SKÝRSLAN: Hafnfirsk áminning á Kópavogsvelli
Hvað réði úrslitum?
Sóknargæði FH-inga.
Geggjaður leikur hjá Kristjáni Flóka, Þórarni og Lennon. Blikar réðu einfaldlega ekkert við þá í dag.
Bestu leikmenn
1. Kristján Flóki Finnbogason
Geggjaður leikur hjá framherjanum. Setti mörk og var vel lifandi í öllum sínum aðgerðum. Sívinnandi á allan hátt og lykill í öllu sem FH gerði
2. Gunnleifur Gunnleifsson
Misjafnt gengið hjá meistara Gulla í sumar. Í þessum leik var hann einfaldlega geggjaður og hélt sínu liði inni í leiknum allan tímann.
Atvikið
Á 72.mínútu geysist Gísli Eyjólfs inn í teig FH-inga og fær snertingu og fellur við.
Gunnar mat þetta öxl í öxl við lítinn fögnuð heimamanna.
Hvað þýða úrslitin?
FH eru komnir á kaf í toppslaginn og setjast efst í deildina ef þeir leggja Víkinga úr Ólafsvík í næstu umferð...þó vissulega með fleiri leiki en önnur lið.
Blikar eru einfaldlega að sogast ofaní fallbaráttuna.
Vondur dagur
Bakverðir Blika áttu mjög erfitt, sérstaklega Ernir Bjarnason.
Þeir fengu vissulega ekki mikla varnarhjálp frá vængmönnunum en FH fór stanslaust á bakvið þá í leiknum. Ekki þeirra dagur.
Dómarinn - 9,0
Atvikið mun skipta máli kannski en video dómgæsla er ekki í boði og úr stúkunni fannst mér ákvörðunin rétt. Allt annað hreint og klárt og allar ákvarðanir réttar hjá teyminu.