Fullt af fótbotla í gangi í dag og ég hvet alla sem sjá sig fært að mæta á völlinn að gera það! .net vaktin heldur ykkur svo upplýstum um gang mála á öðrum vígstöðum.

Hjálmar Örn Jóhannsson grínisti er spámaður umferðarinnar en hann spáir markaleik á Rafholtsvellinum í dag.

Njarðvík 3 - 3 Þróttur R.
Kærasti frænku konunnar spilar með Njarðvík og ég er fyrirliði Oldboys Þróttar og því jafntefli sanngjarnt.

Ef við tökum síðustu 5 leiki hafa Njarðvíkingar náð í 3 stig en þeir unnu Víking Ólafsvík í síðasta heimaleik sannfærandi 3-0 eftir að hafa fyrir það tapað 6 í röð. Þá töpuðu þeir naumlega fyrir Þór Akureyri í síðustu umferð 2-1.
Þróttarar hafa fengið 4 stig í síðustu 5 leikjum en þeir töpuðu í síðustu umferð heima fyrir Gróttu 0-1.

Þróttarar standa aðeins betur að vígi fyrir þessa umferð en þeir sitja í 8.Sæti deildarinnar með 14 stig meðan Njarðvíkingar hanga í 10.sætinu á markatölu með 10 stig.
Heimamenn þurfa því sigur í dag annars er hætta á að þeir falli undir rauða strikið þegar umferðin er öll.
Þróttarar dansa á línunni með að blanda sér niður í fallbaráttu en tap í dag gæti fært þá hættulega nálægt þeirri baráttu en með sigri geta þeir spyrnt sér svolítið frá fallsvæðinu.

Þessi lið mættust í fyrstu umferð Inkasso deildar karla fyrr í sumar en þá sóttu Njarðvíkingar stigin þrjú á Eimskipsvöllinn þegar þeir sigruðu 3-2.
Í þeim leik skoruðu Brynjar Freyr Garðarsson, Stefán Birgir Jóhannesson og Bergþór Ingi Smárason mörk Njarðvíkur en Rafael Victor og Aron Þórður Albertsson mörk Þróttara.

Komið margblessuð og sæl og verið hjartanlega velkomin/nn að skjánum. Hér fer fram bein textalýsing frá leik Njarðvíkur og Þróttar frá Reykjavík sem etja kappi í 13.Umferð Inkasso deildar karla.