SKÝRSLAN: Ekkert víti í sigri Keflavíkur í Breiðholti
Hvað réði úrslitum?
Aukaspyrnumark Joey Gibbs. Þetta var leikur þar sem bæði lið áttu margar álitlegar sóknir en menn voru ekki með markaskóna á sér í dag.
Bestu leikmenn
1. Magnús Þór Magnússon
Virkilega öflugur í miðverðinum. Skallaði mikið í burtu og var bara frábær í sínum varnarleik.
2. Ástbjörn Þórðarson
Rosaleg vél í Ástbirni sem hættir aldrei og er góður á báðum endum vallarins. Nacho var líka mjög öflugur.
Atvikið
Þegar Sindri fellir Daníel Finns. Verða ekki mikið augljósari vítin.
Hvað þýða úrslitin?
Keflavík stígur stórt skref í fallbaráttunni. Úrslitin þýða ekkert rosalega mikið fyrir Leikni sem þó vill örugglega enda í 7. sæti.
Vondur dagur
Færanýting Leiknis var virkilega vond. Boltinn vildi ekki inn og liðið hefði getað spilað til morguns án þess að skora úr opnum leik.
Dómarinn - 3
Þetta var ekki boðlegt því miður. Fannst Helgi ekki þora að dæma víti. Vítin hefðu getað orðið þrjú í þessum leik.