Elfar Freyr af öllum mönnum að sleppa hérna í gegn en sending Brynjólfs er alltof sein. Í sömu andrá flautar Sigurður Hjörtur til leiksloka. Sanngjarn 2-1 sigur Blika staðreynd.

Tveimur mínútum bætt við.

BRYNJAR GAUTI NÁLÆGT ÞVÍ AÐ SKORA SJÁLFSMARK!!!! Höskuldur kemur á fleygjiferð inní teig og ætlar að renna honum á Thomas. Brynjar Gauti nær að renna sér fyrir og boltinn rétt lekur yfir markið.

Allt að verða vitlaust! Alex dæmdur brotlegur og fylgir eftir með tæklingu á Thomas sem að bregst illa við og ýtir í Alex. Eftir það verða allskonar menn reiðir. Davíð og Halldór Orri fara í bókina.

Thomas Mikkelsen með tilraun eftir að boltinn dettur til hans en skot hans er hátt yfir.

Davíð tekur spyrnuna sem að Höskuldur nær að skalla en er flaggaður rangstæður.

Brynjar Gauti brýtur hér klaufalega á Thomasi rétt við vítateigshornið.

Hilmar rennir honum út á Heiðar sem að reynir fyrirgjöf en Thomas Mikkelsen kastar sér fyrir hana. Boltinn hrekkur svo aftur af Heiðari og aftur fyrir endamörk. Aum tilraun.

Guðjón vinnur hér mjög soft aukaspyrnu sem að Hilmar Árni ætlar að taka.

Aðeins meira líf komið í Stjörnuna eftir þetta mark en bíðum ennþá eftir marktilraun frá þeim.

BLIKAR FÁ VÍTI!!!!! Brynjólfur fer hér illa með Alex sem að tekur hann niður í teignum. Hárrétt.

Þetta er eiginlega alveg drepleiðinlegt hérna. Stjörnumenn gríðarlega þéttir og Blikar eiga fá svör.

Oliver með skot af 25 metrum sem að Halli ver í horn.

Þessar fyrstu mínútur síðari hálfleiks hafa einkennst að því að Blikar sækja og Stjörnumenn koma boltanum frá. Gjörsamlega bara leikið á eitt mark.

Viktor Karl geysist hér upp völlinn og fer illa með Alex Þór. Hann virðist vera kominn í fínt skotfæri en ákveður að reyna að lauma honum á Thomas en sendingin er afleit og sóknin rennur út í sandinn.

Oliver með góðan snúning rétt fyrir utan teig og fínt skot sem að Halli ver vel.

Sigurður Hjörtur flautar hér til hálfleiks á Kópavogsvelli. Allt í járnum í ágætis fótboltaleik.

Einni mínútu bætt við.

Blikar sækja hér hratt. Brynjólfur fær boltann úti vinstra meginn og færir hann yfir á Andra Rafn hægra meginn sem að leggur hann fyrir Viktor Karl við vítateigslínuna. Viktor skýtur að marki en það er beint á Halla í markinu.

GUÐ MINN ALMÁTTUGUR THOMAS MIKKELSEN!!!! Gísli Eyjólfs nær lúmsku skoti rétt fyrir utan teig sem að Halli missir útí teiginn á Thomas sem að er einn fyrir opnu marki en skóflar boltanum yfir. Sjaldséð sjón frá danska markahróknum.

Damir með frábæra fyrirgjöf á Thomas sem að er aleinn en aftur er skalli hans bint á Halla.

Brynjólfur með tilraun langt utan teigs en það er hátt yfir markið.

Damir með fyrirgjöf beint á pönnuna á Mikkelsen en skallinn er laus og beint á Halla.

Thomas Mikkelsen með fína tilraun úr mjög svo erfiðari stöðu en boltinn fer framhjá markinu. Blikarnir líklegri fyrstu tuttugu.

Daníel Laxdal sendir hérna beint á Thomas Mikkelsen sem að skýtur í átt að marki en það er beint á Halla.

Elfar Freyr með langa sendingu inná teig og Thomas er ekki langt frá því að ná að taka boltann niður en touchið svíkur hann aðeins og hann missir boltann útaf.

Sölvi Snær með góða fyrirgjöf sem að bæði Guðjón og Þorsteinn Már missa af.

Stjörnumenn rjúka upp í skyndisókn eftir aðra hornspyrnu Blika sem að endar með misheppnuðu skoti Sölva beint í fangið á Antoni Ara.

Oliver með góðan bolta inní teig sem að Elfar reynir að skalla fyrir en aftur er Daníel Laxdal fastur fyrir og kemur boltanum í horn.

Thomas Mikkelsen kominn hér í fína stöðu eftir frábæra sendingu Olivers en Daníel Laxdal er fljótur að átta sig og rennir sér fyrir hann. Góð vörn.

Stjarnan byrjar.

Þá hlaupa leikmenn inná völlinn hver á eftir öðrum frá allskonar stöðum. Brynjólfur með bleikt og blátt hár í dag. Það er bara glæsilegt.

Byrjunarliðin eru klár. Breiðablik gerir tvær breytingar á liði sínu frá síðasta leik. Oliver Sigurjónsson kemur inn fyrir Höskuld Gunnlaugsson og tekur einnig fyrirliðabandið af honum. Þá kemur Damir Muminovic inn í stað Viktors Arnar Margeirssonar. Stjörnumenn gera einnig tvær breytingar á liði sínu. Guðjón Pétur Lýðsson er á láni frá Breiðablik og er því ekki gjaldgengur í leikinn í dag. Þá kemur Elís Rafn Björnsson einnig út. Þeir Halldór Orri Björnsson og Jósef Kristinn Jósefsson koma inn. Liðin má sjá hér til hliðar.

Jón Þór Hauksson, þjálfari A-landsliðs kvenna, er sérstakur spámaður Fótbolta.net í þessari umferð og þetta hafði hann um þennan leik að segja: Breiðablik 1 - 3 Stjarnan ,,Þetta verður svakalegur slagur. Bæði lið eru í vandræðum eftir slæm úrslit. Mínir fyrrum félagar snúa við blaðinu og taka þetta örugglega. Ævar Ingi kemur inná sem varamaður og setur setur tvö, Hilmar Árni eitt úr víti."

Breiðablik hefur tapað síðustu þremur leikjum sínum, tveimur í deild og einum í bikar, og hafa legið undir talsverðri gagnrýni. Stjörnumenn koma inní þennan leik í kjölfar 5-1 taps gegn Val á heimavelli, en var það fyrsti tapleikur liðsins í deildinni í sumar. Bæði lið hafa því fullt að sanna hér í kvöld.

Bæði lið eru í harðri baráttu um Evrópusæti en heimamenn í Breiðablik eru í 5.sæti með 23 stig á meðan að gestirnir frá Garðabæ eru í 3.sæti með 24 stig. Sannkallaður sex stiga leikur.

Komiði sæl og blessuð lesendur góðir og veriði hjartanlega velkomin í þessa beinu textalýsingu á derby leik Breiðabliks og Stjörnunnar í Pepsi Max-deild karla.