Rafmagnið er komið á og Viðar Helgason eftirlitsmaður er búinn að fá sér sæti í stúkunni. Það verður mjög fámennt en góðmennt á Heimavelli hamingjunnar í kvöld.

Spurning er hver verður með Sölva í hjarta varnarinnar hjá Víkingum. Enginn Kári og þá er Halldór Smári Sigurðsson heldur ekki í hóp. Líklegt er að Viktor Örlygur Andrason sjái um að leysa af í miðverðinum hjá Víkingum.

Á varamannabekk Breiðabliks er Atli Hrafn Andrason sem er nýkominn til félagsins, einmitt frá Víkingum! Óskar Hrafn þjálfaði hann í 2. flokki KR á sínum tíma.

Á varamannabekk Víking er Adam Ægir Pálsson sem kom frá Keflavík til að fylla skarð Atla. Adam leikið vel fyrir Keflavík í Lengjudeildinni í sumar.

Fréttamannaaðstaðan er án rafmagns en það er verið að reyna að kippa því í lag. 20% eftir af rafhlöðunni á tölvunni minni og spenna í loftinu!

Það verður stórskemmtilegur leikur á boðstólnum ef spá Gunnars Birgissonar íþróttafréttamanns rætist.

"Óvenju margir munu taka göngutúr um Fossvoginn á sunnudaginn. Leikur sumarsins hugsa ég. Fjarvera King Hjaltested á grillinu mun reynast Víkingum of þungt högg og Blikar ganga á lagið." segir Gunnar sem spáir 2-4.

Byrjunarliðin eru komin inn.

Brynjólfur Willumsson og Davíð Ingvarsson koma inn í byrjunarlið Blika. Hjá heimamönnum er Kári Árnason meiddur og er skráður í liðsstjórn.

Eins og allir vita er áhorfendabann í gangi í Pepsi Max-deildinni og strangar sóttvarnarreglur. Þessi flotti fótboltaleikur fer því fram við gríðarlega sérstakar aðstæður.

Varnarmaðurinn Damir Muminovic og markaskorarinn Thomas Mikkelsen taka út leikbann hjá Blikum í kvöld. Báðir hafa safnað fjórum spjöldum. Mikkelsen er markahæstur í deildinni en Víkingar þurfa ekki að hafa áhyggjur af honum í kvöld.

Víkingur hefur gert jafntefli í síðustu tveimur deildarleikjum; gegn Stjörnunni og Gróttu. Liðið er í sjöunda sæti.

Breiðablik vann ÍA 5-3 í síðasta leik, rétt áður en boltanum var frestað. Blikar eru sem stendur í sjötta sætinu en með sigri í kvöld fara þeir upp að hlið FH og KR sem eru í 2. og 3. sæti.

Gott og gleðilegt kvöld!

Gómsætur leikur framundan í Maxaranum. Víkingar taka á móti Breiðabliki á Heimavelli hamingjunnar og verður flautað til leiks klukkan 19:15.

Dómari er Erlendur Eiríksson málarameistari en hann er mættur eftir meiðsli og er að dæma sinn fyrsta leik í Maxaranum þetta tímabilið. Dæmdi í bikarnum rétt fyrir Covid frestunina.

Bryngeir Valdimarsson og Sveinn Þórður Þórðarson eru aðstoðardómarar en fjórði dómari er Einar Ingi Jóhannsson.