Fyrir leik
Kvöldið! Hér verður bein textalýsing frá leik Víkings R. og Fylkis en um er að ræða síðasta leikinn í 16-liða úrslitum Borgunarbikars karla.
Fyrir leik
Ólafur Þórðarson, þjálfari Víkings, tekur út leikbann í kvöld gegn sínum gömlu félögum í Fylki. Helgi Sigurðsson stýrir liðinu í hans stað.
Fyrir leik
Reynir Leósson er mættur aftur í leikmannahóp Víkings eftir að hafa tekið út leikbann í síðasta leik. Reynir byrjar á bekknum í kvöld.
Fyrir leik
Víkingur R. sigraði Fjölni 2-0 í 32-liða úrslitunum á meðan Fylkismenn unnu FH í vítaspyrnukeppni þar sem gamla kempan Kristján Finnbogason var hetjan. Kristján er á varamannabekknum í kvöld.
Fyrir leik
Sól og blíða í Víkinni og toppaðstæður.
Fyrir leik
Leikurinn er hafinn!
3. mín
Heimamenn byrja leikinn af meiri krafti og komast nálægt því að skora. Bjarni Þórður Halldórsson kýlir boltann út í teiginn eftir hornspyrnu og Aron Elís Þrándarson fær færi í kjölfarið en Ásgeir Börkur Ásgeirsson bjargar á línu.
8. mín
Björgólfur Takefusa spilar í liði Fylkis í dag þrátt fyrir að vera á láni hjá Árbæingum frá Víkingi.
10. mín
Björgólfur stimplar sig inn. Klobbar varnarmann Víkinga laglega og á þrumuskot utarlega úr teignum sem Magnús Þormar slær síðan út í teiginn. Magnús stendur í markinu í dag eftir að hafa verið á bekknum hingað til í fyrstu deildinni hjá Víkingi.
15. mín
MAAAARK!
Agnar Darri Sverrisson
Hinn 17 ára gamli Agnar Darri nýtir tækifærið í byrjunarliðinu vel með því að skora fyrir Víking. Í kjölfarið á hornspyrnu barst boltinn aftur inn á teiginn þar sem Þorvaldur Sveinn Sveinsson skallaði fyrir markið á Agnar Darra sem átti ekki í vandrðæum með að skora af stuttu færi.17. mín
Víkingar gera sig líklega aftur. Aron Elís á skalla sem Bjarni Þórður slær í horn.
25. mín
Fylkismenn nálægt því að jafna. Tómas Joð á fyrirgjöf sem Björgólfur Takefusa tekur laglega niður. Hann snýr baki í markið og gefur út á Finn Ólafsson sem er í fínu færi en Egill Atlason nær að skalla boltann í horn.
34. mín
Fylkismenn eru meira með boltann en eru lítið að ógna.
41. mín
Leikurinn er hálfgert svefnmeðal í augnablikinu. Fylkismenn halda boltanum löngum stundum en ógna áfram lítið. Víkingar eru sáttir svona.
43. mín
Fylkismenn hársbreidd frá því að jafna! Davíð Þór Ásbjörnsson á þrumuskot fyrir utan vítateig og boltinn fer í slána og út. Þvílík negla!
45. mín
Hálfleikur - Heimamenn leiða 1-0 í leikhléi eftir frekar tíðindalítinn fyrri hálfleik. Agnar Darri Sveinsson skoraði eina markið eftir korters leik. Fylkismenn þurfa að spýta í lófana í síðari hálfleik ef þeir ætla ekki að ljúka keppni í Borgunarbikarnum í ár.
46. mín
Síðari hálfleikurinn er hafinn!
52. mín
Gult spjald
Hjörtur Júlíus Hjartarson
Íþróttafréttamaðurinn Hjörtur Júlíus Hjartarson er fyrstur í bókina í dag. Hann fær gula spjaldið hjá kokkinum Magnúsi Þórissyni fyrir að sparka Ingimund Níels Óskarsson niður. Hjörtur viðurkennir brot sitt fúslega.59. mín
Fylkismenn aftur hársbreidd frá því að jafna. Eftir mikinn darraðadans á vítateignum fær Davíð Þór fínt færi en skot hans fer í stöng og út!
60. mín
InnPatrik Snær Atlason
ÚtAgnar Darri Sverrisson
60. mín
InnSigurður Egill Lárusson
ÚtHjalti Már Hauksson
63. mín
MAAAARK!
Aron Elís Þrándarson (f)
Skrautlegt mark hjá Víkingi. Hjörtur Júlíus Hjartarson á aukaspyrnu af um 25 metra færi en spyrnan er arfaslök og fer í vegginn. Boltinn berst hins vegar á Aron Elís Þrándarson sem er í fínu færi og rennir boltanum framhjá Bjarna Þórði í markinu. 2-0 fyrir Víkingi og útlit fyrir óvænt úrslit hér í Fossvoginum.
66. mín
Gult spjald
Tómas Joð Þorsteinsson
68. mín
InnÁrni Freyr Guðnason
ÚtÁsgeir Örn Arnþórsson
Fylkismenn henda í 4-4-2. Árni Freyr fer upp á topp, Björgólfur í holuna og Davíð Þór fer í bakvörðinn fyrir Ásgeir.
70. mín
Gult spjald
Ásgeir Börkur Ásgeirsson
71. mín
Aukin harka er að færast í leikinn. Patrik Snær liggur eftir í kjölfarið á atviki sem átti sér stað þegar boltinn var annars staðar á vellinum. Magnús dómari tók ekki eftir atvikinu frekar en aðstoðarmenn hans.
74. mín
Þorvaldur Sveinn á skot eftir góðan undirbúning hjá Aroni Elís. Bjarni Þórður ver boltann út í teiginn á Hjört sem skýtur síðan í hliðarnetið úr þröngu færi.
75. mín
MAAAARK!
Árni Freyr Guðnason
Árni Freyr stimplar sig inn með marki. Björgólfur vippar boltanum inn á teiginn þar sem Árni afgreiðir boltann innanfótar á lofti í netið. 2-1 og Fylkismenn komnir aftur inn í leikinn!83. mín
Gult spjald
Halldór Smári Sigurðsson
Halldór Smári í bókina fyrir að tefja.84. mín
InnMagnús Þórir Matthíasson
ÚtIngimundur Níels Óskarsson
84. mín
InnKjartan Ágúst Breiðdal
ÚtJóhann Þórhallsson
Ásmundur Arnarsson gerir tvöfalda breytingu. Fylkismenn hafa nokkrar mínútur til að ná jöfnunarmarki og knýja fram framlengingu.
87. mín
Fylkismenn fá aukaspyrnu nánast við vítateigslínuna en Björgólfur þrumar í vegginn.
88. mín
InnJón Guðbrandsson
ÚtAron Elís Þrándarson (f)
90. mín
Magnús bætir fimm mínútum við. Fylkismenn hafa nægan tíma til að jafna!
91. mín
Gult spjald
Evan Schwartz
94. mín
Leiknum er lokið með 2-1 sigri Víkings, óvænt úrslit í Fossvoginum. Nánar verður fjallað um leikinn hér á Fótbolta.net síðar í kvöld.