SKÝRSLAN: Svekkjandi tap á Kópavogsvelli
Hvað réði úrslitum?
Gæði gestana frá Istanbul kláruðu þetta fyrir þá. Breiðablik voru síður en svo slakari aðilinn í þessum leik og er hægt að skilja þá fullkomnlega að fara svekktir með að fara tómhentir úr þessum leik.
Bestu leikmenn
1. Viktor Karl Einarsson
Var að fara illa með menn á miðjunni og skoraði svo mark Breiðabliks. Virkilega flottur leikur í alla staði.
2. Viktor Örn Margeirsson
Var öflugur aftast hjá Blikum. Bjargaði amk í tvígang hættulegum aðgerðum Istanbul sem hefðu að öllum líkindum leitt af sér mark.
Atvikið
Brotið að því virðist á Ísaki Snær innan teigs í stöðunni 2-1 en ekkert dæmt. Hefði algjörlega breytt heildarmyndinni á þessu einvígi ef Blikar hefðu fengið færið á að jafna þar í 2-2.
Hvað þýða úrslitin?
Brekkan er ansi brött fyrir Blikana en þeir þurfa að elta tveggja marka mun ytra eftir viku sem mun reynast alvöru prófraun.
Vondur dagur
Stefano Okaka var áberandi slakastur inni á vellinum.
Dómarinn - 4
Fullt af atriðum sem þóttu skrítinn. Hvernig Emre fékk að klára leikinn án brottreksturs er mér hulinn ráðgáta og sömuleiðis þá gerðu Blikar réttmætt tilkall í að fá vítaspyrnu í stöðunni 2-1 sem hefði breytt heildarmyndinni á þessu einvígi. Línan hjá Finnannum var furðuleg.