SKÝRSLAN: ÍBV áfram í Bestu deildinni (Staðfest)
Hvað réði úrslitum?
Orkan sem Eyjamenn höfðu í fyrri hálfleik. Keyrðu bara yfir Framara sem áttu engin svör. Fram pressaði í seinni hálfleik og hefðu klárlega getað skorað meira en eitt mark, en gestirnir náðu að landa góðum sigri.
Bestu leikmenn
1. Sigurður Arnar Magnússon (ÍBV)
Orkumikill á miðsvæðinu og skoraði tvö mörk. Leysti það svo vel þegar hann var færður niður í hafsent í síðari hálfleik.
2. Eiður Aron Sigurbjörnsson (ÍBV)
Klúðraði víti en var heilt yfir gríðarlega sterkur í vörninni hjá ÍBV.
Atvikið
Þriðja markið sem Halldór Jón Sigurður gerði í fyrri hálfleiknum. Gerði stöðu ÍBV afar þægilega.
Hvað þýða úrslitin?
ÍBV fer upp fyrir Fram og það er ljóst að Vestmannaeyingar verða áfram í Bestu deildinni á næsta ári. Fram verður það líka en það var ljóst fyrir þennan leik.
Vondur dagur
Almarr Ormarsson fann sig ekki alveg og þá hefur Tiago Fernandes eflaust átt betri daga. Varnarlína Fram var þá út á þekju í fyrri hálfleiknum.
Dómarinn - 6,5
Fannst hann dæma þetta nokkuð vel heilt yfir en ég held að það sé klárt mál að ÍBV hafi átt að fá vítaspyrnu í síðari hálfleiknum.