SKÝRSLAN: Stöngin út hjá Njarðvík er Þróttarar taka öll stigin
Hvað réði úrslitum?
Njarðvíkingar voru einstaklega óheppnir í dag en þeir áttu 3 stangarskot í leiknum og tilkall til vítaspyrnu en á móti kemur að Þróttarar nýttu sín færi betur.
Bestu leikmenn
1. Ivan Prskalo
Var frábær í liði Njarðvíkur og algjör gammur í teignum. skoraði bæði mörk Njarðvíkur í dag eftir að hafa verið fyrstur að átta sig. Var stöðugt að ógna og Þróttarar voru í basli með hann.
2. Daði Bergsson
Var frábær á vinsti væng hjá Þrótti og allar sóknaraðgerðir fóru í gegnum Daða. Njarðvíkingar voru í stöðugum vandræðum með hann en hann lagði upp 2 mörk í dag.
Atvikið
Undir lok leiks hefði Njarðvík hugsanlega átt að fá vítaspyrnu þegar það virtist vera brotið á Kenneth Hogg sem var við það að sleppa einn í gegn en dómari leiksins dæmdi ekki.
Hvað þýða úrslitin?
Þróttarar spyrna sér aðeins lengra frá botnbaráttu meðan Njarðvíkingar eru ennþá í bullandi baráttu og gætu þessvegna verið neðstir í deildinni eftir þessa umferð.
Vondur dagur
Brynjar Freyr Garðarsson tekur þennnan á sig í dag. Átti afleita sendingu úr vörninni sem skapaði sigurmark Þróttara í dag. Var mjög ólíkur sjálfum sér.
Dómarinn - 6
Ef þetta var rétt að horfa framhjá mögulegum vítaspyrnudóm hækkar hann upp í 8 en dregst niður þar sem ég er alls ekki viss. Fyrir utan það atvik er lítið hægt að kvarta yfir dómgæslu í þessum leik.