SKÝRSLAN: The Ísak Snær Show vs KA
Hvað réði úrslitum?
Varnarleikur Blika var til fyrirmyndar í kvöld og sérstaklega í föstum leikatriðum svo voru Blikarnir ótrúlegir fyrir framan markið og tóku KA bara í nefið þegar að leið á síðari hálfleikinn.
Bestu leikmenn
1. Ísak Snær Þorvaldsson
Mark og tvær stoðsendingar, ætla gefa Dóra Árna, aðstoðarþjálfara Blika orðið en undirritaður spjallaði við hann eftir leik... " Ég á svo sem engin orð yfir þessum leik sem Ísak bauð upp á í kvöld, algjörlega stórkostlegur"
2. Jason Daði Svanþórsson
Tveggja marka maður í kvöld og heldur áfram og áfram að tick-a fyrir þetta Blika lið! Margir aðrir sem komu til greina en Mosó drengirnir taka þetta í kvöld
Atvikið
Stoðsending Ísaks í markinu hjá Viktori Karli var galin, hef að ég held aldrei séð svona stoðsendingu áður á Íslandi eða þetta leit rosalega út úr stúkunni. Mæli með að finna þetta á flakkinu eða á netheimum
Hvað þýða úrslitin?
Blikar enn á toppnum eftir 10 leiki með 27 stig meðan að KA eru í 4.sæti með 17 stig eftir 10 leiki spilaða.
Vondur dagur
Ég ætla að setja þetta á Stubbinn í markinu, mér sýndist í mörkum Jasons og Viktors að hann fær skot bara nálægt sér en þau fóru bæði í netið, þessi mörk gerðu út um leikinn og hefði Stubbur átt að gera betur að mínu mati
Dómarinn - 8
Ívar Orri og co. virkilega flottir í kvöld, hrós á þá.