Sæl veriði, hér verður bein textalýsing á Pepsi-deildarleik Fylkis og Breiðabliks. Byrjunarliðin eru komin inn hér til hliðar og mun Kristinn Jakobsson dæma leikinn. Fylkismenn eru í áttunda sæti deildarinnar með tólf stig, en sigur í dag getur fleytt þeim upp í þriðja sæti deildarinnar. Blikar eru stigi ofar en Fylkismenn, í sjötta sæti deildarinnar. Blikar hafa skorað fæst mörk í deildinni en einnig fengið fæst mörk á sig.

Leikurinn er farinn af stað!

Hér byrjar allt á rólegu nótunum. Stuðningsmenn Fylkis láta heyra í sér með trommuslætti.

Þarna mátti ekki miklu muna að Kristinn Jónsson skoraði sjálfsmark. Magnús Þórir með flottan sprett á vinstri vængnum og á góða fyrirgjöf og Kristinn setur fótinn í boltann en Sigmar Ingi var vel á verði í marki Blika.

Kjartan Ágúst Breiðdal með lúmskt skot utan af teig en það hittir ekki á rammann.

Magnús Þórir er líflegur á vinstri kantinum og á aftur hættulega fyrirgjöf fyrir markið en Blikar ná að hreinsa áður en boltinn bærist til Björgólf Takefusa sem lúrði á fjærstönginni.

Það er ekkert að frétta héðan úr Árbænum. Virkilega bragðdaufur leikur hingað til.

Jæja, Tómas Óli kemst í skotfæri en það er laust og Bjarni Þórður á ekki í neinum vandræðum með það í marki Fylkis.

Petar Rnkovic með lausan skalla sem Bjarni grípur.

Kristinn Jónsson í ágætis færi í teignum og á skot á markið en það er beint á Bjarna sem kýlir boltann í burtu.

Hálfleikur! Jæja liðin ganga til búningsherbergja eftir virkilega tíðindalítinn fyrri hálfleik. Vonandi fáum við meira fjör í þeim seinni,

Seinni hálfleikur er hafinn.

Skemmtilegt spil hjá Fylkismönnum og Börgólfur er síðan nánast sloppinn í gegn eftir sendingu frá Magnúsi en móttakan er slæm og Sigmar handsamar knöttinn.

Tómas Óli kemst í gott færi en varnarmenn Fylkis ná að henda sér fyrir skotið.

Bæði lið að skapa sér hættuleg færi á lokamínútunum. Fyrst er Sverrir Ingi of lengi að athafna sér í góðu færi og síðan kemst Jóhann Þórhallson í gott skotfæri eftir góðan sprett en skot hans er varið.

Og aftur komast bæði lið í dauðafæri!! Sverrir Ingi fær annað tækifæri til þess að tryggja Blikum sigur en hann á skot framhjá af suttu færi. Síðan eru heimamenn ansi nálægt sigurmarkinu eftir skógarhlaup Sigmars Inga en varnarmenn Blika bjarga í horn.

Þá hefur Kristinn Jakobsson flautað leikinn af. Fylkir og Breiðablik skilja með 1-1 jafntefli í Árbænum. Umfjöllun og viðtöl eru væntanleg á síðunni innan skamms.