SKÝRSLAN: Flautumark og úrslitaleikur í verðlaun
Hvað réði úrslitum?
Flautumark Steven Lennon sem var ákveðinn í því að þurfa ekki að fara í framlengingu. Hann með einstaklingsframtaki barðist eins og ljón á 93 mínútu til að skora þetta eina mark sem þurfti til.
Bestu leikmenn
1. Pétur Viðarsson
Pétur átti flottan leik í vörn FH og kom tvisvar í veg fyrir að Leiknismenn kæmust einir á móti marki FH
2. Eyjólfur Tómasson
Markmaður Leiknismanna hélt þeim inni í leiknum í 92 mínútur og ekki hægt að saka hann um þetta mark sem Lennon skoraði.
Atvikið
Flautumark Lennon á 93 mínútu er atvik leiksins. Ef þetta mark hefði ekki komið hefði niðustaðan verið framlenging sem er eitthvað sem FH vildi alls ekki enda eru þeir staddir í erfiðu prógrammi bæði í deild og evrópukeppni.
Hvað þýða úrslitin?
FH fara í úrslit Borgunarbikarsins og mæta þar ÍBV. Eitthvað sem þeim hefur ekki tekist að gera síðan 2010, það er að segja að komast í úrslitaleik bikarsins en þeir unnu þann leik einmitt. Leiknir er dottið úr bikar og geta því einbeitt sér að því að bæta stigasöfnun í Inkasso.
Vondur dagur
Enginn svosem sem átti eitthvað sérstaklega slakan leik. Atli Guðnason hefur þó oft spilað betur.
Dómarinn - 7,5
Solid leikur hjá Þóroddi Hjaltalín