Sanngjarn sigur Dana staðreynd. Viðtöl við leikmenn og þjálfara koma að vörmu spori inn á ykkar Fótbolta.net. Við þökkum fyrir okkur úr textalýsingunni hér í Herning.

Hörður með glæsilega spyrnu sem Schmeichel ver vel!

Ísland fær aukaspyrnu á hættulegum stað fyrir utan teig. Enginn Gylfi Sig inn á vellinum en Hörður Björgvin Magnússon gerir sig líklegan.

Danir líklegri til að bæta við en Ísland að minnka muninn. Vondur seinni hálfleikur hér í Herning.

9194 áhorfendur á vellinum í kvöld.

Jón Daði og Arnór Ingvi að koma inn.

Jóhann Berg í fínu færi en danskur varnarmaður nær að henda sér fyrir skotið. Hornspyrna.

Vó! Birkir Barnason á skot fyrir utan teig sem Kapser slær út í teiginn. Alfreð er að frákastinu þegar hann rennur á vellinum og færið rennur út í sandinn.

Seinni byrjaður. Koma svo!

Hannes og Gunnleifur markverðir með kaffibolla á bekknum. Ögmundur væntanlega að fara að taka 90 mínútur.

Markalaust í leikhléi. Bæði lið átt ágætis marktilraunir en án árangurs.

Ekki ólíklegt að við fáum einhverjar skiptingar í hálfleik.

Danir halda boltanum og Íslendingar verjast mjög aftarlega. Allir leikmenn komnir vel aftur fyrir miðjuboga á eigin vallarhelming.

Nú er það Ísland sem ógnar grimmt! Alfreð með hælspyrnu á Gylfa sem á hörkuskot frá vítateigslínu en Kaper ver út í teiginn. Aron er í baráttu um frákastið og fellur við en ekkert dæmt.

Beint á eftir kemur fyrirgjöf á Kolbein sem er í baráttu við varnarmann en boltinn fer rétt yfir markið. Hornspyrna segir dómarinn.

Lagleg sókn frá íslenska liðinu endar á fyrirgjöf frá Alfreð en Danir ná að hreinsa. Þetta er opið, styttist í mark hér í Herning.

Danir pressa áfram stíft. Fá tvær hornspyrnur í röð sem ekkert kemur út úr.

Yussuf Yurary Poulsen skallar framhjá úr ágætis færi. Danir að ógna þessar mínúturnar.

Danir fá aukaspyrnu um það bil 24 metra frá marki. Christian Eriksen á fína spyrnu en Ögmundur ver í horn.

Henrik Dalsgaard fellur eftir baráttu við Birki Bjarnason og einhverjir heimamenn telja að um vítaspyrnu sé að ræða. Ekkert dæmt, réttilega.

Emil með fyrirgjöf frá hægri sem Alfreð skallar að marki en boltinn beint á Kaper í markinu.

Íslensku stuðningsmennirnir frábærir. Yfirgnæfa Danina á löngum köflum!

Þarna! Flott spil hjá íslenska liðinu sem endar á langskoti frá Gylfa. Kasper Schmeichel slær boltann út í teiginn og Danir hreinsa í horn. Flott sókn!

Pierre Emile Højbjerg kemst framhjá Aroni á miðjunni og leikur í átt að marki. Eftir mikla hvatningu frá áhorfendum ákvað Højbjerg að láta vaða af 25 metra færi. Skotið var fast en Ögmundur kýldi boltann í burtu. Skömmu síðar áttu Danir hættulega fyrirgjöf sem framherjar þeirra voru hársbreidd frá því að komast í.

Völlurinn er rennblautur og grasið er farið að láta á sjá á köflum.

Rólegt yfir þessu í byrjun og ekkert um færi hingað til.

Íslensku áhorfendurnir láta vel í sér heyra í byrjun leiks!

Leikurinn er hafinn!

Mínútu þögn lokið til minningar um fórnarlömb hryðjuverkanna í Belgíu. Bæði lið leika einnig með sorgarbönd í kvöld.

Allir áhorfendur fengu lítinn danskan fána til að veifa. Stemning hjá heimamönnum þegar liðin ganga inn á völlinn.

Leikvangurinn tekur 11.800 áhorfendur í sæti og það er nálægt því að vera uppselt í kvöld. Fyrir aftan annað markið eru einnig stæði þar sem margir Íslendingar hafa komið sér fyrir með nokkra fána frá Íslandi. Alvöru ástríða á ferðinni þar!

