SKÝRSLAN: Breiðablik svarar fyrir tapið í Keflavík
Hvað réði úrslitum?
Breiðablik leit alltaf út fyrir að vera að fara að sækja sigur hér í dag. Fyrsta hálftíminn náði hvorugt liðið þó góðum spilköflum en eftir það tóku Blikar öll völd og ekki spurning hvoru meginn sigurinn myndi lenda. Blikar voru einfaldlega ákveðnari og tilbúnari í leikinn
Bestu leikmenn
1. Ásta Eir Árnadóttir
Var traust varnalega en var einnig frábær fram á við og var síógnandi upp hægri kantinn. Flott frammistaða hja Ástu í dag.
2. Melina Ayres
Skoraði tvö í dag og var ógnandi allan leikinn. Hefði þó mátt gera betur í fyrri hálfleik þegar hún fór illa með mjög gott færi.
Atvikið
Fyrsta mark Breiðabliks kom stuttu fyrir hálfleikshléið og var mjög mikilvægt. Mögulega hefði leikurinn farið öðruvísi hefði markið ekki komið fyrir hálfleikinn.
Hvað þýða úrslitin?
Blikar eru nú með tvo sigra eftir fyrstu þrjá leikina og sitja í þriðja sætinu einu stigi á eftir Selfyssingum. Stjarnan er ennþá með fjögur stig og sitja í sjötta sæti Bestu deildarinnar.
Vondur dagur
Stjörnuliðið mætti ekki tilbúið í þennan leik en sérstaklega fannst mér liði slakt sóknarlega. Sóknarleikur Stjörnunnar átti mjög slæman dag.
Dómarinn - 6
Ágæt frammistaða hja Kristni í dag. Fínt flæði í leiknum. Hefði mögulega átt að gefa Stjörnunni víti.