SKÝRSLAN: Blikar eiga montréttinn gegn HK
Hvað réði úrslitum?
Blikar voru sterkari aðilinn nánast allan leikinn og verðskulduðu sigurinn. Eftir að hafa komist í 3-0 voru Blikar klaufar að hleypa leiknum upp í spennu í lokin.
Bestu leikmenn
1. Gísli Eyjólfsson - Breiðablik
Yfirburðamaður á vellinum. Átti stóran þátt í fyrstu tveimur mörkunum. Frábært fyrir Blika að hann hafi gert nýjan samning á dögunum.
2. Brynjar Jónasson - HK
Fæddur markaskorari. Þefar alltaf uppi mörk. Skoraði tvö í dag.
Atvikið
Fyrsta mark leiksins var glæsilegt en það skoraði Davíð Kristján Ólafsson með góðu skoti beint úr aukaspyrnu. Fallegasta mark leiksins.
Hvað þýða úrslitin?
Breiðablik endar í 3. sæti Fóbolta.net mótsins í ár og á montréttinn í Kópavogi í bili.
Vondur dagur
Ólafur Íshólm Ólafsson spilaði seinni hálfleik í marki Blika. Gerði slæm mistök í fyrra marki HK og meiddist síaðn. Gat þó klárað leikinn á endanum.
Dómarinn - 6
Einstaka dómar voru furðulegir og leikmenn beggja liða voru ósáttir á köflum. Egill náði þó að halda ágætis ró á leiknum.