SKÝRSLAN: Danskir dagar í Úlfarsárdal
Hvað réði úrslitum?
Eins ömurlega klisjulegt og það hljómar en Fram nýttu bara sín færi meðan að FH gerðu það ekki, FH fengu helling af færum en boginn illa stilltur í dag meðan að Framarar voru með miðið rétt stillt í dag. Verður áhugavert að skoða xG tölurnar úr þessum leik
Bestu leikmenn
1. Jannik Pohl
Danski sóknarmaðurinn með tvö mörk í dag sem gerði mikið fyrir Framara og mjög góð mörk líka eftir frábæran undirbúning.
2. Ólafur Íshólm Ólafsson
Óli geggjaður í dag, alveg hreint ótrúlegt að FH skoruðu ekki í þessum leik og Óli átti stóran þátt í því.
Atvikið
Annað mark Jannik Pohl bara með síðustu spyrnu fyrri hálfleiks gerði bara út um vonir FH og eftir það slökknaði bara á þeim hvítklæddu
Hvað þýða úrslitin?
Framarar komast í 8.sæti deildarinnar með 31 stig meðan að FH-ingar eru enn í 10.sæti með sín 25 stig.
Vondur dagur
Kristinn Freyr var ekki góður í dag að mínu mati, ég þarf bara að fá meira frá Kidda í svona leikjum sem og öðrum, svo sem margir sem koma til greina en Kiddi fær þetta í dag.
Dómarinn - 6,5
Svona La La frammistaða hjá Pétri í dag, fannst línan vera smá undarleg en ekkert til að vera kvarta mikið yfir