Byrjunarliðið farið inn í klefa. Varamenn hita upp með því að skjóta á Hannes í markinu. Arnór Ingvi á skot sem fer yfir markið og endar í höfðinu á dönskum stuðningsmanni fyrir aftan markið. Úps!

Við fáum EKKI að sjá nýju bláu búningana í kvöld. Ísland leikur í hvítum varabúningum.

Tore Hansen frá Noregi sér um að dæma leikinn í kvöld.

Age Hareide hefur tilkynnt byrjunarliðið sem mætir Íslendingum klukkan 19:00.

Danir spila 3-5-2 í kvöld með þá Simon Kjær, Andreas Christiansen og Daniel Agger í vörninni.

Henrik Dalsgaard, leikmaður Zulte Waregem, spilar sinn fyrsta landsleik í kvöld en hann byrjar á vinstri kantinum.

Christian Eriksen, leikmaður Tottenham, er á sínum stað en hann spilar fyrir aftan framherjana Yussuf Yuray og Nicolai Jörgensen.

Byrjunarlið Íslands hefur verið tilkynnt. Haukur Heiðar Hauksson og Hörður Björgvin Magnússon fá tækifæri í bakvörðunum en þeir Birkir Már Sævarsson og Ari Freyr Skúlason byrja á bekknum.

Ögmundur Kristinsson byrjar í markinu en Hannes Þór Halldórsson er á bekknum. Hannes er nýbyrjaður að spila aftur eftir löng meiðsli.

Emil Hallfreðsson kemur inn á kantinn fyrir Jóhann Berg Guðmundsson sem er á bekknum.

Alfreð Finnbogason og Kolbeinn Sigþórsson byrja síðan saman í fremstu víglínu.

Danskir stuðningsmenn voru byrjaðir að mæta á völlinn þegar tveir tímar voru í leik. Hress upphitun í gangi fyrir utan leikvanginn. Menn láta rigninguna ekki á sig fá.

Mínútu þögn verður fyrir leikinn í dag til minningar um fórnarlömbin sem létu lífið í hryðjuverkunum í Belgíu í fyrradag.

Mikið búið að rigna í Herning í dag og smá gola að auki.

Age Hareide stýrir Dönum í sínum fyrsta leik í kvöld. Hann tók við af Morten Olsen í vetur en Morten hafði stýrt Dönum í áraraðir. Hareide spilar líklega með þriggja manna vörn í kvöld en lið hans eru þekkt fyrir að spila beinskeyttan fótbolta.

Kári Árnason er bjartsýnn fyrir leikinn í kvöld. ,,Það er kominn tími til að við vinnum þá. Ég held að við séum í fínu standi til að gera það núna. Ég held að okkar líkur séu finar.\"

Minnum á að nota #fotboltinet í tengslum við leikinn. Syngið með!

Ísland og Danmörk hafa 22 sinnum mæst í A-landsleik en fyrsti leikurinn var á Melavellinum árið 1946.

Danir hafa unnið 18 af þessum leikjum, fjórum sinnum hefur orðið jafntefli og aldrei hefur Ísland náð sigri.

14-2 tapið gegn Dönum árið 1967 er frægt en frá aldamótum hefur íslenska liðið einnig tapað oft gegn Dönum.

Síðustu 5 leikir við Dani
6. október 2001: Danmörk 6 - 0 Ísland
6. september 2006: Ísland 0 - 2 Danmörk
21. nóvember 2007: Danmörk 3 - 0 Ísland
7. september 2010: Danmörk 1 - 0 Ísland
4. júní 2011: Ísland 0 - 2 Danmörk

Aftur á móti sigraði Ísland lið Dana 3-1 í úrslitakeppni EM U21 árs landsliða í Álaborg árið 2011.

Þar voru Aron Einar Gunnarsson, Gylfi Þór Sigurðsson, Birkir Bjarnason, Jóhann Berg Guðmundsson og Kolbeinn Sigþórsson allir í byrjunarliði Íslands en þeir verða í eldlínunni í leiknum í Herning í kvöld.

Mikið veðmálamenning er í Danmörku og fjölmargir veðbankar bjóða upp á vináttuleik Danmerkur og Íslands í kvöld.

Danir eru mun sigurstranglegri hjá veðbönkum en stuðullinn á sigur Dana er á bilinu 1,75-1,85 hjá hinum ýmsu veðbönkum.

Ísland er með stuðulinn 4 og allt upp í 4,70 hjá sumum veðbönkum.

Fótbolti.net heilsar frá Herning í Danmörku.

Hér verður bein textalýsing frá vináttuleik Íslands og Danmerkur á MCH Arena, heimavelli FC Midtjylland, í Herning en leikurinn hefst klukkan 19:00