SKÝRSLAN: Blikar nýttu færin gegn Leikni
Hvað réði úrslitum?
Færanýting liðanna, Blikarnir nýttu sín góðu færi sem þeir fengu meðan Leiknismenn nýttu ekki sín góðu færi. Það skildi liðin af í dag.
Bestu leikmenn
1. Kristinn Steindórsson
Kiddi frábær í dag, var að skapa færi fyrir liðsfélaga sína svo skorar hann fyrsta mark Blika og leggur svo upp fjórða mark Blika
2. Anton Ari Einarsson
Anton var frábær í dag, fengið mikla gagnrýni undanfarin misseri en hann hélt Blikum rosalega oft á floti í leiknum, var öruggur í öllum sínum aðgerðum og varði frábærlega undir lok fyrri hálfleiks sem hefði getað komið Leiknismönnum á bragðið.
Atvikið
Á 25. mínútu rétt áður en Blikar bættu við öðru markinu fer Escobar niður í teignum en Sigurður Hjörtur dæmdi ekki víti, ég hef oft séð dómara dæma víti á svona ef ekki minna og þarna hefðu Leiknir getað jafnað í 1-1 frekar en að lenda 2-0 undir
Hvað þýða úrslitin?
Blikarnir eru í 2. sæti deildarinnar með 22 stig, fimm stigum á eftir Val en eiga leik til góða meðan Leiknir eru í 10. sæti með 11 stig og eru 5 stigum frá fallsæti
Vondur dagur
Fremstu menn Leiknismanna fá "Vondan dag" enda hefði leikurinn getað farið allt öðruvísi ef þeir hefðu nýtt færin sín
Dómarinn - 5
Allt í lagi ekki gott frá tríóinu, þeir litu ekki vel út í atvikinu þegar Guy Smit meiðist en bara svona lala frammistaða í dag