SKÝRSLAN: Aukaspyrna í uppbótartíma fleytir lífi í toppbaráttuna
Hvað réði úrslitum?
Aukaspyrna Olivers í uppbótartíma réði úrslitum svo einfalt er það. Oliver setti hann bara í markmannshornið og Doddi átti greinilega ekki von á því, hann á að verja þetta en tökum ekkert af Oliver.
Bestu leikmenn
1. Andri Rafn Yeoman
Andri var frábær í dag eins og svo oft áður, stjórnaði miðjunni mjög vel og vann öll einvígi og var einnig ógnandi í sóknarleiknum.
2. Birnir Snær Ingason
Frábær seinni hálfleikur hjá Birni Snæ sem var síógnandi og skoraði flott mark. Þurfti því miður að fara útaf í lokin en hann var frábær í dag.
Atvikið
Það er aukaspyrnan aftur, Fjölnir hafði unnið sig aftur inn í leikinn og virtust ætla sigla heim með stig gegn góðu Blika liði en þá kemur þetta sigurmark eins og tuska í andlitið í uppbótartíma.
Hvað þýða úrslitin?
Breiðablik pressar stíft á Stjörnuna og Val og eru í 3.sætinu með 22 stig, þremur stigum frá þeim.
Fjölnir eru í bullandi fallbaráttu með 12 stig í 10.sæti og hafa einungis unnið 1 og tapað 5 í síðustu 6 umferðum.
Fjölnir eru í bullandi fallbaráttu með 12 stig í 10.sæti og hafa einungis unnið 1 og tapað 5 í síðustu 6 umferðum.
Vondur dagur
Tveir menn sem keppa um þennan titil, annar er Þórir Guðjónsson sem var lítið sem ekkert að ógna en hann sleppur í dag þar sem Almarr Ormarsson tekur þennan vafasama titil. Almarr er búinn að vera frábær í sumar, besti maður Fjölnis en hann komst aldrei í takt við leikinn í dag, missti boltann oft og var yfirspilaður á miðjunni. Vondur dagur hjá honum en við vitum að hann kemur sterkur tilbaka.
Dómarinn - 8
Flottur leikur hjá Vilhjálmi, eiginlega bara mjög góður. Man ekki eftir einhverri vitleysu hjá honum og hélt góðu floti á leiknum, ekki erfiður leikur að dæma en steig ekki feilspor.