Liðin hafa lokið sinni upphitun og halda til búningsklefa. Veðrið í Mosfellsbæ er fínt, skýjað og 14 stiga hiti. Vel vökvað gervigras þökk sé vallarstjóranum Patrik Elí og því ekki yfir neinu að kvarta!

Góða skemmtun!

Kristófer Óskar Óskarsson og Arnór Gauti Ragnarsson eru markahæstu leikmenn Aftureldingar í sumar með 8 mörk hvor. Hjá Vestri er Pétur Bjarnason markahæstur með 9 mörk í sumar. Þessir leikmenn munu eflaust setja sitt mark á leikinn í dag enda allir að byrja leikinn.

Byrjunarliðin má sjá hér til hliðar.

Vestri á enn tölfræðilega möguleika á sæti í Pepsi Max deildinni á næsta ári en það eru ansi litlar líkur á því. Afturelding siglir lygnan sjó um miðja deild og keppa því upp á stoltið í dag.

Í síðustu umferð vann Afturelding sannfærandi 3-1 sigur á Þrótti R. á Fagverksvellinum í Mosfellsbæ.

Vestri vann Víking Ó. 3-2 í síðasta leik sem var 24.ágúst. Leiknum gegn ÍBV 28.ágúst var frestað vegna covid.

Liðin hafa tvisvar mæst í sumar. Einn leikur í deild og annar í Mjólkurbikarnum. Vestri hefur unnið báða leikina 2-1.

Leikur dagsins er svo frestaður leikur úr 17.umferð sökum covid.

Góðan daginn og verið velkomin í beina textalýsingu frá leik Aftureldingar og Vestra í Lengjudeild karla.

Leikurinn hefst klukkan 18:00 á Fagverksvellinum að Varmá.