SKÝRSLAN: Yfirburðir Aftureldingar í Mosfellsbæ
Hvað réði úrslitum?
Mark Samiru skildi liðið að í kvöld, Afturelding átti helling af færum og hefðu mörkin geta verið mun fleiri í kvöld, en þetta eina mark dugði til sigurs.
Bestu leikmenn
1. Samira Suleman
Samira átti frábæran leik á kantinum, mikill hraði og áræðni og hefði getað skorað meira en eitt mark í þessum leik. Skorar markið sem skilur liðin að
2. Hafrún Rakel Halldórsdóttir
Skagastelpur voru í miklum vandræðum með Hafrúnu sem var gríðarlega hættuleg á hægri kantinum og skapaði líklegast mest fyrir þær rauðu í leiknum.
Atvikið
Frábæra Mark Samiru sem skilur liðin að, gefur Aftureldingu frábær 3 stig til að taka með sér inn í næsta leik.
Hvað þýða úrslitin?
Úrslitin þýða einfaldlega að Afturelding er komið 2 stigum fyrir ofan ÍA í töflunni, Skagastelpur eiga hinsvegar einn leik til góða á Aftureldingu og liðin fyrir ofan, sá leikur er gegn unglingaliði Augnabliks og getur ÍA komist í 4. sæti með sigri þar.
Vondur dagur
Framlína ÍA í dag var ekki upp á marga fiska í dag og sköpuðu þær sér rosa lítið í kvöld. Þær þurfa klárlega að vera hættulegari í næsta leik ef skaginn ætlar að ná í úrslit í næstu leikjum.
Dómarinn - 6,5
Stóð sig ágætlega í þessum leik, líklegast rétt dæmt hjá honum að dæma ekki vítin sem skaginn vildi fá, annars var ekki mikið sem hægt er að segja um frammistöðu hans í kvöld.