningsmaður KR, er að sjálfsögðu mættur í stúkuna og veifar fána eins og hann eigi lífið að leysa. Á meðan eru Þröstur Emilsson og Elli KR-ingur númer eitt að rífast um hvaða tónlist eigi að spila meðan leikmenn hita upp.

Styttist í leik og kominn tími á að menn skili inn spá sinni í fréttamannastúkunni.

Stefán Árni Pálsson, Vísi:
2-0 fyrir KR.

Andri Karl, Morgunblaðinu:
1-1 jafntefli.

Haraldur Árni, Pepsi-mörkunum:
3-1 fyrir KR.

Bjarni Fel, goðsögn:
1-0 fyrir KR.

Þröstur Emilsson, DJ:
3-1 fyrir KR.

Verið er að spila KR-lagið með Bubba Morthens og á sama tíma fær tvífari hans sér sæti í stúkunni. Ekki amalegt.

Fréttamenn eiga erfitt með að lesa hvaða uppstillingu Keflavík er að fara að bjóða upp í kvöld. Það kemur í ljós eftir nokkrar mínútur.

Liðin ganga inn á völlinn. Væri alveg til í að sjá fleiri áhorfendur en eins og venjan er á Íslandi þá fjölgar eftir því sem á líður. Siggi Helga er allavega mættur.

KR-ingar leika með sorgarbönd í kvöld. Birgir Þórisson lést sunnudaginn 3. ágúst 63 ára gamall en hann var ötull stuðningsmaður KR og keppti fyrir KR til margra ára. Fyrir leik er mínútu þögn.

Leikurinn er hafinn - Keflavík byrar með knöttinn en KR-ingar sækja í átt að íþróttahúsi sínu.

Einar Orri Einarsson er í miðverði hjá Keflavík í kvöld og leikur við hlið Arons Heiðdal. Haraldur Freyr Guðmundsson fyrirliði er ekki í hóp í kvöld.

Hjá KR er Gunnar Þór Gunnarsson í miðverði við hlið Grétars.

Jóhann Birnir með frábæra stungusendingu á Theodór sem var að komast einn í gegn en Stefán Logi Magnússon kom á réttum tíma út úr markinu. Theodór fór í Stefán sem þarf aðhlynningu sjúkraþjálfara.

Stefán Logi búinn að jafna sig og heldur áfram leik. Fær lófaklapp að launum.

Almarr Ormarsson með hörkuskot sem Árni í marki Keflavíkur varði í horn! Þarna munaði litlu! Upp úr horninu átti Almarr skot framhjá, hann er áberandi í upphafi leiks.

Óskar Örn með skot af löngu færi en hátt yfir. KR-ingar aðeins bitmeiri í upphafi leiksins.

Þá kemur hættuleg sending hjá Keflavík og Theodór Guðni komst í skotfæri en framhjá fór boltinn. Strax í næstu sókn fékk Atli Sigurjóns fínt skotfæri en laust skot beint á Árna. Líf og fjör.

ÓTRÚLEG ÞVAGA Í TEIG KEFLAVÍKUR! Þetta var magnað að sjá! Gunnar Þór Gunnarsson með skot sem fór í gegnum pakkann en bjargað á línu!

Endre Ove Brenne fékk aðhlynningu sjúkraþjálfara eftir að hafa orðið fyrir höggi. Sjúkraþjálfarinn gefur merki um að bakvörðurinn þurfi að fá skiptingu.

VEL VARIÐ ÁRNI! Baldur með hættulegan skalla sem Árni Freyr náði með naumindum að blaka í horn. Heimamenn hafa áfram að vera hættulegri.

KR-ingar stjórna leiknum og eru meira með boltann en Keflvíkingar eru skipulagðir og bíða átekta.

Léleg hreinsun hjá Keflavík beint á Baldur Sigurðsson sem skaut naumlega framhjá.

Keflvíkingar eru komnir betur inn í leikinn og farnir að færa sig framar. Jafnræði með liðunum þessa stundina.

SLÁIN! Baldur Sigurðsson með skalla eftir hornspyrnu, Keflvíkingur bjargaði á línu með því að skalla boltann upp í slána!

ROSALEGT FÆRI HJÁ KEFLAVÍK!! Hvernig fór Theodór að því að skora ekki þarna! Var fyrir opnu marki eftir frábæran undirbúning hjá Elíasi en skot Theodórs fór í Stefán Loga! Eini staðurinn sem Theodór þurfti að hitta á til að þetta yrði ekki mark. Ótrúlegt færi en markvarslan hjá Stefáni frábær. Tökum það ekki af honum.

Háfleikur - Þessi leikur fór fjörlega af stað og KR-ingar ógnuðu mikið. Gestirnir náðu svo betri völdum á sínu spili og voru nálægt því að skora rétt áður en Valdimar Pálsson blés til leikhlés.

Vantar mikið í lið KR fram á við þegar hvorki Kjartan Henry Finnbogason né Gary Martin eru þarna til að djöflast í andstæðingunum. KR á að geta fundið mun betri takt í sinn leik.

Hverjir voru hvar? Meðal fræga fólksins í stúkunni eru Pepsi-marka kóngarnir Hjörvar Hafliðason og Reynir Leósson, sjálfur Zoran Miljkovic (sem er líklega á öllum leikjunum í kvöld), Ólafur Garðarsson umboðsmaður og Eyjólfur Garðarsson stjörnuljósmyndari.

Seinni hálfleikur er hafinn - KR-ingar sem eru gulklæddir í dag sækja í átt að DHL-höllinni í seinni hálfleik.

Fyrir áhugasama er tískulöggan Sindri Snær í ljósgrænni treyju, hvítum stuttbuxum og ljósgrænum sokkum.

Haukur Heiðar Hauksson með fyrirgjöf frá hægri og Emil Atlason með skalla naumlega framhjá! Þetta færi kveikir aðeins í stuðningsmönnum KR sem sumir voru farnir að geispa í stúkunni.

Keflvíkingar að ógna eftir þetta mark. Sindri markvörður KR í vandræðum og einhverjir Keflvíkingar vildu meina að hann hafi gerst brotlegur en ekkert dæmt!

Jóhann Birnir með eina af slakari aukaspyrnum sumarsins. Var í fínu skotfæri en skóflaði boltanum hátt yfir!

Rólegur leikur núna. KR með öll tök á leiknum. Nákvæmlega ekkert sem bendir til þess að Keflavík komi sér inn í þetta. Ekkert.

Almarr að koma sér í fínt færi en Keflavík bjargar á síðustu stundu. Almarr ákveðinn í að spila sig inn í byrjunarlið KR í úrslitaleiknum á laugardag!

Þegar lítið er í gangi stígur Grétar upp og sýnir skemmtileg tilþrif til að gleðja áhorfendur. Þvílík tækni.

ALMAAARRRR!!! Almarr gerir tilkall til þrennunar, náði skoti á markið en Árni gerði vel að verja. Almarr maður leiksins. Það er klárt mál.

Magnús Þórir Matthíasson með skot í hliðarnetið. Sindri hefur komið við boltann. Horn. Ekkert kemur úr horninu.

Ágætur dómari leiksins flautar hér til leiksloka.