Komið þið sæl, það er komið að stærsta leik 16-liða úrslita Borgunarbikarsins. KR mætir Breiðabliki á KR-vellinum.

KR-ingar töpuðu 2-1 þegar þessi lið mættust í deildinni í síðustu viku. Vesturbæjarliðið var langt frá sínu besta en það ber að hrósa Blikaliðinu sem hefur sýnt mikinn stíganda í sumar.

Það verður að sjálfsögðu leikið til þrautar og Fótbolti.net mun fylgjast með hverju skrefi hjá mönnum í kvöld allt til loka.

Dómari leiksins er Þóroddur Hjaltalín Jr. en hann dæmir fyrir Þór Akureyri.

Dr. Sigurður Schram, vallarstjóri KR, er að vökva völlinn. Það er ekkert annað en hágæðavökvun í boði á KR-vellinum. Sólin skín og engin afsökun til að fara ekki á völlinn!

Þá er skýrslan komin fyrir leikinn. Hægt er að sjá byrjunarliðin hér til hliðar.

Tvær breytingar á byrjunarliði KR frá síðasta leik. Emil Atlason kemur inn fyrir Þorstein Má Ragnarsson og Gunnar Þór Gunnarsson fyrir Guðmund Reyni Gunnarsson.

Óbreytt byrjunarlið hjá Breiðabliki frá sigrinum síðasta miðvikudag.

Bæði lið eru að hita upp við taktvísa tónlist vallarþulsins. Atli Sigurjónsson er ekki með KR í kvöld. Væntanlega meiddur. Bókum það allavega þar til annað kemur í ljós.

Endilega takið þátt á Twitter. Notið hashtagið #fótbolti og valdar færslur verða birtar í þessari textalýsinu.

Stundarfjórðungur í leik og allt að verða klárt. Sindri Sverrisson á Mogganum er búinn að gæða sér á KR-borgara og gaf honum 7,5 í einkunn. Ekki amalegt það. Kristján Óli skrifar um leikinn fyrir Vísi og Fréttablaðið, hann spáir leiknum í kvöld 1-2, að Blikar vinni aftur.

Njósnari frá AZ Alkmaar á vellinum í kvöld. Spurning hvort hann sjái einhverja spennandi leikmenn.

Leikurinn er hafinn Blikar sækja í átt að félagsheimili KR. Heimamenn byrja af krafti og vinna hornspyrnu eftir aðeins 20 sekúndur.

Kraftur í KR-ingum hér í byrjun og greinilegt að leikmenn eru æstir í að gera betur en í síðasta leik.

Sverrir Ingi í skallafæri eftir horn en hitti ekki markið. Sverrir skoraði sigurmarkið þegar þessi lið áttust við á miðvikudaginn í síðustu viku.

Blikar eru greinilega fullir sjálfstrausts. Eru að byrja leikinn vel og óhræddir við að spila sín á milli. Eru meira með boltann og þetta er mikið að fara í gegnum Andra Rafn Yeoman á miðjunni.

Kjartan Henry kom á siglingunni og skaut á markið. Ingvar Kale varði.

Pirrandi fyrir Blikana að vera lentir undir. Hafa verið að spila prýðisvel. Þeir þurfa þó ekkert að örvænta, þeir lentu líka undir í síðustu viku en hirtu þá öll stigin.

Grétar Sigfinnur með skalla yfir eftir horn.

Þetta mark hefur gefið KR-ingum byr undir báða vængi, þeir eru með tökin núna. Blikar eru þó ógnandi í sínum aðgerðum og allt opið í báðar áttir.

Kjartan Henry fékk flott færi í teignum eftir aukaspyrnu. Blikar gleymdu sér aðeins í dekkningunni. Kjartan náði ekki valdi á boltanum.

Þorsteinn ekki lengi að koma sér í færi eftir góðan undirbúning Kjartans. Varnarmaður Blika náði að bjarga á síðustu stundu.

Kjartan Henry í baráttunni og þrumaði boltanum af krafti uppí stúku. Hefði ekki verið gott að fá þennan bolta í sig. Kjartan kurteis og biður áhorfendur afsökunar.

Hálfleikur - KR-ingar með forystuna. Menn eru að tippa á að Guðmundur Pétursson komi inn sem varamaður strax í hálfleiknum hjá Blikum. Það hefur verið mikil barátta í þessum leik og nokkur hiti í leikmönnum.

Áhorfendur í sumarskapi. Meðal fólks í stúkunni er uppistandarinn Ari Eldjárn sem er umkringdur kvenfólki.

Seinni hálfleikur hafinn - Engar breytingar á liðunum í hálfleik.

Bæði lið náð að koma boltanum í netið í seinni hálfleik en í bæði skiptin var sóknarbrot í aðdragandum. Rétt dómgæsla hjá Þóroddi.

Blikar hafa ekki enn látið Hannes hafa almennilega fyrir hlutunum. Vantar meira bit fremst. Hljótum að fá Guðmund inn bráðlega.

Gísli Páll Helgason í hörkufæri fyrir Blika! Náði ekki góðu skoti á markið og boltinn hátt yfir.

Blikar eru að færa sig framar á völlinn og eru meira með boltann. Enda eru þeir liðið sem þarf að sækja.

Miðvörðurinn Sverrir Ingi spilar í fremstu víglínu hjá Blikunum síðustu mínútur leiksins.

Leik lokið - KR-ingar verða í pottinum þegar dregið verður í 8-liða úrslitin á morgun. Slatti í gangi í þessum leik. Viðtöl væntanleg innan skamms.