SKÝRSLAN: Fullorðnara liðið vann
Hvað réði úrslitum?
Bæði lið eru löskuð og margir á fjarverulistanum. Víkingar voru meira með boltann en KR-ingar eru með fullorðnara lið, unnu fleiri návígi, voru miklu beittari í sínum aðgerðum og unnu eina tölfræðiþáttinn sem raunverulega skiptir máli: Fleiri mörk skoruð.
Bestu leikmenn
1. Óskar Örn Hauksson - KR
Stoðsending og mark. Auðvelt val.
2. Ægir Jarl Jónasson - KR
Hrikalega duglegur og var að koma sér í flott færi. Hefði átt að skora meira. Guðjón Orri markvörður verður líka að fá hrós.
Atvikið
Atvikin. Tvö atvik. a) KR kemst yfir eftir 35 sekúndur. b) Erlingur Agnarsson á lélega vítaspyrnu sem er varin. Hefði átt að jafna leikinn í 1-1.
Hvað þýða úrslitin?
Hrikalega mikilvæg stig fyrir KR í Evrópubaráttunni og gott svar til að 'hreinsa' upp svekkelsið í leiknum gegn Fylki. Víkingar halda áfram í sama farinu.
Vondur dagur
Gömul saga og ný hjá Víkingum. Þeir eru í rosalega miklu basli með að skora mörk. Mikið með boltann og fengu góð færi, þar á meðal vítaspyrnu. Mótherjarnir eiga svo auðvelt með að koma boltanum í þeirra net.
Dómarinn - 7,5
Pétur með flott tök á leiknum og stóru atvikin rétt.